3 Best Method Se Aadhar Card Download Kaise Kare Hindi Me Jankari

Agar aap ye soch kar pareshan hain ki aadhar card download kaise kare? To aapko is sawaal ka jawab yahan mil jayega. Main aadhar card download karne se judi har wo information dunga jiske ke liye aap pareshan rehte hain. Aadhar card download karne ka best 3 method main apko step by step bataunga.

Isi liye har method ke bataye hue steps ko follow kare aur aap aadhar card download bahut aasani se kar sakenge. How to download Aadhar card online in hindi means Aadhar card download kaise kare in tariko se aasani se sikh sakte hain.

Indian government ne Unique Identification Authority Of India (UIDAI) ka gathan 2009 me kiya tha. Jiska main roop se Indian citizen ke liye aadhar card banane aur use issue karane ke liye aim kiya gaya tha. Har chhote chhote area me bhi Pragya kendra open kiya gaya hai Jahan log jakar aadhar card issue kara sakte hain.

Lekin fir bhi bahut se logon ke paas itna waqt nahi hota ki wo Pragya kendra me jaye. Aur apne liye adhar card issue kara sake. Isi wajah se Online ki facility bhi di gai hai. Jisse aap ghar baithe aasani se aadhar card download kar sake.

Waise to is tarah ka tarika dusre deshon me pehle se ho raha tha. Jisse ki logon ke pehchan karne ke liye special identification card ka istemal ho sake . Yahi dekh kar hamare desh me bhi ye tarika apnaya gaya jiska naam aadhar card diya gaya. To chaliye dekhte hain ki Aadhar card download kaise kare in Hindi.

Aadhar Card Download kaise kare

Jaisa ki hum sabhi jante hain India government ne aadhar card ko har nagrik ke liye compulsory kar diya hai. Sarkari kaamon ke liye aadhar card ka hona bahut jaruri hai. Chahe wo sim card kharidne se lekar bank account khulwana kyu na ho.

Yahan hum 3 tariko ke bare janenge jiski madad se aap aasani se aadhar card download kar sakte hain. Ye tarike apna kar aap alag alag details ko submit kar ke apne aadhar card ko internet se nikal sakte hain. Bahut sare logo ke paas har detail nahi hoti isiliye agar in me se ek bhi detail aapke paas hai to aap aadhar card download kar sakte hain. 3 details jo iske liye jaruri hain.

  1. Aadhar Number
  2. Virtual ID VID
  3. Using Name And Date Of Birth

Aadhar Card Ke Liye UIDAI kaam kaise Karta Hai?

UIDAI sabhi bhartiya nagriko se biometric ( finger prints aur ratina scan) or demographic ( Naam, address, sex, phone number) collect karta hai. In sari information ko ek centralized storage database me save kar ke rakha jata hai, jo central government ki dekh rekh me hota hai.

Aadhar card se judi logo ki information ko centralized database me UID (Unique Identification Number) ke roop me rakha jata hai. UIDAI sabhi citizens ko 12 digits ka number pradan karti hai jo ki har citizen ka ek unique identification number hota hai.

Ye sirf ek citizen ke lie ek hi baar issue kiya jata hai jo uske lie lifetime kaam aata hai. Isi unique identification number aadhar card me darz kiya hua rehta hai jise aadhar number bhi bolte hain.

Aadhar Card Download Ke Liye Enrolment Kaise Kare

Unique Identification Authority Of India aapko har wo suvidha deti hai jisse bina kisi pareshaani ke har citizen apni pehchan ko validate kara sake aur biometrically aur demographically khud ki pehchan ko verify kara sake. Jiske baad use aadhar card mil jata hai.

Main apko niche steps bata raha hu jisko follow kare aur apne aadhar ka enrolment karaye.

  • Jo bhi indian citizen hai aur aadhar card banwana chahta ya aadhar card update karana chahta hai to use aadhar enrolment centrers/banks/post offices jakar wahan se enrolment kara sakta hai.
  • Application form me die gae required documents verify kiye jaate hain. Fir apki biometric details ko capture kar ke save kar liya jata hai. 5 saal se kam age walo ke lie biometric nahi li jati hai.
  • Jab enrolment complete ho jata hai to apply karne wale applicant ko ek ek aadhar enrolment id di jati hai. Aur fir wo apne aadhar card status ko online check kar sakta hai. Aadhar card status check karna kaafi aasan hai. Aadhar card status mobile phone se bhi kiya ja sakta hai.
  • Applicant yani jo bhi aadhar card enrolment apply karta hai wo apna mobile number aur email id online verify kara sakta hai.
  • Agar aap apne aadhar card ko bank se link karne ke baad uski status janna chahte hain to bhi UIDAI ke portal se use verify kar sakte hain.

Aadhar card enrolment ke liye compulsory baaten

  • Jise aadhar banwana hai use enrolment centre khud jana hota hai.
  • Enrolment centres me form fill up, address aur id proof submit karna hota hai. Sath hi usko apna biometric details punch karwana padta hai. Uske baad hi acknowledgment ke roop me enrolment id issue ki jati hai.
  • India ka har citizen bacha ho ya budha wo aadhar card banwa sakte hain.
  • Jiska istemaal wo anginat facilities ka labh le sakte hain jo indian government aadhar card dharako ko deti hai.

Aadhar Card Download Kaise Kare

Agar aapke paas abhi bhi aadhar card nahi hai to sabse pehle apko uske lie aadhar enrolment karwana hoga. Aur agar aapne ek bar jab enrolment process pura kar liya hai to fir aap UIDAI ke website me jakar aadhar card download kar sakte hain.

Jise aap aage use karne ke lie  print kar ke nikaal sakte hain. aadhar card download aap 3 tariko se kar sakte hain. Jo main niche mention kar raha hu.

  1. Enrolment ID ka use kar ke
  2. Download e-aadhar card using Virtual ID
  3. Aadhar Number ka use karke

Note: Jab aap aadhar card download kar lenge aur ise open karenge to apko iske lie aadhar card password enter karna hoga.

Ab ye password kahan se milega? Ghabraiye mat main apko batata hu ki aadhar card password aap jaante hain pehle se. Aadhar card password apke naam aur date of birthday se hi bana hua hai.

Aadhar card password me sabse pehle apko apne naam ke pehle 4 letters capital me dalna hai. Uske baad apna birth year daal dena hai. Main aapko ye example ke dwara show karta hu.

example:

Name : Suraj Kumar

D.O.B : 12.05.1992

Password : SURA1992

Aadhar Number Se Aadhar Card Download Kare

  • Aap apna aadhar card download karne ke lie enrolment id use kar sakte hain. Ye bahut hi aasan process hai aadhar card download karne ka. Aap bas niche diye huye process ko follow kare.
  • Is method se aadhar card download karne ke lie UIDAI ke portal ko open karen.
  • Fir is tarah se bataye gae steps ko follow kare.
  • Aadhar Online Services – Aadhar Enrolment – Aadhar Download

e-aadhar card download common

  • Is par click karte hi aapko next page me redirect kar diya jaaega. Ab isme aap download E-Aadhar card by using Aadhar/VID or UID dikhai dega.
  • Yahan dikhae hue 3 options me se Aadhar select kare.

  • Ab apko Enrolment ID/Aadhar Number/Virtual ID me 12 digit ka Aadhar number daalna hai. Iske baad full name, Pin code, Security Code enter karna hai.
  • Aapke paas OTP ka option hai to use select kare.
  • Registered mobile me receive kiye hue 6-digit OTP enter kare.
  • Iske baad “Download Aadhar ” par click kare.

Virtual ID Se Aadhar Card Download Kare

  • Aap sabse pehle UIDAI ke portal me chale jaayen.
  • Iske baad yahan jaayen Aadhar Online Services me Aadhar Enrolment aur fir Aadhar Download par click kare.

e-aadhar card download by vid

  • Yahan aapko next page me redirect kar diya jaaega. Ab isme aap download E-Aadhar card by using Aadhar/VID or UID
  • Ab isme VID select kare
  • Yahan apko Enrolment ID/Aadhar Number/Virtual ID me 16 digit ka VID number daalna hai. Iske baad full name, Pin code, Security Code enter karna hai.
  • Aapke paas OTP ka option hai to use select kare.
  • Registered mobile me receive kiye hue 6-digit OTP enter kare.
  • Iske baad “Download Aadhar ” par click kare.

Ye bhi jarur padhen:

Enrolment ID Se Aadhar Card Download Kare

  • Sabse pehle UIDAI website ko open kare.
  • Yahan apko dekhna hai aadhar online services kahan hai. Wahan aapko aadhar enrolment ka tab milega usme aapko download aadhar option milega jise aap click kar le.

Aadhar Online ServicesAadhar enrolmentDownload Aadhar

  • Jab aap ye click Karte hain to ye apko next page me le jayega ” Download E-Aadhar by Using Your Aadhar, EID or VID
  • Ab aapko “Enter your personal details” me “Enrolment ID” select Karna hai.

e-aadhar card download by uid

  • Yahan apko Enrolment ID/Aadhar Number/Virtual ID me 14 digit ka ENO aur sath hi 14 digit ka Date-Time Stamp daalna hai . Ye aapke enrolment slip me print kiya hua apko mil jaaega.
  • Iske bad full name, Pin code, Security Code enter Karna hai.
  • Agar aapke paas OTP ka option hai to use select kare.
  • Apne registered mobile me receive kiye hue 6-digit OTP enter kare.
  • Uske baad “Download Aadhar ” par click kare.

Ye bhi jarur padhen

Download E-Aadhar Card By Using Name And Date Of Birth

UIDAI me ek aisi bhi suvidha hai ki jab aap ke paas aadhar se judi koi bhi detail na ho aur aapne sab lose kar diya ho. Agar aap apne naam aur date of birth se apne e-aadhar cad download karna chahte hain to is process ko follow kare.

  • Aap aadhar online services – Aadhar enrolment – Select retrive Lost UID/EID

e-aadhar card download common1

Iske baad apko selection karna hai ki aap kaun si detail wapas pana chahte ho. Apko 2 options select karne ko milegi.

  1. Aadhar Number (UID)
  2. Enrolment Number (EID)

e-aadhar card download password

Inme se ek select kare. Uske baad next column ki detail fill kar le.

e-aadhar card download password

Is form ko Full name, email id, mobile number aur security daal kar pura kar le. Uske baad Send OTP par click kare. Send OTP par click karne ke baad apko apne mobile number me OTP mil jaaega.

e-aadhar card download password

Mobile number me jo OTP aapko receive hua hai use yahan add kare. Aur verify OTP par click kare. Is tarah aapko apna Aadhar number mil jaaega.

Aadhar Card Print Kaise Kare

Jab aap apna aadhar card UIDAI ki website se download kare to use apne computer me save kar lijiye. Ab aap download kiya hua aadhar card print kar sakte hain.

Iske bad aap kisi photo printer se apne aadhar card print kar le. Agar aapke paas printer nahi hai to aadhar card ki file ko photo studio me le jaye. Wahan se aadhar card print kara sakte hain.

Aadhar card color print nikalne ke baad use lamination kara le to wo hamesha ke liye surkshit bhi ho jayega.

Friends in process ko follow kar ke aap aasani se ghar baithe apne aadhar card download kar sakte hain. Iske baad use kisi photographer ke through print bhi kara sakte hain.

Conclusion

Doston aaj apne 3 methods dekhe jisse aap samajh gaye honge ki aadhar card download kaise kare. Indian government chahti hai ki India ka har citizen aadhar card seva ka upyog kar sake. Isi liye online aur offline dono tariko se bharat ke har area me ye sewa pradan ki hai. Waqt ki kami ki wajah se log ghar baithe hi apna sara kam karna chahte hain.

Agar aapko ye aadhar card download karne ka method helpful lagi ho to is post ko apne facebook, twitter, google plus account me share kare. Sabhi friends ko bhi ye post share kare. Kyu ki ho sakta abhi bhi aapke kuch friends ke paas aadhar card na ho. Ya fir aadhar card gum ho gaya ho aur online download karne ki jarurat ho to is post se aasani se aadhar card download kar sakte hain. Is post ke madhyam se apke friends bhi khud hi ghar baithe apne liye aadhar card download kar sakte hain.To friends aap bhi apne aadhar card download karne ke baad apne friends ko bhi download karne ka method bataye. Jisse wo bhi apna kam ghar baithe kar sake. Ise apne friends ke sath social media se share kare.

Rate this post

6 Comments

  1. Aasif Ali July 31, 2018
  2. Nuswami Technical August 4, 2018
  3. Aman August 8, 2018

Leave a Reply

%d bloggers like this: