Pan Card Kya hai, Kaise banaye aur Iske Fayde Kya hai? Hindi Jankari

Doston kya aap ko malum hai ki Pan Card kya hai (What is Pan card in Hindi). Waise abhi ke time me Pan card kyu jaruri hai ye to har koi janta hi hai. Har jagah Pan card ka istemal hota hai chahe wo bank account khulwana ho, income tax bharna ho, credit card banana hai ye fir online wallet account banwana ho. Is card ke bina online finance se jude koi kaam nahi ho sakte. Demonetization (Notebandi) ke baad se Indian government ke advise par Reserve bank of India ne sabhi khata dharako ke liye Pan card ko aadhar card ke sath jodna aniwarya kar diya hai. Main apko saral bhasha me bataunga ki Pan card kya hota hai, jisse aap aasani se iske bare me samajh jayenge. Aur ye bhi janenge ki Pan card ke fayde kya kya hain.

Pan card se judi sari hindi jankari apko is post me mil jayegi. Aur ye bhi janenge ki Pan card kaha banta hai? To chaliye bina deri kiye huye jante hain ki aakhir is ka hamare desh me kya importance hai.

PAN Card Kya Hai (What is PAN Card in Hindi)

PAN Card ka pura naam Permanent Account Number hota hai. Ye ek identification card hota hai jise har tarah ke financial len den (transaction) ke liye use kiya jata hai. Ye ek unique card hai jisme 10 alphanumeric character hote hain jise income tax ya aaykar vibhag hume deti hai. Pan card Indian income tax Act, 1961 ke tahat laminated card ke roop me issue kiya jata hai. Ise Central Board of Direct Taxes (CBDT) ki dekh rekh me jari kiya jata hai. Pan card identification proof ke roop me hamare bahut kam aata hai. Is ke jariye Indian Government income tax ke bare me puri jankari hasil karti hai.

PAN card har tarah ki financial len den ke kaam aata hai. Iske jariye income tax bhugtan, naya bank account khulwane me, taxable salary receive karne ke liye,  properties ki kharid bikri karne me jarurat padti hai. Ye ek identification proof ki tarah kaam karta hai lekin isme address nahi hota. Isiliye iska istemal address proof ki tarah nahi hota hai.

PAN card dikhne me bilkul debit/credit card ke size ka hota hai. Isme apka naam, father ka naam, date of birth PAN number darj kiya hua hota hai. Iske sath hi isme foto aur signature bhi rehta hai.

PAN Card ka structure (PAN Card Structure)

Jaisa ki pehle hi hum discuss kar chuke hain ki PAN Card 10 character lamba alpha numeric unique character hote hain.  Har Pan card Number ek dusre se alag aur unique hota hai. Isme bahut sari jankari hot hai. Chaliye ise example se samajhte hain.

PAN Card number kuch is tarah ka hota hai AAWA1234J

  • Isme pehle ke 5 letters English alphabets hote hain uske baad 4 numerical number hote hain aur last me fir ek English alphabet hota hai.
  • Shuru ke 5 alphabets me pehle ke 3 alphabets A-Z ke bich me koi bhi letter ho sakta hai.
  • 4th alphabets niche diye list ke anusar chuna jata hai.
  1. Company  ke liye – C
  2. Kisi Person ke liye – P
  3. Hindi undivided family (HUF) ke liye – H
  4. Firm ke Liye – F
  5. Association of persons ke liye (AOP) – A
  6. Trust denote karne ke liye – T
  7. Individual ke liye (BOI) – B
  8. Local Authority – L
  9. Artificial Jurisdiction Person – J
  10. Government – G
  • 5th Alphabet kisi bhi person ke surname ya last name , kisi organisation ya company ke naam ka pehla letter hota hai.
  • Iske baad 6-9 characters ke jo 4 numerical digits hote hain wo 0001 se lekar 9999 ke bich me se liye jate hain.
  • Last digit ek alphabet hota hai jo peeche ke 9 characters ke dwara ek formula apply kar ke nikala jata hai.

PAN Card Ke Fayde (Benefits of PAN Card in Hindi)

Doston jaisa ki abhi tak apko ye to malum ho hi gaya hai ki Pan card kya hai, ab aage hum baat karenge ki Pan card ke fayde kya hain (Benefits of Pan card in Hindi).

  1. Income tax me hone wali problems aur gadbadi se ye card bachata hai.
  2. Indian Government dwara issue kiya hua card har jagah valid hai. Har sarkari office aur bus train har jagah iski manyata hai.
  3. Isiliye aap kisi bhi sarkari ya private sanstha me ise ID proof keee tor par de sakte hain.
  4. Full time ke alawa part time job me bhi isko dikhane se apko bhugtaan aasani se ho jata hai.
  5. Agar aap kahin par temporary job ya fir part time work karte hain to PAN card se aap year ke last me TDS claim kar sakte hain.
  6. 50,000 se jyada ki len den klarne ke liye.
  7. Isse share market me 50,000 se jyada ki amount ke transaction karne me.
  8. Kisi hotel me 25,000 se jyada amount ko pay karne ke liye ye kaam karta hai.

PAN Card Kyu Jaruri hai?

Permanent Account Number har nagrik ke liye jaruri hai. Bahut sare aise kaam hai jo bina iske possible nahi hai.

  1. PANcard ek tarah se hamare liye pehchan patra ke roop me kaam karta hai. Isme hamara naam father naam aur photo bhi hota hai jiski wajah se ye ID proof ke liye valid hota hai.
  2. Income tax bharne ke liye iska istemal karte hain. Agar ye na ho to pat nahi chalega ki tax ka exact amount kya hai. Ye unique number ke jariye kisi person dwara kiye gaye sare transaction ko record karte hain. Isse tax ki chori rokne me madad milti hai.
  3. Job karne wale person ke liye ye aur bhi important hota hai. Jab jyada price ki kisi transaction ko karna hota hai to wahan PAN card ki detail deni jaruri hai. Bina iske transaction nahi kar sakte.
  4. New bank account open karne ke liye isko compulsory kar diya gaya hai. India ke kisi bhi bank me account banwana hai to wo apse ye jarur mangenge.
  5. Telephone ke naya connection lene me ye kaam karta hai.
  6. Property kharidne ya bechne ke liye iski jaruraat padti hai, iske sath hi ghar banane aur flat kharidne ke liye iska hona jaruri hai.
  7. Vehicle kharidne ke liye bhi ye kaam aata hai.
  8. Debit/Credit card pane ke liye apko iski jarurat padegi.

PAN Card Kaise Banaye?

Ek time tha jab PAN card banwana mushkil kaam hua karta tha. Lekin ab ye bahut aasan ho chuka hai. Ab koi bhi aam aadmi, company ya fir koi sanstha PAN card ke liye apply kar sakte hain. Yahan tak ki foreigners bhi ise apply kar ke apne liye banwa sakte hain. PAN card banwane ke 2 tarike hain. Ya yun kahe to ise aap online aur offline dono method se apply kar ke banwa sakte hain.

Online : Online apply karne ke liye apko website me login kar ke form 49 A bharna hota hai. iske liye 2 website hain jahan se ye kaam kar sakte hain.

https://www.tin-nsdl.com

https://www.utiitsl.com/UTIITSL_SITE/pan/index.html

Offline : Agar aap PAN card ke liye apply karna chahte hain to iske liye aap apne najdiki PAN centre me jayen. Wahan aap apna form fill up kare aur jo jaruri documents usko sath me attach ka ke de de. Fir approval ke baad apko card ban kar aa jayega.

PAN Card banane ke liye apko 93Rs. lagte hain lekin GST laga ke ye 110Rs. lag jata hai. Online bahut sari websites hain jahan se aap ise apply kar sakte hain lekin wo extra charge bhi lete hain. Lekin agar aap khud hi apply kar ke banate hain to online payment kar ke jitna charge bataya wahi apko lagega. Iske liye aapke paas credit/debit ya fir netbanking hona jaruri hai.

Lekin agar aap PAN centre me jakar apne liye card banwate hain to apko wahan cash ke roop me paise dene hote hain. Iske sath hi PAN apply karne ke baad apko ek tracking number diya jayega jisse aap apne card ke status ko check kar sakte hain aur jan sakte hain ki ye kab tak aap ko mil jayega.

PAN Card Ke Liye Document Kya Kya chahiye ( Pan Card Documents List)

Agar aap apne liye ya fir kisi relative ke liye PAN Card apply kar rahe hain to apko ye malum hona jaruri hai ki ise apply karne aur use banwane ke liye jaruri documents kya kya hain. Agar jauri docments apke paas nahi hain to fir apply nahi kar sakenge. To chaliye jante hain wo documents kya hain jiske bina hum apply nahi kar sakte hain.

Identity Proof: Sabse pehle to ek Identity proof hona jaruri hai. Agar niche bataye list ke anusar aapke paas koi bhi ek pehchan patra hai to aap apply kar sakte hain.

1. Passport
2. Voter ID card
3. Aadhar Card UIDAI
4. Ration Card
5. Driving License
6. Photo Identity Card issued by Central or State Government

Address proof: Dusra jo document jaruri hai wo Address Proof hai. Address proof ke liye aap niche diye documents me se kisi ek ko use kar sakte hain.

1. Aadhar Card
2. Passport
3. Voter ID card
4. Driving license
5. Post Office Passbook
6. Property Registration certificate.

Birth certificate (Date of Birth Proof):– Teesra document jo ise apply karne ke liye jaruri hai wo hai Birth certificate. Ye hamare Janm se jude information deta hai.

1. Aadhar Card
2. Elector’s Photo Identity Card
3. Driving license
4. Passport
5. Matriculation Certificate
6. Birth certificate issued by the municipal authority.

Latest Photographs: Apko PAN card apply karte waqt 2 haal hi me liye hue photographs bhi jama karne honge.

Friends sare documents ka ek ek copy le aur usme khud signature me bhi kar ke rakhe. Jise self attested bhi bolte hain. PAN card bharat sarkar ke dwara har Bank me anwarya kiya ja chuka hai. Iska har nagrik ke paas hona jaruri hai. Ise aadhar card se bhi jod diya gaya hai.

Conclusion

Friends aaj ke time har sarkari document ka hona bahut jaruri ho chuka hai. Aur in documents ke bina hamara kaam nahi ho sakta hai. Ab to aap samajh hi gaye honge ki PAN card kya hai (What is PAN card in Hindi). Aur ye bhi samajh gaye honge ki PAN Card ke fayde kya kya hain.

Main ummid karta hu ki apko ye post achhi lagi hogi. Agar apko ye post pasand aayi hai to ise apne friends ke sath jarur share kare. Aur agar unhe nahi malum hai to unhe iski janakri jarur de.

Pan Card Kya hai, Kaise banaye aur Iske Fayde Kya hai? Hindi Jankari
Rate this post

Leave a Reply

%d bloggers like this: