Software Kya Hai Aur Kaise Banate Hain (What is Software in Hindi)

Aaj ke is post me hum baat karenge ki Software kya hai (What is software in Hindi)? Abhi  insan har waqt mobile, laptop, tab me laga rehta hai.  Jitne bhi kaam hai sare in devices ki madad se hi karte hain. Lekin kabhi aapne socha hai ki aakhir ye device kaam kaise karte hain? Nahi to main apko bata du ki ye sabhi device SW ki wajah se hi kaam karte hain. Har kaam ke liye alag software hota hai. Software kitne prakar ke hote hain(Types of software in Hindi)? Aur ye kaise kaam karte hain ? Ye bhi hum aage janenge.

Aaj se agar kuch waqt pichhe ki baat kare jab computer itni chalan me nahi tha. Hum manoranjan karne ke liye T.V dekha karte the aur music system me gaane suna karte the. Lekin aaj smartphone me hi music player aur MX player me hi movies aur song sab dekh sun lete hain.

Online baat karne ke liye Whatsapp, fb messanger software use karte hain. Important notes hum smartphone ke notebook ya MS Word me likh lete hain. Kisi bhi naye jagah me ghumne ke liye Google map ka use karte hain. Designing ke liye photoshop aur Picsart ka use karte hain. Job ke liye apply karna ho to ghar baithe hi Naukri.com ke app se resume submit karte hain. Ye sab sirf aur sirf SW ki wajah se possible ho saka hai. Bas apko sochna hai ki aap kya kaam karna chahte hain, sabhi ke liye SW pehle se bane huye hain.  Ab Aap bhi ye janne ko utsuk ho gaye honge ki aakhir Software kya hota hai? Aur itne sare kaam kaise kar leta hai. Ye kitne prakar ka hota hai? To bina deri kiye huye chaliye shuru karte hain.

Software Kya Hai (What is Software in Hindi)

Definition of Software: “Software is a set of instructions or programmes instructing a computer to do specific tasks.” Hindi me software kise kehte hain ye bhi jaan lete hain.  Software bahut sare instruction ya programmes ka set hota hai, jo computer ko specific kaam karne ke nirdesh deta hai. Computer ya smartphone me hum jitne bhi kaam karte hain un har ek kaam ke liye alag alag SW hota hai. Example ke liye hum roz internet use karte hain uske liye Google chrome aur UC browser use karte hain. Documents banane ke liye MS word, Photos edit karne ke liye Photoshop, video chalane ke liye VLC media player ka istemal karte hain.

Ab aap hi batao ye sab kaam jis ke jariye aap karte hain wo sab kya hai? Ji han aapne sahi samjha Google Chrome, Photoshop, PicsArt, UC browser etc. ye sabhi SW hain. Computer aur Mobile me jo operating system hota hai wo bhi program hai, jiske bina computer start bhi nahi ho sakta.

Software computer ko kisi kaam ko perform karne ke liye instructions deta hai aur computer us kaam ko pura karta hai. SW aisi chiz hai jo physically available nahi hota . Ise hum touch nahi kar sakte hai. SW ko banane ke liye High level programming language ka use kiya jata hai. Ab apke mann me bahut sare sawaal aa rahe honge ki aakhir ye programs ya instruction kya hote hain, programming language ka use kaise karte hain. To chaliye jante hain in sabhi facts ko aur bhi detail me.

Instructions and Programmes

Instruction ek order hota hai jo computer program, computer processor ko deta hai. Har instruction 0 aur 1 ke sequence se bana hua hota hai. Yahi instruction computer ko physical kaam karne ke liye nirdesh deta hai jaise ki (Add karna). Jab hum do numbers ko add karna chahte hain to computer ke memory save kiya hua instruction kaam karta hai aur hamare dono numbers ko jod kar hume show kar deta hai. Is tarah alag alag kaam ke liye alag alag instruction memory me save rehte hain.

Jab kai sare instruction ek sath milte hain to jakar ek program banta hai. Ye samajhne me apko jyada dikkat nahi honi chahiye ki kisi software me alag alag function hote hain. Chaliye ise ek example se samajhte hain. MS Word agar aap use karte honge to apko isme bahut sare features milte hain. Jaise new file banana, Picture add karna, Heading dalna, resumet bana ke use print karna.

To MS Word ek SW hai jisme bahut sare programmes hain. Aur har ek program chhote chhote instruction ko milakar bana hua hota hai. Maan lijiye hume MS Word me picture related kaam karna hai. Iske liye picture se juda ek program likha hua rehta hai. Aur picture se jude kaam jaise picture ke size ko chhota bada karna, picture ko crop karna, picture ke light ko set karna, inke liye alag alag bahut sare instruction likhe huye rehte hain.

Ab aap Instruction aur programme kya hai samajh gaye honge. To ab aap ye janana chahte honge ki aakhir ye instruction aur program kaise likhe jate hain. Instruction aur program likhne ke liye programming language ka use kiya jata hai. To chaliye jan lete hain ki programming language kya hota hai? Aur is se kisi instruction aur program ko kaise likha jata hai.

Programming Language

Computer hamari bhasha nahi samajhta. Computer sirf programming language ko samajhta hai. To hum apni baat computer ko samjhane ke liye programming language ka istemal karte hain. Iska matlab aap samajh gaye honge ki programming langauge ka upyog hum computer se baat karne ke liye karte hain.

Programming language keywords ke set, syntax, symbols aur semantics ka upyog kar ke instruction likhne ke liye use kiya jate hain. To jab hume kuch kaam karna hota hai to uske according hi uske liye keywords, symbols aur syntax ka use kar ke instructions likhe jate hain jisse ek programe ban jata hai. Aur bahut sare programmes taiyar kar ke ek software ban jata hai. Programming language bahut sare hain jinke istemal se bade bade software banaye jate hain. Jaise JAVA, Oracle, Fox Pro, DBase, COBOL, MySQL, PHP, .NET alag alag programming langauge hain.

Software Ke Prakar (Types of Software in Hindi)

Hum roz marra ki zindagi me bahut sare SW ka istemal kar ke apna kaam chutki bajakar kar lete hain. Chahe wo simple calculator ho ya fir irctc app ka use kar ke ghar baithe ticket book karna ho. Har kaam me hum SW ka hi sahara lete hain. Lekin ye software kitne prakar ke hote hain?  To main bata dun ki Software 2 prakar ke hote hain.

  1. System Software
  2. Application Software

System Software Kya Hai? (System Software in Hindi)

Software jiski madad se computer kaam karta hai. Yani in software ke bina computer khud kaam nahi kar sakta, waise SW ko system software bolte hain.  System software computer aur iske alawa sabhi input aur output devices ko bhi chalane ke liye kaam karta hai. Jaisa ki aap computer me koi printer connect karte hain to uske liye driver install karna padta hai. Jiski wajah se computer us device ke sath jud pata hai aur use bhi kaam karne me madad karta hai.

System software ke bina computer khud bhi nahi chal sakta aur na hi usse juda koi hardware jaise input aur output device kaam kar sakta hai. Jaise Operating system MAC OS, Linux, Android, Windows, 7 , Windows, 8 ye sabhi operating system hain. In ke bina computer ya mobile ON bhi nahi ho sakta.

System SW ek platform hai jiske jariye sare devices kaam karte hain. System software jaise operating system ke upar hum dusre SW install kar sakte hain. Jis par normally hum kaam karte hain. Ye bhi different types ke hote hain to chaliye jante hain detail me.

Operating System

Operating system agar kaha jaye ki ye computer ki aatma hai to galat nahi hoga. Jiske bina computer hardware kisi kaam ke nahi. Operating system hi wo jariya hai jiski madad se hum computer ke har hardware tak pahunch pate hain. Ya fir hardware ko kaam karne ke liye nirdesh de pate hain.

Operating system user aur computer ke bich interface yani ek bridge ki tarah kaam karta hai. Jaise ki Windows 10 computer ka ek operating system hai. Is tarah ke kai operating system hote hain. Android mobile ke liye use hone wala sabse popular operating system hai. Operating system banane wali famous companiya Microsoft,Google aur Apple hain.

Device Drivers

Maine aapko pehle hi bataya hai ki kisi bhi input/output device  ko computer se connect karne ke liye driver install karna padta hai. Drivers operating system ko batata hai ki device kya hai aur use pehchanne me madad karta hai. Drivers ke bina computer ka OS kisi bhi hardware ko support nahi kar pata.

Language Translators

Transaltor ek computer program hota hai High or Low level language ko machine language me translate karta hai. Jaise assambler, interpreter aur compiler ye kuch translators hain. Assambler low level language ko translate karta hai. Jab ki compiler high level language ko translate karta hai aur interpreter line by line ek ek kar ke translate karta hai. Iske kuch examples hain C++, Java, COBOL.

Utility Programs

Utility program system software hote hain jo computer ka vishleshan, configuration, optimization aur maintain karne ke liye use kiye jate hain. Ye computer infrastructure ko support karta hai. Ye directly task ko perform karte hain jisse users ko support milta hai. Iske exaples hain Antivirus, Memory testers, Network utilities, Screensavers,  Disk checkers, Backup SW. Ye sabhi programs computer ko kisi bhi tarah se support hi karte hain.

Application Software Kya Hai? (Application Software in Hindi)

Computer banane ka mukhya uddeshya kya hai? Ye kis liye banaya gaya. Ji han ye hamare kaam ko aasan karne ke liye banaya gaya hai. Application software aise SW hote hain jin par hum apna kaam karte hain. Jabki system software background me kaam karte hain. Jiski wajah se Application software uske upar support kar pate hain.

To kul milakar aap ye samajh le ki jis SW se computer kaam karta hai aur jo background me run kar ke computer ko chalata hai wo system software hai. Jabki waise SW jis par hum aur aap kaam karte hain use Application software bolte hain.

Application SW bhi run karne ke liye system SW par depend karte hain. Hum jo SW har din use karte hain use mobile ke liye Apps ke naam se bhi jante hain.  Ye ek tarah se hamari zarurat ko pura karta hai. To chaliye jante hain ki application SW kitne tarah ke hote hain.

Word Processing Software

Document se Jude sare kaam karne ke liye word processing software ka istemal karte hain. Is tarah ke SW jydatar office  me use kiya jata hai. Aise SW ka use kisi bhi document ko create kar sakte hain. Usme sudhar karne ke liye use edit kar sakte hain. Microsoft office word processing ke liye sabse jyada use hota hai. Iske alawa Wordpad aur Notepad ka bhi prayog karte hain.

Database Software

Is tarah ke software ka istemal hum Database ko create aur manage karne ke liye use karte hain. Isme hum bahut sari jankari ko ek sath rakh kar use manage kar sakte hain. Isko hum short me DBMS yani Database Management System bhi kehte hain. DBMS ke roop me use hone wale SW Fox Pro, DBase, MS Access, Oracle hain.

Multimedia Software

Hum jo har roz song sunte hain aur videos dekhte hain uske liye computer me hum bahut sare multimedia SW ka istemaal karte hain. Alag alag extension ke liye hum alag alag multimedia players SW hote hain. Iske kuch examples Windows media player, VLC Media player, KM Player etc. hain.

Presentation Software

Jabn hume project related kuch kaam karna hota hai aur use dusro logo ke samne show karna hota hai. To aise me hum presentation SW ka istemal karte hain. Presentation software me hum ek ek topic ke liye alag se slides banakar use apne clients ko show karte hain. Jaise Microsoft Powerpoint, Keynotes is ke liye use hone wale SWhain.

Educational Software

Aise category ke software ka istemal hum apni studies ke liye karte hain. Is ke under Dictionaries Encarta, Britannica Mathematical, MATLABOthers Google earth,NASA World wind aate hain.

Internet Browser

Duniya me har roz bahut sare internet se information nikalte hain. Internet access karne ke liye jis SW ya application ka use karte hain use Web browser bola jata hai. Computer aur mobile jaise har tarah ke platform ke liye browsers ka istemal karte hain. Google chrome, UC browser, Mozilla firefox, Internet explorer Internet browser ke example hain.

Designing Software

Graphic designing aur multimedia related designing ke liye hum designing software ka use karte hain. Isme ghar ka naksha, animation, machine design etc type ke kaam karte hain. Is tarah ki category me jo software ate hain uske kuch examples ye hain jaise Auto CAD, MAYA 3D, SolidWorks etc.

Software Kaise Banate hain

Hum pehle hi ye jaan chuke hain ki software kya hai. Isko banane ke liye programming language ka knowledge hona bahut jaruri hai. Kyu ki SW bahut sare instructions aur programes ka set hota hai. Iske andar jarurat ke anusar function ke liye intruction ke roop me codes likhe jate hain. Ye programmer hi kar sakte hain. Jinhe programming language ka acha gyan hota hai.

Jo programming language ki padhai kar ke knowldge rakhte hain wo software developer yani IT companies me job karte hain. Jaisa SW ka requirement hota hai uske anusar programmers ka group banakar ek SW me milkar kaam karte hain.

To is tarah ek akela programmer bhi SW bana sakta hai lekin isme kafi time lagta hai. Lekin group of programmers isi kaam ko jaldi kar leta hai. Companiya ek fix time de deti hai ki jis date me us project ko pura kar lena hota hai. Software develope karne wali IT companiyon me Infosys, TCS aur WIPRO bahut famous hain.

Conclusion

Doston aaj ki ye jankari Software kya hai(What is software in Hindi) apko jarur achhi lagi hogi. Iske sath hi apko ye bhi janne ko mila ki Software ke prakar kya kya hote hain.  Apne har tarah ke kaam ke liye hum anginat software ka istemal karte hain. Ye sabhi software hamare bahut sare kaam ko aasani se karne me hamari madad karte hain.

Ye sari jankari agar apko helpful lagi ho to hume comment kar ke jarur apna feedback de. Taaki aage hum aur bhi achhi jankari aapke liye la sake. Aur hara tarah se apki jankari ko badha sake. Is blog se nayi jaankari ke updates pane ke liye apne email se subscribe kare. Agar kuch sujhaw dena chahte hain to aap comment ka jariye hume sujhaw de sakte hain. Hum hamesha apke vichar ka swagat karte hain.

5 (100%) 2 votes

6 Comments

  1. bajrang Lal September 20, 2018
  2. bhaskar papnai September 29, 2018
  3. Bhupendra Singh Lodhi September 30, 2018
    • wasim akram September 30, 2018

Leave a Reply

%d bloggers like this: