Internet Kya Hai? Aur Ise Kisne Banaya? Puri Jankari

Kya aapko malum hai ki aakhir ye Internet kya hai (What is internet in hindi). Kabhi aapne socha hai ki har waqt aap jis internet ka istemal karte hain aakhir wo shuru kaise hua internet ke janak kaun hain aur internet kisne banaya?  Sath hi kabhi ye janne ki koshish ki internet ka malik kaun hai? Aaj ka waqt aisa hai ki agar apke paas sirf mobile hai aur usme net nahi, to fir wo kisi kaam ka nahi hai.

Kyu?

Is sawaal ka jawab mujhe dene ki jarurat nahi hai. Iska jawab aapke paas hi hai.

Aaj log mobile ka istemal sirf baat karne ke liye hi nahi karte. Jo kaam normal computer karte hain thik wahi kaam ek smartphone bhi kar sakta hai. Agar thode bahut kaam ko chhod de to.

Aaj ke post me aap Internet ke bare me pure vistar se janenge.

Ajkal log har problem ko to manage kar lete hain. Lekin agar mobile me battery aur khaskar Internet na ho fir to jaise duniya uske liye bekar hi hai. Kuch logo ke liye iske bagair jeena bhi mushkil hai.  Aaj ka youth aisa ho chuka hai ki uske paas kuch ho chahe na ho mobile me net hona chahiye.

Pehle ka waqt hua karta tha jab log time pass karne ke liye kuch nahi tha. Log tarah tarah ke activities, games ya fir entertainment ke liye kuch kiya karte the.

Lekin abhi logo ke paas time hi nahi hai. Net aur mobile me waqt kab gujarta hai pata bhi nahi chalta.

Ab har sawaal ka jawab hume net par jarur mil jata hai. To aaj ke is post me aap Internet kya hota hai aur ye kaise kaam karta hai isi ke bare me ache se janenge.

Internet kya hai (What is Internet in Hindi)

Internet kise kehte hai is sawal ka jawab agar aasan words me kahe to Internet ek dusre se jude kai computers ka bahut bada jaal hai jo puri duniya me faila hua hai. Ye network aur server ke madhyam se kisi bhi computer ko ek sath jodta hai.

Technical language me kahe to Internet puri duniya ko jodne wala aisa network system hai,  jo data ko alag alag jagaho se TCP/IP ka use kar ke puri duniya ke computers me transmit karta hai. Jab puri duniya ke computer jud ke ek network banate hain to use Globel network bola jata hai.

Aap jo website kholte hain, usme article padhte hain, videos dekhte hain, wo duniya ki kisi bhi hisse se ho sakta hai. Aur wo data duniya ke kisi bhi kone se dekha ja sakta hai. Data ke roop me video, audio, text, photo kuch bhi ho sakta hai.

Duniya me jitne bhi websites hote hain unke sare data ko net me save ya store kar ke rakha jata hai. Jis jagah store kar ke rakha jata hai use hi web hosting kaha jata hai.

Agar apko nahi pata ki Web hosting kya hai aur kaise kam karta hai to aap ise yahan se padh sakte hain. Net me data ko ek jagah se dusri jagah jane ke liye router aur server ka use karte hain.

internet kya hai iske fayde aur nuksan

Internet Definition in Hindi (Internet Ki Paribhasha)

Yahan main apko internet se judi kuch rochak baaten bata raha hun. Jisse apko internet kya hai ( What is internet in Hindi ) ye samajhne me aasani hogi. Apke net ke bare me knowledge isko padh ke thodi aur badh jayegi.

  • Internet puri duniya ke computers se judne ke baad bana hua bahut bada network hai.
  • Isse data ko ko ek computers se duniya ke kisi bhi computer me send aur receive kar sakte hain.
  • Jab kuch computers ko ek sath joda jata hai to use network bolte hain. Is tarah ke bahut sare chhote network jab milker ek network bante hain to ye global network ban jata hai.
  • Ise dusre words me World Wide Network bhi bol sakte hain.
  • Net se jude huye har computer ki alag alag pehchan hoti hai. Is special pehchan ko hi IP Address (Internet Protocal) bolte hain. IP Address numbers ka ek unique set hota hai. Har computer ke location ko define karta hai jaise (202.165.12.114).
  • Is IP Address ko Domain name ke istemal se ek naam de diya jata hai jaise example.com ek naam hai .
  • Ab yahan sawal ye uth ta hai ki hum to computers ko off bhi karte hain. Jabki website ko kabhi bhi kholte hain to khul jata hai.
  • To yahan janne wali baat ye hai ki jo computers website ko save karte hain use server kaha jata hai. Server aise computer hote hain jo hamesha on rehta hai. 24/7 *  net run kare iske liye server ko har waqt on rakha jata hai.
  • Maine Bangalore ki ek hosting provider company ke server room ko khud bhi dekha hai. Server room size me kaafi bade hota hain jahan par servers system ko rake me rakha jata hai. Ye servers 24 hours on rehte hain.

Internet Ke Janak ( father of Internet in Hindi)

US Department of Defense ne ARPANET project ke jariye Internet ki buniyad rakhi. Is project ko develop karne me mukhya yogdan Robert Taylor aur Lawrence Roberts ne diya.

1969 me pehli bar ARPANET ke jariye message bheja gaya. Jiske liye California University (Los Angeles) ke professor Leonard Kleinrock ke laboratory se dusre network Stanford research institute ko jod ke network ki rachna ki gai.

1970 me Internet Protocal Suite (TCP/IP) ko Robert E. Kahn aur Vint Cerf ne develop kiya tha jo ki ARPANET me standard internet protocol ban gaya.

Agar sahi mayne me kaha jaye ki Internet kisne banaya hai ya abhi jo net hum istemal karte hain wo kahan se aaya. To main apko bata dun ki internet ke janak, father of internet Robert E. Kahn aur Vint Cerf hain.

Internet Ka Itihaas ( History of Internet in Hindi)

Agar hum yahan baat karenge ki internet kab shuru hua tha to Wo saal tha 1969. Ye wahi din tha jab pehli bar ek se jyada computer ko jod kar ek network taiyar kiya gaya. Aur in network ke bich message ko send kiya gaya. Iske baad kya tha bas ye develope hota chala gaya. Aur aaj 5g ka yug aa chuka hai, aage bhi ye badhta rahega.

To chaliye ek nazar daal lete hain ki Internet shuru hone ke baad se ab tak hamare paas kaise pahuncha.

  • Internet ke liye pehli bar ARPANET ke naam se project shuru kiya gaya. Advance Research Project Agency Network naam se isko American defence department ne 1969 me develop kiya.
  • ARPANET ko secret roop se war ke bich message bhejne ke liye banaya gaya tha.
  • 1972 me Retamolins ne pehli bar email message send kiya. Is tarah se email message ka upyog badhta chala gaya. Is tarah ye network bahut hi polpular ho gaya.
  • Iske baad 1979 me pehli bar internet ka British post office me technology ke roop me use kiya gaya.
  • Dheere dheere 1984 ke aane tak is network se 1000 computers jud chuke the.
  • Ab aisa hone laga ki iska istemaal dusre sectors me bhi hone laga aur iska network failta chala gaya.
  • Fir 1986 me internet ko NSFNET naam diya gaya. Aur isne puri duniya me apne importance ko saabit kar diya tha.

Internet Ke Fayde (labh) Aur Nuksan (advantages and disadvantages of internet in hindi)

Insano ke liye khana jaruri hai lekin jyada kha lene se pet kharab ho jata hai. Thik usi tarah net sahi istemal karne se fayda bahut hai. Lekin jyada aur galat istemal se isse nuksan bhi bahut hai.

To chaliye jante hain ki internet ke labh aur nuksan kya kya hai.

Internet Ke Fayde or labh  (Advantages of Internet in Hindi)

Internet ke bare me sabhi waisi hi baat bolte hain jo har chiz ke liye boli jati hai. Kisi bhi chiz ko jarurat ke hisab se use karne se bahut sare fayde hain.

Net se fayde itne hain ki iski koi seema nahi hai. Abhi ke waqt me to net me knowledge ka bhandar chhupa hua hai. Sath hi sath net se ghar baithe baithe bahut sare kaam bhi pure ho jate hain. Chaliye thoda detail me jane.

  • Aaj ke waqt me facebook aur WhatsApp aisi services hain jo har smartphone user jarur istemal karta hai.  In services ke fayde itne hain ki voice message aur video se bhi baat kar sakte hain. Iska sabse anokha labh ye hai ki logo ke bich ki doori khatam ho chuki hai.
  • Education ke area me net bahut fayda deta hai. Duniya me bahut si websites hain jo free aur paid hai aur jo education ke liye courses bhi karwati hai.
  • Ek bahut bada upyog jo iske liye kiya jata hai wo hain entertainment. MP3 songs, video,movies sabhi net me aasani se dekhe ja sakte hain.
  • Youtube jaise platform me millions of videos, songs, movies hain jisse log apna manoranjan karte hain.
  • Amazon, Flipkart, snapdeal jaisi bahut sari companies hain jo online shopping karne wale logon ko Home delivery ki service dete hain.
  • Net ke jariye hum apne business ko lakhon croro logon tak kuch hi dino me pahuncha sakte hain.
  • Is ka labh hume Gas bill, electricity bill,credit card bill,Mobile bill, DTH bill pay karne me bhi milta hai.
  • Blogging, Youtube videos, affiliate marketing aur online survey kar ke log lakhon rupees ghar se hi kamate hain.

Internet ke nuksan (Disadvantage of Internet in Hindi)

Doston duniya me har chiz ki ek limit hoti hai. Limit se aage badhne ka matlab hai ki hum fir niyam ka ullanghan kar rahe hain. Thik usi tarah iske bhi hazaro lakhon fayde hain isse bahut sare labh milte hain. Lekin har sikke ke jaise 2 pahlu hote hain thik usi tarah Internet ke sath bhi hai.

  • Kuch logo ko net ki itni buri lat lag jati hai ki use kisi kaam ka khayal nahi rehta. Aur aise me log bas apne waqt ki bs barbadi karte hain.
  • Hum social media me apne bare me bahut sari details dalte hain. Jo ki kabhi kabhi bure logo ke jariye access kar li jati hai. Jo hamare liye bahut hanikarak ho sakta hai.
  • Hamare account ka galat upyog bhi net me kiya ja sakta hai.
  • Kabhi kabhi kuch log rumors bhi faila dete hain. Bhale hi wo wrong information ho net me use viral hone me bilkul bhi time nahi lagta hai.
  • Jab se net bana hai tabse virus attack hota raha hai. Ye sabse bada khatra hai jo kisi bhi information ko destroy kar ke lakho croro ka nuksan kar sakta hai.
  • Ajkal bachon ko bhi mobile de diya jata hai. Mobile me pornography contents ko access karna bahut aasan hai. Isse bachon par bahut hi bura asar padta hai.
  • Kabhi kabhi social media sites aur groups me account ko access kar ke bure messages ko chhod diya jata. Ye messages aise bhi hote hain jo samaaj par bura asar dalte hain.

Conclusion

Han to mere doston apko ye jankari kaisi lagi. Jisme aapne jana ki internet kya hai (what is internet in Hindi). Iske sath hi apko ye bhi janne ko mila ki internet ka itihas kya hai. Internet kisne banaya aur Iternet ke fayde aur nuksan kya hain. Agar apko achi lagi to subscribe jarur kare.

Aap is post ko social media me bhi jarur share kare. Aise technical jankari ke liye blog ko subscribe kare. Kisi bhi jankari se jude doubt ke liye comment me apna sujhaw de sakte hain. Shukriya.

 

5 (99.49%) 39 votes

12 Comments

  1. Banibrata Das September 5, 2018
  2. Deepanshu September 5, 2018
    • wasim akram September 5, 2018
  3. Vishal September 5, 2018
    • Wasim akram September 5, 2018
  4. Satyabrat September 6, 2018
    • wasim akram September 6, 2018
  5. Tanmoy September 20, 2018
  6. Dipanshu September 20, 2018

Leave a Reply

%d bloggers like this: