Server Kya Hai Aur Kaise Kaam Karta Hai? What is Server in Hindi

Kya aapko malum hai ki Server kya hai (What is server in Hindi)? Bhale hi aap nahi jante honge ki server kya hota hai lekin aapne iske bare me jarur suna hoga. Agar abhi bhi yaad nahi aa raha hai to chaliya main yaad dila du. Aap students honge to jab bhi aap exam dete honge aur uska result dekhne jate honge to dekha hoga ki apki result dekhne wali site khul nahi rahi hoti hai. Aisa me message aata hai ki server too busy. Isse apko bhi pata chal jata hai ki is par load badh gaya hai isiliye result page open nahi ho raha hai.

Hum jo website open karte hain result dekhne ke liye wo internet me save rehta hai. Result wale din ek sath dher sare log ek hi waqt par online aate hain aur is wajah se itni traffic aane se bahut slow ho jati hai jisse webpage bahut hi slow ho jata hai. Mere khayal se ab aapko samajh me aa gaya hoga ki aakhir aapne ye naam pehle hi suna hua tha. Main ise ek aur example dekar samjhata hu. Aap aksar bank jate honge.

Kabhi kabhi bank jane par ye bhi suna hoga ki link fail hai. Aur aap us din kuch bhi kaam nahi kara pate bank ka. Ye bhi overload hone ki wajah se hi hoti hai. Doston ab to aap ache se samajh gaye honge ki akhir hum kis bare me baat karne wale hain. Aaj hum janenge ki ye kaise kam karta hai aur ye kitne prakar ke hote hain(types of server in hindi). Isse pehle chaliye jante hain ki Server kya hai(What is Server in hindi).

Server kya hai? (What is Server in Hindi)

Server ek computer, Computer program ya device hota hai jo dusre computers ko information aur data bhejta hai, jise hum aam bhasha me clients bolte hain. Is ka main kaam hota hai Internet me jitne bhi users hote hain unhe service dena. Ek single server ek bar me bahut sare clients ko bahut sare clients ko data aur resource share karti hai aur seva deti hai. Chaliye ise ab ek example ke dwara samajhte hain.

Example

Aap har roz facebook aur youtube jarur use karte honge. Kya aapne kabhi ye janne ki koshish ki hai ki aap jo itne facebook profile, video aur photos dekhte ho wwo sare apke phone me ek dum jhat se kaise aa jate hain. Ya fir youtube me itni sari movies aur videos kaise turant play hokar chalne lagti hai. Ye sara data kahin na kahin store kar ke rakha jata hai. To jab hum kisi video ko dekhna chahte hain aur use play kar dete hain ya fir kisi facebook page ko open karte hain to yahi server us stored data ko uske location se lakar hume hamare app ya fir browser me turant show kar deta hai. Jab ye bahut strong hota hai to wo jaldi data transfer kar deta hai. is tarah hum kahin se bhi kisi webpage aur online videos dekh pate hain.

Server ek tarah se computers hi hote hain jo duniya ke har kone me kahin bhi ho sakte hain. Web Hosting companies apni suvidha ke anusar unhe install karti hai. In ki capacity alag lag ho sakti hai. Jis website me har roz bahut jyada traffic hoti hai wo dedicated type ka istemal karte hain.

Aap agar chahe to apne computer ko bhi server bana sakte hain. Lekin aap ne dekha hoga ki internet me 24 ghante me kisi bhi waqt agar hum Google, facebook, youtube kholte hain to ye har waqt khulta hai. Is ka matlab ye kabhi off nahi hote. Ab aap bataye ki kya aap apne Laptop aur computer ko 24*7 On rakh sakte hain? Apka jawab hoga nahi.  Indsutries, school, colleges me hum is ka istemal kar sakte hain ise Non-dedicated ya fir LAN bhi bolte hain.

Server Kaise Kaam Karta Hai?

Server kaise kaam karta hai ye samajhne ke liye hum ek example ka istemal karenge. Maan lijiye ki aapne facebook open kiya usme aap wtechni type kar ke search karenge to jo aapne jo bhi likha hai us par aadharit ek request generate ho jayega jo internet ke jariye facebook ke server par chala jayega. Wahan par aaye huye request yani wtechni ko server dhundh kar uska data aapke mobile ya computer me pahuncha dega. Is tarah aap wtechni ka page apne phone me dekh sakenge.

Ye internet me hone wale sabhi kamon me hamari madad karta hai. Chahe wo movie download karna ho ya for online movie dekhna ho. Is ke alawa email se message pahunchana, online voice calls, video calls in sabhi kaamon ko bhi yahi karta hai . Sare data ko yahi hum tak pahunchata hai.

Server jo kaam karta hai us bich bahut se aise factors hain jo is pure process se jude hote hain jaise ip address, clients, domain name, ports aur protocols.

Types of Server in Hindi – Is ke Kitne Prakar Ka Hota Hai –

Kaam ke anusar alag alag server ka istemal kiya jata hai. Kuch to dedicated hote hain jo sirf ke kaam ko karne ke liye hote hain. Ya fir bahut sare servers bhi milkar sirf ek task ko karte hain. Chaliye ab jaan lete hain ki is ke kitne types hote hain.

Web Servers

Internet par jitne bhi websites hain unke sabhi data web servers me store kiye hote hain.Web server web browser ke madhyam se web pages ko show karati hain. Jab bhi koi user web browser jaise chrome, mozilla firefox, uc browser open kar ke kisi website ke address ko dalta hai to web servers ke paas uska request jata hai aur ye user ko web browser ke madhyam se device me data bhej deta hai.

Email Server

Is tarah ke server email ke dwara messages ko send aur recieve karne ki seva deta hai. Is me user data ko store kar ke rakha jata hai. Sath hi is me bahut space bhi deti hai jisme sabhi messages save rehte hain. Is me SMTP protocol ka istemal kiya jata hai.

Identity Server

Identity type , registered users login ke liye  safety aur security seva pradan karte hain.

FTP Server

Aksar webmaster apne website me file ko computer se upload karne ke liye FTP  ka istemal karte hain. Iske alawa apne website ke file ko hum apne computer me bhi download kar ke save kar sakte hain. FTP or file transfer protocol tools ke madhyam se har tarah ke file ko transfer karne ke kaam aata hai.

Conclusion

Doston apko ye post Server kya hai (What is server in Hindi) kaisi lagi ? Aksar hum is shabd ko apne aas pas jarur sunte rehte hain lekin kabhi notice nahi karte . Waise jo students computer se jude course karte hain wo is ke bare me janana chahte hain aur vistaar se iski jankari lena chahte hain. Aur padhai ke dauran jaan bhi jate hain.

Is post me aapne jana ki server kya hota hai aur kaise kaam karta hai. iske alawa ye bhi jaan chuke hain ki ye kitne tarah ke hote hain (types of server in hindi). Ajkal organisation, company, colleges , industries me sabka apna network hota hai. Aur sab apne anusar is ka istemal karte hain. Main ummid karta hu ki aapko ye post helpful lagi hogi. Agar aapko ye post pasand aayi hai to ise facebook, twitter, instagram, Google plus me apne doston ke sath share kare.

5 (100%) 3 votes

Leave a Reply

%d bloggers like this: