MS Word क्या है? What is MS Word in Hindi

Kya aap jante hain MS Word Kya hai (What is MS Word in Hindi)? Documents create karne ke liye MS Word use hone wala sabse popular computer program hai. Ho sakta hai aap school, college ya fir computer institute me padhte ho to apko wahan padhai ke dauran first time iske bare me jankari mili hogi. Lekin agar aap nahi jante ki MS Word kya hota aur ye hamare kis kaam aata hai, to ye post apke kaam ka hai. Is post me hum apko MS Word ki jankari hindi me denge. MS Word office kaamo me use hone wala bahut hi important software hai. Isse bahut sare kaam hum bahut hi aasani se kar sakte hain. Chahe wo naukri apply karne ke liye resume banana ho ya fir koi article likhna ho.

MS Word se hume bahut se fayde milte hain. Is ki visheshtayen dher sari hain. Is post ke madhyam se aap ye bhi jaan sakenge ki MS Word hamare liye kitna important program hai. Agar aap ke paas laptop, Computer, Android smartphone hai aur aap ne ise install nahi kiya hai to jaldi se kar le. Kyu ki aaj ke baad se aap iska istemal karna shuru karne wale hain. MS Word Kya hai (What is MS Word in Hindi) ye sawal agar aap se koi puchhega to iska jawab aap bahut aasani se de sakenge. Sath hi use ye bata payenge ki MS Word ki paribhasha (MS Word definition in Hindi) kya hota hai.

MS Word Kya Hai (What is MS Word in Hindi)

MS Word Definition in Hindi – Microsoft Word ya MS Word ek graphical word processing program hai jise users type karne ke liye istemal karte hain. Ye ek application software hai. Iska upyog users naye document ko banane, purane ki sudhar karne aur save kar ke rakhne ke liye karte hain. Baki word processing programs ki tarah isme bahut useful tools hote hain. Ye world ki sabse badi software company Microsft ke dwara banayi gai hai. Ise Microsoft ne 1983 me develop kiya tha. tab se lekar aaj tak iske bahut sare version release kiye ja chuke hain.

Ye shuru se hi puri duniya me word processing ke liye sabse top application raha hai. Aur aaj bhi ye top par hi chal raha hai. Is ke jagah me koi bhi kisi dusre application ka istemal nahi karte hain.

Microsoft ka istemal resume form, letters, papers, template, booklet, reports aur business card banane ke liye kiya jata hai.  Word Microsoft office program ka ek part hai.  Microsoft Office me MS Excel, MS Powerpoint, Ms Access etc program MS Word ke sath me hote hain. To agar apko ye use karna hai MS Office install karna padega. Is software kas istemal pehle hum sirf computer aur laptop me hi kar pate the. lekin iska android app bhi ab uplabdh hai jise aap playstore se download kar ke use kar sakte hain.

Microsoft Word ki paribhasha to ab aap samajh hi gaye honge. Ab aapko iski visheshta janne ki jarurat hai. Jab aap jaan jaoge ki Ms Word se hume kya kya advantage milta hai to iska pura upyog kar sakenge. To isse pehle jaan lete hain ki iske feature kya kya hai.

MS Word Layout aur Option

Hum jab kisi document par kaam karte hain to usme bahut sari editing karni hoti hai. Aur apni marzi ke anusar bhi apne file me design aur decoration karte hain. File editing karne ke liye ke liye hume ye janna jaruri hai ki MS Word me kaun sa option kahan hota hai. Iske liye layout ko samajhna hoga to chaliye dekhte hain ki MS Word me kaun sa option kahan hota hai.

MS Word Kya hai (What is ms word in Hindi)

Title bar

MS Word application ke sabse upari part jo hume dikhai deta hai wahi Title bar hota hai.  Yahan par hum jis file me kaam kar rahe hote hain uska naam dikhai deta hai. Lekin jab file par pehli baar kam kar rahe hain to ye default name ke roop me ‘Document 1’ show karta hai. Jab hum file ko save karte hain to us waqt apni marzi se uska naam likhte hain. Ab hum jab kabhi us file ko kholenge to hamara rakha hua naam isi title baar me dikhayega.

Close Button

Title bar ke daahine side me 3 chhote size ke button hote hain. Isme jo pehla button hota hai use Minimize dusre button ko maximize aur teesre button ko Close button bolte hain.

Minimize Button: – Is button se hum program ko band kiye bina use Task bar me rakh kar kisi aur window me ja sakte hain. Isse hume MS Word me kaam karne ke sath sath dusre program ko bhi run karne madad milti hai.

Maximize Button: – Is button ke help se hum window size ko chhota kar ke apne mann mutabik size adjust kar ke use kar sakte hain. Fir jab mann kare use restore kar ke full screen size bhi kar sakte hain.

Close button:– Last button cross mark ke sath red color me hota hai use click karne par MS Word application pura band ho jata hai.

Office button

Ye MS Word ka ek main button hai jo menu bar me hota hai . Is me file create karne ke liye kuch useful option diye jate hain.

Quick Access toolbar

Ye tool bar title bar me hota hai. Is me aise tools hote hain jiski hume sabse jyada aur bar bar jarurat padti hai. Yahan hum apni marzi se bhi jis option ko adhik bar use karte hain add kar sakte hain. Is toolbar ki help se hum apna kaafi waqt bacha sakte hain.

Menu bar

menu bar title bar ke just niche hote hai. Ise abhi ke time me Tab bar bhi bola jata hai.  Is ke andar bahut se Tabs hote hain aur har ek tab ka apna ek ribbon hota hai. Ye MS Word ka aisa part hai jisme bahut sare option diye jate hain. Iske andar dher sare useful features hote hain jisse file me kaam kar skate hain.

Ribbon

Menu bar ke niche wale bhaag ko Ribbon bolte hain. Isme kisi task ke liye commands ko browse karne ke liye Tab diye huye hote hain. Iske baad ye Tab jo hote hain wo ise group me divide kar dete hain. Jis bhi tab par hum click karte hain uske sare option enable ho jate hain.

Ruler Bar

Page margin ko set karne ke liye ruler ka istemal kiya jata hai.  Microsoft Word me 2 ruler bar hote hain. Pehli ruler bar jo text area hota hai thik uske upar hi hota hai. Aur dusra ruler text area ke left side me hota hai.

Text Area

Yahi main area hota hai jahan hum apne words ko type karte hain. Ye MS WOrd application ka sabse bada area hota hai jo bilkul centre par hota hai. Apne content ko write karte waqt sari design modification sab kaam isi par karte hain.

Scrollbar

Scroll bar MS Word application ke right side me vertical bar hota hai. Iski madad se hum apne likhe gaye text area me jyada page hone se upar niche karne ke kaam aata hai. Is ki help se hum kisi bhi page me scroll kar ke aasani se ja sakte hain.

Status Bar

Ye text area ke niche hota hai. Right side me zoom level tool hota hai. is ki help se page ko zoom out aur zoom in kar sakte hain.Iske alawa status bar me aur bhi tool hote hain jaise  Word count, language etc.

Doston ab to aap ache se samajh gaye honge ki MS Word ke features kya kya hai. Aur sath hi ye bhi jaan gaye honge ki in features ka kya application hai. Ab hum janenge ki MS Word se hume kya kya advantage milta hai.

MS Word features in Hindi

Microsoft Word me documents aur dastawej taiyar karne ke liye bahut sare tools diye jate hain. In tools ke jariye hum apne document me kuch bhi sudhar kar sakte hain. Aur apni marzi ke anusar apne document ko taiyar kar sakte hain. To chaliye jante hain ki MS Word hume document me kaam karne ke liye kya kya features deta hai aur sath hi hum iska layout janenge.

Auto Text

Waise words jinka upyog hum jyada karte hain use Auto text option ke dialogue box me jod dete hain.  Uske bad jab bhi us word ko likhna shuru karte hain to auto text just us ke upar show hone lagta hai. Agar use jodne ki jarurat hai to enter kar dete hain.

AutoCorrect

Is ke sath hi jab hum koi galat word type kar dete haion aur space press karte hain to Auto correct tool us word ko khud sahi word ke sath replace kar deta hai.

Header and footer

Header – Page ke sabse upri part ko Header bolte hain. Ise hum header page ke top margin me joda jata hai.  Is ka upyog hum Auto text, date time, page number dalne ke liye karte hain.

Footer – Page ke sabse nichle wale hisse ko footer bolte hain. Ye page ke bottom margin me joda jata hai.  Iska use page number, footnote dalne ke liye kiya jata hai.

Page Formatting

Microsoft word me document taiyar karne ke baad use print karne ke pehle uska page setup karna bahut jaruri hai. Page setup kar ke hum charo taraf apne suvidha ke anusar margin chhod dete hain. Is ke sath hi content ko centre, left or right set kar sakte hain.

Bullets and Numbering

Bullet aur numbering ka upyog hum apne file me list banane ke liye karte hain. Is ka use kar ke hum apne document ko numbering aur bullets se attractive bana sakte hain.

Editing of Text

Yahan likhe gaye text me koi bhi change karna ho to ye bahut hi aasan hai. Mouse ke cursor ko us word me le jakar backspace se easily delete kar sakte hain. Aur fir uski jagah fir hum koi bhi changes kar sakte hain.

Spelling and Grammer check

Word ki ye bahut badi khasiyat hota hai ki us me ek spelling aur grammer checker tool hota hai. Jab bhi hum koi word type karte hain to wo har word ke spelling ko check karta hai. Aur fir uske liye sahi word bhi suggest kar ke upar me show karta hai. Jise hum click kar ke sahi word ko usme add karte hain.

Use Of Thesaurus

MS Word ke andar me words ko jo bahut bada bhandar hota hai jo kisi bhi word ke meaning ke sath sath uske synonyms aur antonym words bhi pa sakte hain.

Page Numbering

Is option ki madad se document me page number ko jod sakte hain.

Column

Format menu ke is option ka use kar ke page me column jod sakte hain. page sirf ek column ka hota hai. Is option ke use se ek se jyada column bana sakte hain.

Mail Merge

MS Word ki ek bahut hi important option hai Mail Merge. Iska use kar ke hum ek letter ko bahut sare logo ko bhej sakte hain. Jab bhi letter group me taiyar kar ke bhejna hota hai to Mail merge ka upyoga kate hain. Jaise Invitation letter, admit card, office letter etc. Mail merge ka use kar ke hum database se jod sakte hain.

Find & Replace

Kabhi kabhi aisa hota hai ki humne kisi khas word ko pure document me likha hua hota hai. aur use badalne ki jarurat bhi pad jati hai. To aise me pata nahi chalta ki wo word kahan kahan hai aur ek ek kar ke word ko search karna aur use change karna mushkil kaam hai. Lekin Find and replace ki help se hum us word ko find kar sakte hain aur replace me desired word ko daal ke ek sath un sabhi words ko change kar sakte hain.

Styles and Formatting

Is option se formatting ke liye style create kar sakte hain. Aur is ke liye shortcut key ko define kar sakte hain. Isme paragraph word level ki setting ki jati hai. Is ke aur bhi setting jaise font, tab, paragraph, border ki setting kar sakte hain.

Macro

Macro option ki help se hum kisi bhi kaam ko record kar sakte hain. Jarurat padne par par hum us macro ko run kar sakte hain.  Macro ek bahut hi useful tool hai. Is ki help se hum jo bhi kaam MS Word ke andar karte hain use record kar sakte hain. ye kaam kuch seconds me ho jata hai.

Create table

Apne document ke liye hum table menu ke use se . table se jude bahut sare option bhi is me diye jate hain. Jisse easily bahut se kaam kiye ja sakte hain.

Advantages of MS Word in Hindi

Doston hum kisi application ka istemal kyu karte hain? Taaki usse hum apna kaam kar sake. Lekin sirf basic kaam ke alawa bahut sare aise features ki jarurat padti hai jo har application me nahi mil sakti hai. Thik usi tarah se hamare bahut sare kaam ke liye MS Word me bahut sare aise fayde hain jo sirf isi application me hume milte hain. To chaliye ab dekh lete hain ki MS Word me hume kya kya advantage milta hai.

Storage of text

Hum word processor ki help se apne likhe gaye documents ki bahut sari copies bana kar ke rakh sakte hain. Aur kabhi jarurat pade ki is me thoda change karna hai to iski ek copy bana kar usme jarurat ke text ko change kar ke alag file bana kar rakh sakte hain.

Quality

Microsoft word me hume error-free documents milta hai. Isme inbuilt grammar checker tool hota hai jo hamare document me kisi bhi dpelling aur grammar mistake ko pakad ke sahi bhi kar deta hai. Is liye maine pehle hi bataya ki ms word ek error-free document producer hai.

Dynamic Exchange of Data

Hum word ke document ke data aur pictures ko dsure application ke sath exchange aur share bhi kar sakte hain. Agar apko iska koi idea nahi hai to main batata hu. Aapne powerpoint slideshow to jarur dekha hoga. Powerpoint presentation me use kiye jane wale bahut sare data hum MS Word me bana kar fir use powerpoint me share kar ke presentation banate hain. Aur hum documents ke bich link bhi bana sakte hain.

Time Saver

Hum sirf ek documents ki unlimited copy bana sakte hain bina retyping kiye huye. Is tarah ye hamara bahut sara waqt bachata hai.

Securities

Kabhi kabhi hum koi personal document banate hai ya fir aisa document jise hum chahte hain ki koi dusra na padh sake. To iske liye hum use password se lock bhi kar sakte hain.

Conclusion

Apko ye post MS Word kya hai (What is MS Word in Hindi) kaisi lagi. Ye post un logo ke liye bahut hi use ful hai jo school aur college me padhte hain. Ya fir kisi institution se computer course kar rahe hain. Yahan MS word ki jankari humne saral bhasha me dene ki koshish ki hai. Fir bhi agar apko is me kuch sudhaar krne ke liye suggestion dene hain to aap comment ke jariye bata sakte hain. Hum pura try karenge ke apke liye har useful jankari de sake.

Doston main ummid karta hu ki apko ye post achhi lagi hogi aur ye bhi samajh me aa gaya hoga ki MS Word kya hota hai aur iske features kya hain? Jinki madad se se hum bahut sare document related kam kar sakte hain. Agar ye post aplogo ko pasand aayi aur useful lagi ho to ise apne doston ke sath facebook, twiiteer, Google plus me jarur share kare. Aur is blog ko aage badhne me madad kare.

MS Word क्या है? What is MS Word in Hindi
5 (100%) 4 votes

2 Comments

  1. bhaskar papnai September 29, 2018
    • wasim akram September 29, 2018

Leave a Reply

%d bloggers like this: