What is UAN Number in Hindi – UAN Number Kaise Milega

Kya aap jante hain UAN kya hota hai (What is UAN number in hindi)? Job karne wale log aksar is shabd se waakif hote hain. Kyu ki unhe provident fund ke account ke liye iski jarurat padti hai. Lekin bahut se aise log hote hain jo naya naya job join karte hain aur unhe is bare me jankari nahi hoti hai. Sath hi unhe ye bhi nahi malum hota ki  UAN number kaise milega (How to get UAN number)? Agar aap bhi naye employee hain aur UAN se judi jankari pana chahte hain to fir is post me aapki iske bare me jankari badh jayegi.

PF ka full form provident fund hota hai.  Jo bhi employees hote hain yani kisi sarkari ya private company me job karte hain to har mahine PF (Provident fund) ke roop me kuch paise cut ho jata hai. Ye jo paisa cut jata hai ye aapke PF account me jakar jama hota hai.

Pehle ke time me sirf PF account hi use hota tha jisse ki paisa withraw karane ke liye kaafi pareshani uthani padti thi. Lekin technology develop hui to yahan bhi PF account ke liye ab universal account number ki suvidha de di gai jisme aap ek se jyada PF account ko jod sakte hain. Ya fir sabhi PF account ko milakar ek PF account me badal sakte hain.

To agar apko bhi EPF account ke liye Universal Account Number ki jarurat hai to is post me apko har jankri yahan milegi. UAN number kahan se aur kaise aap nikal sakte hain iye janne se pehle apko ye janana jaruri hai ki UAN kya hai (What is UAN number in Hindi). To chaliye jante hain vistar se iske bare me.

UAN Kya Hai (What is UAN Number in hindi)

Sabse pehle to aap ye jaan le ki UAN ka full form Universal Account Number hota hai. Iski knowledge har employee ya job karne wale ko jarur hona chahiye. EPF account ko active rakhne ke liye Universal Account Number ka hona bahut jaruri hai.

EPF account ki  har facility ab universal account number se jud chuki hai. Yani aapko apne EPF se related  kisi bhi seva ke liye Universal Account Number ka istemal karna padega.

EPF Passbook, PF Balance,EPF update, EPF transfer aur UAN card jaisi har important facility ko Universal Account Number ke dwara hi provide kiya jata hai. Is account ke jariye aap is tarah ke suvidhaon ka istemaal bahut hi aasani se kar sakte hain.

Universal Account Number 12 digit ka unique number hota hai. Provident fund organisation ne 10 October 2016 tak sabhi active members ko lagbhag 7.86 crore Universal Account Number allot kiya tha.

Har din isme log judte ja rahe hain aur Universal Account Number lekar khud hi apne PF account se jude har kaam ko kar sakte hain. Ab to aap samajh hi gae honge ki UAN Kya hai aur aage hum isi ki detail me jankari lenge.

Member Portal open karne ke liye aap is address par login kar sakte hain. Unified Portal

uan kya hai

UAN Number Kya hai Aur Kyu Shuru Kiya Gaya

India ke pradhan mantri Narendra Modi ne Universal Account Number ki shuruat October 2014 me kiya tha. Har Employer ( Company )  apne Employee ( worker and staff) ko  Universal Account Number provide karti hai. Aur isi ke jariye har employee apne PF ( Provident Fund) account ko handle karte hain. Aap kisi bhi company me kaam kare apko Universal Account Number jarur diya jata hai.

Aap chahe kitni bhi company change kar le lekin agar aap chahe to ek Universal Account Number ka istemal har company me kar sakte hain. Isme nayi company me bane PF account ko jod sakte hain ya fir purane PF account ko hi nayi company me use kar sakte hain. In sabhi control aap ek UAN number se hi kar sakte hain.

Agar aapke sirf PF account number hai to bhi aap apna khud hi generate kar sakte hain. Iski process main apko aage detail me bataunga. Lekin aapko ye janana jaruri hai ki aapko UAN number kaise milega, iske kai tarike hain. For example:

  • Employer apne employee ko Universal Account Number provide karti hai.
  • PF account number se khud bhi aap generate kar sakte hain.

UAN Number Se Kya Fayda Hota Hai

Agar aap Universal Account Number ka registration kar lete hain to aapko bahut tarah ke fayde milte hain. Isse aap EPF se judi kai suvidhaon ka istemal aasani se kar sakte hain. Iske alawa Universal Account Number se kuch fayde hain jo main aapko niche bata raha hu.

  • Ek hi Universal account number se aap ek se jyada yani multiple PF account ko connect kar sakte hain.
  • Aap PF account ki updated passbook apply kar ke download kar sakte hain.
  • Aap apna PF ka paisa online hi withdraw kar sakte hain.
  • PF ko aap online transfer kar sakte hain.
  • Aap jab chahe tab apna KYC update kar sakte hain.
  • Aap account me login kar ke UAN card download kiya ja sakte hai.
  • Account activate ho jane ke baad EPF status Call ya SMS se bhi paya ja sakta hai.
  • Job change karne ke baad Universal Account Number se hi PF balance ko ek account se dusre account me transfer kar sakte hain.
  • Universal Account Number  portal se related har suvidha ka fayda lene ke liye is account ka hona jaruri hi.

UAN Number Kaise Milega? ( How to get UAN Number)

Jaisa ki maine apko pehle hi bataya tha ki aapko UAN number kya hai  aur UAN number kaise milega, iske liye kai tarike hote hain. Jaise Employer company khud hi apne employee ko Universal Account Number provide karti hai. Aur  ye ki aap ke paas agar PF account hai to bhi Unified portal me jakar khud hi ye number generate aur activate kar sakte hain.

Ek bar jab aap account generate kar ke activate kar lete hain to future me aap isse judi har suvidha ka istemal kar sakte hain. Contacty details aur KYC update kar sakte hain.

Account register aur activate karne ke liye kuch methods hain. Aap apni suvidha ke anusar Universal Account Number activate kar sakte hain. To chaliye jante hain ki wo kaun se methods hain jisse Universal Account Number registration kar sakte hain.

  1. Employer company se
  2. PF Number
  3. SMS
  4. UAN Portal
  5. Aadhar Card And PAN Card

Employer company

Jab koi naya staff ya worker company join karta hai to uske liye ek PF account open kiya jata hai. Aur usi PF account ko ek universal account number generate kar ke PF account se link kar diya hai jata hai. Is tarah company ke HR department ( P&A)  ke log hi apka sara kam kar dete hain.

PF Number

Bahut sari companies aisi bhi hoti hain jo sirf PF account create kar ke apko PF number de deti hai. Lekin iske baad apko sara kaam khud hi karna padta hai. Ye bahut mushkil to nahi hai pf number hone se aap universal account number khud hi generate kar sakte hain.

Conclusion

To friends ab aap ache se samajh chuke hain ki Universal account number UAN kya Hota hai ( What is UAN Number in Hindi). UAN number kaise milega ? Is sawala ka jawab bhi apko is post ke madhyam se mil chuka haiAb aap bhi apne liye universal account number ke istemal ke importance ko samajh chuke honge.Ummid karta hu ki apko ye post helpful lagi hogi. Agar ye post apko achhi lagi ho to ise aone doston ke sath social media site facebook, twitter, Google plus me jyda se jyada share kare.

What is UAN Number in Hindi – UAN Number Kaise Milega
5 (100%) 1 vote

2 Comments

  1. rovin singh October 3, 2018
    • wasim akram October 3, 2018

Leave a Reply

%d bloggers like this: