Website Kaise Banaye in Hindi – 15 minute Me Website Banana Sikhe

Website kaise banaye (How to create website in Hindi) ? Ye question aj kal bahut sare log internet me search karte hain. Aap bhi yahi janna chahte hain ki aakhir website kaise banate hain? Ek waqt hua karta tha jab main bhi apki hi tarah ek beginner tha lekin aaj main aapko aasan tarike se website banane ka tarika hindi me bataunga. Aaj internet har insan ke hathon me aa chuka hai. Kisi jankari ki jarurat padti hai turant mobile nikalte hain aur google me jankari search kar lete hain. Pehle jankari hasil karne ke liye books, newspaper, magazines padha karte the.

Aaj to aisa waqt aa gaya hai ki students bhi mobile se latest aur updated information nikal lete hain aur studies me uska upyog karte hain. Isiliye is century ki sabse badi invention agar Internet ko kaha jaye to galat nahi hoga. Internet kya hai kis kaam aata hai? Ye har koi janta hai kyu ki information, work, entertainment aur knowledge ke liye iska istemal har roz kiya jata hai.

Agar sach kahun to ap bhi khud bahut bar google se apni jankari nikal chuke honge. lekin kya aap jante hain itni sari jankari aakhir kahan se milti hai hume? Ji ye bhi shayad apko pehle se malum hoga. Blog aur website ji han aapka andaza bilkul sahi hai. Website aur blog me log jankari likhte hain jise hamari search ke anusar google search kar ke dikhata hai. to aap bhi janna chahte hain ki Website kaise banaye (How to create website in hindi)? To chaliye bina deri kiye janna shuru karte hain.

Website kya hai Aur Website Kaise Banaye

Dosto aap to kai baar website se jankari nikale honge aur isiliye janana chahte hain ki website kaise banaye.  Lekin website kaise banaye ye janne ke pehle ye janna bhi jaruri hai ki website kya hai? To main apko vata dun ki internet me jitne bhi web pages ke collection hote hain use hi website bolte hain. Dusre shabdon me kahe to website ek aisa location hota hai jahan bahut sare webpages bane hote hain. Aur har web page me dher sari information save kar ke rakha jata hai.

Iske example ki baat kare to aap wikipedia ko jante hi honge, agar nahi jante to aappage khol ke dekh sakte hain. Ye bahut bada website hain jisme anginat webpages hain jisme bahut sari information hoti hai. Is me alag alag topic ke liye web pages hote hain. Aur web pages ke collection se hi wikipedia ek website kaha jata hai. Website kai type ke hote hain jaise news, social media, woocommerce, blog, educational, organisation, donation, aur business.  Ye to rahi website kya hoti hai uski jankari to chaliye ab hum main topic par aate hain ki website kaise banate hain.

Website Kaise Banate Hai Hindi

Ek time tha jab main bhi website kaise banaye iske liye pareshan rehta tha. Kyu ki us waqt website banane ke liye coding ki jarurat hoti thi. Maine to apne friend ko webpages bhi banwa liye the. Fir use link karwaya lekin ye kafi tough kaam tha aur time bhi bahut lagta tha. Coding ki knowledge ke bina website manage karna bhi bahut mushkil kaam tha.

Lekin scenario ab bilkul badal chuka hai. Aaj ki baat kare to koi bhi insan jise internet aur mobile chalana aata hai wo bhi website ko bana sakta hai, run kar sakta hai aur time to time manage aur update bhi khud hi kar skata hai. is ke liye ab coding ke knowledge ki jarurat nahi rahi. Yahan tak ki aap apne website ke jyadatar kaam mobile se hi kar sakte hain.

Ji han aap ne bilkul sahi suna ab aap bhi khud website bana ke run kara sakte hain. Website se paise kaise kamaye ye aap ko pata hoga hi. To agar aap bhi chahte hain ki aap apni information ko share internet me aur iske liye blog ya website banaye to yahan apko isse judi sari jankari main aasan tarike se dunga. Post ko shuru se last tak pura padhe. Kyu ki ye apke bahut kaam aane wala hai.

Website Banane Ke 3 Simple Steps

Website banane ke liye aapko bahut hi aasan 3 steps follow karne honge. Ye steps ko baad me main ek ek kar ke puri detail me expalin bhi karunga. Sare steps ko carefully follow kijiye.

  1. CMS Platform ka selection
  2. Domain name aur Hosting kharidna
  3. Website or Blog optimization

1. CMS Platform ka selection

27 May 2003 ko WordPress launch hua jo ki sabse popular CMS hai. CMS ko full form me hum Content management System bhi bolte hain. CMS ke aane ke baad se hi coding karne ki jarurat nahi rahi. Abhi ke time me Wordsse ke use hi duniya ke 30% bane huye hain. Is ka matlab ye hai ki website developer ko website ke page, contents aur design ko manage karne ke liye khud sara kaam nahi karna padta. Jaise theme, plugins ete. WordPress CMS ke liye anginat themes aur plugins bane huye hain jise hume jarurat ke anusar install kar ke use karna hota hai. WordPress kya hai ye aap yahan padh sakte hain jahan maine pehle hi is ki jankari di huyi hai.

Ye usi tarah hai jaise Android ke liye playstore me anginat apps hai waise hi WordPress me website ke liye anginat themes aur plugins hain.

CMS yani Content management System to bahut sare hain jaise Drupal, joomla, wordpress lekin is me sabse best aur powerful CMS WordPress hain. Kyu ki WordPress me hume jyada kuch karne ki jarurat nahi hai bas plgins install kar ke koi bhi option add kar sakte hain. Aur ye aap bhi kar sakte hain.

Aap WTechni Hindi- Internet Se judi Har Jankari website me ye article padh rahe hai website kaise banaye, to main bata du ki ye website bhi WordPress me bani hai. Aap is site optimization dekh kar samajh hi gaye honge ki wordpress me bani website kaisi hoti hai.

2. Domain Name aur Hosting Kharide

Ek baar jab aap ye decide kar lete hain ki aapko kis CMS me apna website banana hai uske baad se apka kaam shuru ho jata hai. Ab apko apne pasand ka ek domain naam kharidna hai aur sath hi ek achi company se hosting lena hai. main apko yahan wordpress par website banane ka trika bata raha hu. to is tarah ke website ke liye apko thode paise lagane padte hain.

Dekhiye yahan main apko best aur cheap yani kam paise me kaise best website bana sakte hain ye bata raha hu. Waise aap bilkul free me bhi website bana sakte hain. Is ke liye blogger.com me jakar gmail id ka istemal kar ke aap aasani se free ka website setup kar sakte hain.

Lekin main apko bata du ki website lambi race ka ghoda hai. Yani is me success pane ke liye apko har kaam consistency ke sath aur dheere dheere karna hai. Aur is ke sath hi hjar source standard hona chahiye. Aapne ye kahawat to jarur suna hoga.

Mehenga roye bar bar aur sasta roye bar bar

Bahut sare aise bloggers hain jinhone shuruat to free website banakar ki thi lekin jab unhone apna career blogging me hi bana liya to fir wordpress par hi unhe migrate karna pada. To aap samajh gaye honge ki har jagah paise bachane se aap successful nahi ho sakte hain. Kahi kahi thoda paisa bhi lagana padta hai. lekin ghabriye mat main apko yahan bilkul cheap and best sources bataunga jisse aap domain aur hosting kharid ke website setup kar ke long time tak run kara sakte hain.

Domain name aur Hosting kharidne ka process

Waise to Domain aur Hosting companies bahut sari hain. Domain kharidne ke liye aap kisi bhi provider company ka selection kar sakte hain. Main yahan kuch list de raha hu jahan se aap Domain name kharid sakte hain. Waise pehle domain name aur hosting kharidne ke liye credit card ki jarurat padtibthi lekin ab aap apne ATM or debit card se bhi kharid sakte hain.

Best Domain Companies

GoDaddy

Namecheap

BigRock

Net4 India

Square Brothers

India Links

1and1

Znetlive

Ab agar meri choice janna chahte hain to main Godaddy aur namecheap use karta hu. in ki customer service bhi bahut achi hai. Domain kaise kharide aap yahan se padh sakte hain. Fir bhi main apko batya dun ki agar aap namecheap me abhi domain kharidenge to apko bas 77rs. domain mil jayega.

Namecheap se $0.88 me domain kharidne ke liye main process bata raha . Bas ise follow kare aur aap saste daam me apna khud ka domain name kharid sakte hain.

Namecheap se domain name kharidne ka process

Sabse pehle aap is address par chale jayen namecheap official address. Us ke baad aap ko simply ek account register karna hai. Iske liye aap apne gmail address ka use kar sakte hain. Main ye process isisliye sikha raha hu taki aap bilkul saste daam me domain name kharid sake. To chaliye jante hain screenshot ke sath ye kaise karna hai.

Sabse pehle aapko sighup par click kar ke registration karna hai.

website kaise banaye 1

Signup par click karne ke baad apko ye niche diya gaya form fill up kar lena hai. Is form me apko in details ko bharne ki jarurat hai.

website kaise banaye 2

  • Aap apni pasand ka Username is me daale.
  • Uske baad log in ke liye password set kare.
  • First name aur second name fill kare.
  • Ab apna email address daal kar Create Account and continue par click kare.

website kaise banaye 3

Ab aap apna gmail account open kare. usme aapko verification email mila hoga us par click kar ke account verify kar le. Aap fir se Namecheap ke homepage ko open kare to is tarah domain search karne ka dialogue box milega.

Ab aap yahan par apni pasand ka .com domain search kare. 

website kaise banaye 4

  • Jaise hi aapko apni pasand ka domain mil jaye to yahan se pehle use add to cart par click kar le..
  • Uske baad aap view cart me click kar ke open kare.

website kaise banaye 5

Ab aapko sabse jaruri kaam yahi par karna hai. Tabhi jakar aapko domain saste price me mil sakega. Uske liye main apko ek Coupon code bata raha hu. Us code ke istemal ke baad hi aap apne domain name kharid par discount pa sakte hain.

Promo Code COM88

jab aap promo code apply karenge to discount aapko dekhne ko mil jayega.

website kaise banaye 6

Is screenshot me aap dekh sakte hain ki Subtotal price Rs.76.52 ho chuka hai. 

Is ke baad apko apna address details add karna hai. Fir payment details ke liye aap apne debit card, paypal account ka use kar ke domain kharid sakte hain. Doston ab to aap samajh gaye honge ki domain name kharidne ka tarika kya hai. Ab agla kaam apko hosting kharidne ka karna hai.

Hosting kharidne ka process

Doston hum jo bhi website banaye usme data add karte hain. Hum is par article likhte hain, images upload karte hain. Ye sabhi internet me jahan save hota use hosting bolte hain. To website ko hamesha run karte rehne ke liye hosting compulsory hai.

Web hosting kya hai iski jankari main pehle hi de chuka hau. is ke sath hi maine ek alag se article likh rakha hai ki Hostgator se hum hosting kaise kharid sakte hain. To hosting kharidne ke liye aap Hostgator ke official site par jakar registration kar ke hosting kharid sakte hain.

Hostgator Official 

Jaise aap hosting kharid lete hain to aapko ek email milega. Jisme har tarah ki details hongi jisse aap apne website ko lifetime ke liye easily manage aur handle kharid sakte hain.

Apko ye jaruri chezen bhi janana jaruri hain domain aur hosting connectivity ke liye.

Nameservers

Cpanel link

ye dono hi apko apke email me mil jayenge.

3. Website design or Customization

Ab aapke bas website banane ke liye jarurat ki dono important chizen  hain. To aapko apne hosting website ke cpanel me jane ke liye email me sare details mil gaye honge.

website kaise banaye 9

  • Ab simply aap apne domain account me login kar le.
  • Wahan par apko Manage dikhai dega us par click kare.
  • Uske baad aap Custom DNS select kare.
  • Wahan par apne email me jo Nameserver mila hai use copy kar ke paste kare.
  • Finally apka domain name server par point ho chuka hai.
  • Ab aap WordPress installation shuru kar sakte hain.

Is ke liye ab aap apna gmail accopunt open kare. Aur aapne jo mail hostgator ya other hosting service receive kiya use open kare. usme ab aapko Cpanel ka jo link mila haio use click kar le.

Isse aapka Cpanel login page open ho jayega.

website kaise banaye 10

 

  • Yahan apko mail me received username aur password enter karna hai.
  • Is ke baad Login button par click kare.

website kaise banaye 11

  • Ab aapka Cpanel dashboard khul jayega.
  • Yahan apko scroll kar ke thoda niche aana hai. yahan niche apko SOFTACULOUS APPS INSTALLER milega. Iske under apko WordPress logo dikhega. Is me apko click kar lena hai.

website kaise banaye 12

  • WordPress installation Dashboard kuch is tarah ka dikhega.
  • Yahan aapko right side me Install ka button dikhega. Jiska istemal hum wordpress install karne ke liye karte hain.
  • Wordpres installation ke pehle hume kuch details fill karne hote hain. ‘
  • Ye setting hume tab milenge jab hum Install button par click karenge.
  • To ab aap Install par click kare.

WordPress Interface Installation

website kaise banaye 13

  • Ab aapko yahan par apna domain select kar lena hai. Yahan se aap chahe to apne site address ko http, https, www aur bina www open karne ke liye rakh sakte hain.
  • Yahan par In Directory me wp likha hua hoga. Use delete kar ke blank rehne de. 

 

website kaise banaye 14

  • Sitename me apne website ka title name add kare.
  • Is ke baad apne website se juda description add kare.
  • Ab apne Admin account section me username add kare aur password daale.
  • Uske niche wale area me email bhi add kare.

website kaise banaye 15

  • Waise language to apka default English me rahega lekin aap chahe to apni marzi ka language select kar sakte hain.
  • Ab bas niche aakar apko Install button dikh raha hoga usme click kar le. WordPress ka installation shuru ho jayega. Is me kuch seconds lagenge bas fir aapka wordpress run karne lagega aur apki site bhi kuch der me live ho jayegi.

 

website kaise banaye 17

 

  • Yahan aap dekh sakte hain ki apko 2 link mile hain.
  • Pehla apke website ka homepage ka link hai.
  • Second apke wordpress ka Dashboard ka login link hai.

Ab aapne dashboard yani second number wale link par click kar ke open kare.

website kaise banaye 18

Yahan par apna WordPress username aur password daalkar login kar le. login par click karte hi aapka WordPress Dashboard open ho jayega. Uska interface kuch is tarah ka dikhai dega.

website kaise banaye 19

Doston ab aapka site live ho chuka hai aur sath hi apka wordpress Dashboard bhi open ho chuka hai. Agar aapko website banane me kisi tarah ki problem hoti hai to main apko is me help karunga. Aaap humse kisi bhi time contact kar sakte hain. aap yahan ke contact page me jakar humse sampark kar sakte hain.

Conclusion

Doston aapko Website kaise banaye(How to create website in Hindi) ye post kaisi lagi? MAin ummid karta hu ki aap bhi apne business ko aur badhane ke liye website setup karna chahte hain. Is post me apko maine har wo jankari dene ki koshish ki hai jisse aap ye samajh gaye honge ki website kaise banate hain aur website banane ke liye jaruri chizen kya hain. Sath hi ab aap jaan chuke hain ki kaise apna blog ya website bana sakte hain. Fir bhi agar apko website banane me kisi tarah ki problem hoti hai to aap humse kabhi bhi contact kar sakte hain. Hum apko har tarah se guide karenge.

Agar aapko ye post helpful lagi ho to ise apne facebook, twitter, instagram me jarur share kare.

Rate this post

2 Comments

  1. nisha August 7, 2018

Leave a Reply

%d bloggers like this: