Permalink Kya Hai Aur Kaise Likhe – 4 Effective SEO Friendly Tips

Permalink kaise likhee

Kya blogging ki shuruwat aapne abhi abhi ki hai? Blogging se related har basic ki jankari aapko honi jaruri hai. Aaj main apko bataunga ki what is permalink in hindi, permalink meaning kya hota hai? Blog post ke lie permalink kaise likhte hain? Kisi bhi purane post ka permalink kaise change kar sakte hain. Permalink se judi sari baaton ko yahan hum aasan shabdon me discuss karenge.

Permalink ko hi slug bhi kehte hain aur is ka perfect hona On-Page SEO ka ek bahut hi important part hai. SEO friendly permalink likhne ke kuch tips bhi bataunga jisse aap wordpress slug ko perfectly optimize kar sakenge. Sath hi kisi bhi old post ke permalink me kaise change kare ki uske SEO me ko effect na pade, ye bhi janenge.

on-page seo kya hai
 

Permalink Kya Hota Hai?

Internet me aap jo bhi post aur page open karte hain uske link ya URL ko permalink bola jata hai. Permalink ki meaning “permanent link” hota hai. Aapke blog ke har post, page aur dusre sabhi contents ka permanent link hota hai. 

Har permanent link me aapke blog ka domain name juda hua hota hai. For example mere ek post ka slug le lete hain.

https://www.wtechni.com/seo-kya-hai/

https://www.wtechni.com” =  Ye mere blog ka domain name hai.

/seo-kya-hai/ ” =  Ye is post ka permalink hai.

Link hi slug hota hai jo ki URL me domain name ke baad me aata hai. Isme post name, date, category, article number bhi ho sakta hai. Jo bhi aap chahe wo aap marzi se slug choose kar sakte hain.

Ek simple permalink, URL ko is layak bana deta hai ki wo aasani se samajh me aa jaye. Slug SEO ke lie bahut hi important factor hota hai. Is article me hum permalink or Slug ko aur thoda deep me samjhenge jisse isko SEO friendly banane me aap bhi expert ban sake.

Permalink SEO Ke Lie Kaise Important Hota Hai?

Permalink kisi bhi website or blog ka important part hota hai. Search engines aur visitors dono ke lie aapko Slug ka importance janna hoga. Search engines link ko index karne ke lie aur visitors post ke topic or information ko janne ke lie use karte hain.

Aap jaisa link use karenge usi ke anusar search engine aur visitor aapke site ko dekhenge aur value denge. Kyu ki jab bhi aap apne post ko share karte hain to bas ek hi material use karte hain wo hota hai link yani ki aapka link or slug.

Agar Slug or link me post content se jude word honge to bas link ko dekh kar samajh me aa jaaega ki post kis bare me likha hai. Same search engines ke sath bhi hai wo post se jude keywords ko post title aur slug or links me search karta hai. Jab use common words yani ki keywords har jagah milta hai to use samajh me aa jata hai ki keyword kya hai aur post kis bare me hai. Aur search engines post ko aasani se rank kara dete hain.

Ek URL jisme bahut sare meaningless  letters or words hote hain, aisa link negative SEO ki pehchan hota hai. Iski tulna me ek short aur simple sa meaningful URL SEO friendly hota hai aur is se blog ko jyada benefit hota hai. Main apko yahan slug or link ke kuch examples dikha raha hu, jo different types ke permalinks ko represent karte hain.

link Structure

https://www.wtechni.com/?p=123          Negative SEO

https://www.wtechni.com/2018/08/09/permalink-kya-hai/  Negative SEO

https://www.wtechni.com/2018/08/permalink-kya-hai/     Negative SEO

https://www.wtechni.com/archives/123       Negative SEO

https://www.wtechni.com/permalink-kya-hai/   Positive SEO

Ab aap ek baat to samajh gae honge ki isme sabse simple aur meaningful link kaun sa hai. Aur inme se kuch slug or links me post name hai lekin unke pehle date bhi include hai. Agar aap is tarah ke structure ko use karenge to link ki length lambi ho jaaegi. Jo search result me show nahi hogi.

SEO Optimized Permalink Likhne Ke 4 Tips

Permalink On-Page SEO ka hi ek important part hai ye aap already jaan chuke hain. Ye bahut jaruri ho jata hai ki slug ya link ko perfect kaise likhe. Search engine kisi post ko rank karane ke pehle uske contents ko ache se crawl karte hain. Search engines keywords ke distribution ko bhi check karte hain. 

Keyword ko Post title, Content aur sath hi slug ya link me bhi search karte hain. Isse unhe ye idea ho jata hai ki is keyword se related har information post me include kiya gaya hai. Is tarah search engines post ko achhi ranking de dete hain. Main aapko link or slug ko SEO friendly likhne ke tips bataunga jise follow kar ke aap easily post ko SEO optimized kar sakenge.

#1. Use Focus Keyword 

Search engines ko focus keyword ki jarurat padti hai jis keyword se post ko rank karana hota hai. Iske lie aapko apna focus keyword, content me 2.5% ki density ke sath use karna hota hai. Post title me bhi keyword include karte hain. Iske sath hi slug me bhi focus keyword ka use karna utna hi important hai jitna content aur post title me.

Search engines focus keyword ko content, post title aur link me match karata hai. Aur isse usko aasani ho jatai hai samajhne me aur post ko achi ranking milti hai.

Is post ke lie mera focus keyword hai permalink. To main link kuch is tarah se likhunga.

https://www.wtechni.com/permalink-kya-hai/    Postive SEO

Aap apne post ke lie permalinks me focus keyword jarur use kare. bahut se aise bloggers bhi hote hain specially beginners jinhe link setting ka importance malum nahi hota hai. Aur wo iske importance ko samajhte nahi. Link ko edit nahi karte balki default permalinks hi use kar lete jisme focus keyword include nahi rehta. Aise me ye SEO friendly nahi ban pata.

#2. Short URL

Slug or URL ko apko short or chhota banana hai. Jisme extra words ko remove kar lena hai. Isme Post content se relevant words aur focus keyword hi add kare. 

Short URL search engine result page yani SERP friendly hota hai. Ye URL chhota hone se SERP me pura show hota hai aur aapke users ko read kar ke samajhne me aasani hoti hai. Long URL hone se Search engine me ye partially matlab adhura hi show hoga. Jisse users ko clear nahi ho sakega ki content kis bare me hai.

Post title, Permalinks aur Meta description ye sabhi search engine ke result page me show hoti hai. Users in details ko dekh kar samajh jate hain ki post me wo information hai ya nahi jise wo search kar raha hai.. 

Isilie bahut jaruri hai ki aap apne link ko short and simple rakhe. Is post ka permalink dekhe short and simple hai. Jisme focus keyword bhi hai aur sath hi content ko bhi indicate karta hai.

permalink-kya-hai/    Postive SEO

#3. Delete Meaningless Slug

WordPress me default permalinks structure set rehta hai wo SEO friendly nahi hota. Usme Default structure is tarah ka hota hai.

https://www.wtechni.com/?p=101  Negative SEO

Isme aap domain name ke baad aap jo number dekh rahe hain wo WordPress ka article number hai. WordPress default structure ke roop me isi ka use karta hai. 

Ab aap soch ke dekho ki search reasult me is tarah ka URL jab koi visitor dekhega to use post se related content ke bare kya samajh aayega. Iske alawa jab is link ko aap facebook, whatsapp me share karenge ya fir kisi forum me bhi submit karenge to ye irrelevant lagega. Kisi bhi visitor ko isme interest nahi hoga kyu ki isme link or slug meaningless hai.

#4.   Don’t Use Stop Words

SEO ke lie ye jaruri hota hai ki aap link me stop words ka bilkul bhi use na kare. Stop words jaise “a”, “the”, “on”, “and” se post ki search ranking me effect padta hai kyu ki search engines in words ko pasand nahi kare specially slug ke roop me.

Blogger Blog me Custom Permalink Kaise Likhe

Permalinks setting kar ke aap apne post ko search engine friendly bana sakte hain. Lekin sabse pehle aapko apne slug or link se stop word ko removw karna hai aur usme apne keyword ko add karna hai.

Jab aap blogger ke blog me post likhte hain aur uska custom permalinks setting kar sakte hain. Iske lie aap apne post ke permalink option ko click kar ke open kar le. 

Waise to blogpost ka title jo aapne rakha hoga wahi aapke blogger ke permalink me default set ho jaaega.Permalink ko click karne par is tarah apko 2 option dikhenge. Isme aap Custom Permalink ko select kare. Iske baad apne slug or link ko add kare with keywords.


Lekin dhyan ye rakhe ki apke words ke bich me (-) jarur ho. Example: permalink-kya-hai/. Link or slug set karne ke baad apne post ko save kar le.

WordPress Blog me Permalink Kaise Likhe

Wordpres blog me default permalinks already set hota hai. Jaisa ki maine already bataya hai ki default tor par WordPress me permalinks is tarah ka hota hai.

https://www.wtechni.com/?p=123

Ab aap to sabse pehle best default structure ko set kare. Jisse hoga ye ki aap easily apne link ko set kar sakenge.

Permalink settingAap apne blog ke Dashboard me jaakar Setting par click kare. Wahan aapko Permalinks ka option milega us par click kar ke enter kar le. Uske baad apko is tarah ka interface dekhne ko milega.

permalink best structure

Yahan aapko Post name par click kar ke apna best structure select kar lena hai. Custom structure me aap dekh sate hain ki wahan post name select ho chuka hai.

Ab aap apne article me title me jo bhi word type karenge to aap ko wahi sentence permalinks me bhi milega. Custom link edit karne ke lie aap Yoast SEO ka use kar sakte hain. 

permalink yoast seo

Jab aap Post likhte hain to wahan top me hi aapko permalinks ka option milta hai. Wahan aap slug ya link ko easily edit kar sakte hain. Is tarah aap custom link set kar ke apne post ko SEO friendly bana sakte hain.

Friends agar aapko ye post helpful lagi ho to is post ko jarur share kare. facebook,twitter,instagram me is post ko share kare aur apne blogger friends ke sath bhi ise share kare. Agar apko custom slug ya link set karne me koi problem ho rahi ho to aap comment kar ke puchh sakte hain.

 

4 Comments

Leave a Reply

Your email address will not be published. Required fields are marked *

CommentLuv badge

%d bloggers like this: