Operating System Kya Hai? What is Operating System in Hindi

Kya aap jante hain Operating System kya hai (What is Operating System in Hindi)? Agar nahi jante to koi baat nahi kyu ki aaj ke is post ko padh kar aap ache se samajh jayenge. Iske sath aap ye bhi jaan jayenge ki Operating sytem ke prakar kya kya hote hain (Types of OS Operating System in Hindi). Aur ye kaam kaise karta hai ? In sare sawalo ka jawab ye post pura padhte padhte apko mil jayega.

Doston insan ki body me bahut se parts hain jo zinda rehne ke liye jaruri hain. Lekin aatma aisi chiz hai jo na rahe to insan ka sharir kisi kaam ka nahi. Jab tak aatma hoti hai pura sharir kaam karta hai. Bhale hi koi part kaam kare ya na kare, insan zinda rehta hai. Thik usi tarah Computer me bhi aatma hoti hai jise hum Operating System kehte hain hain. Computer kya hai ye to apko malum hi hai . Isme bhi bahut se parts hote hain. Lekin jab tak Operating System nahi hoga Computer chalega hi nahi.

Jiske paas bhi Laptop ya Smartphone hai wo aksar Android, Windows, Linux, Mac in shabdon ki charcha karte hain. Computer system ki baat kare to is me Windows 95 se lekar  Windows 10 etc. sabhi operating system hi hain. Smartphone use karne wale bhi operating system se anjan nahi hain. Is me bhi Android ke version Jellybean, Kitkat se lekar Oreo sabhi Operating System hi hain. Jinhe aap bhi jarur jante hain. Hamare apke jaisa aam aadmi bhi Smartphone kharidne jata hai to Android ka latest version hi kharidta hai. To chaliye ab Operating system kya hota hai aur iske kitne prakar hote hain ye jante hain.

Operating System Kya Hai (What is Operating system in Hindi)

Operating System ek system software hota hai jise short me hum OS bhi bolte hain. Ek tarah se ye Computer me aatma ki tarah hi hota hai. Jiske bina Computer bilkul kaam nahi kar sakta.  Operating System computer hardware aur software ke bich sabhi kamo ka sanchalan karta hai. Ye hardware aur users yani hamare bich ek tarah ka interface hota hai jo hume ek dusre se jodta hai.

Operating System yu kahe to ek aadhar hai jis ki wajah se sare software aur hardware kaam karta hain. Jitne bhi hardware hote hain jaise Keyboard, mouse, printer aur software jaise MS-Office, Photoshop, Chrome ya sabhi Operating system par hi kaam karti hai.

Example ke liye hum ek ghar hi le lete hain. Agar ghar banane ke liye zameen hi na ho to fir eent, cement, sand rehne se bhi kya fayda?  Ab aap hi batao mujhe kya aap ghar bana loge bina zameen ke? Apka jawab hoga nahi! Thik usi tarah aap Computer chalana chahte hain.  Apke paas mouse, keyboard, printer sabhi chizen hai lekin Operating System installed nahi hai, to.. ji han apne sahi samjha Computer ON hi nahi hoga.

Agar aap Shop se jakar naya computer lete hain to usme Windows 8 ya 10 install kar ke dete hain. Maan lijie agar aap bina Windows install kiye use ghar le jate hain. Fir aap samajh le ki apko shop dubara jana padega. kyu ki apka computer iske bina ON hoga hi nahi.

MS-Word, VLC player ye sab Application software hote hain, jis pe hum karte hain. Aur jis software se Computer kaam karta hai use hi System software bolte hain. Aur system software yahan Operating system hi hai. Ab aap samajh gaye honge Operating system kya hai chaliye iske bare me kuch aur jankari lete hain.

Operating system kya hai. Types of os operating system in Hindi

Function of Operating System in Hindi (OS Ke Kya Function Hote Hain)

Operating System ki wajah se hi Computer kaam karta hai lekin Operating System khud kaise kaam karta hai ye janna bhi jaruri hai. Jab computer start hota hai tab se lekar Computer ke off hone tak sare kaam ko apne upar sambhal kar ye kaise chala pata hai. Ye sochne wali baat hai. To chaliye jante hain ki Computer ke function kya hote hain (Functon of Computer in Hindi).

  1. Memory management
  2. Processor management
  3. File management
  4. Device management
  5. Security
  6. Control over System Performance
  7. Job Accounting
  8. Error detecting Aids
  9. Coordination between other software and users

Memory Management

Primary Memory aur Secondary memory ko manage karne ke process ko hi Memory management bolte hain.  Primary memory jise hum RAM ke naam se jante hain jo ki volatile memory hota hai.  Aur jo bhi documents me kaam karte hain use temporary save karta hai. Main memory me words ya fir bytes ke bahut sare array hote hain jinme se har ek ka apna ek address hota hai. Main memory jo hota hai wo bahut hi fast hota jise CPU se direct access kar sakte hain.

Jab hum kisi software ko double click kar ke open karte hain to uska main memory me hona jaruri hai. Ek halki jhalak dekh lete hain ki ye aur kya kya kaam karta hai.

  • Primary memory ke har step ko ye record karta hai. Jaise kitne memory ka use ho raha hai aur kaun use kar raha hai. Jaise hum chrome use karte hain to wo kitna memory kha raha hai aur sath hi music player chal raha hai to wo bhi alag se RAM ki kuch memory ko use karega. Ye sari details ko ye dikhata hai.
  • Multiprogrammng me OS ye nirnay leta hai kaun se process ko kitna memory aur kab dena hai.
  • Jab alag alag program ko start kiya jata hai to program ke liye memory ko distribute karta hai.
  • Memory ko wapas conserve karta hai jab kisi program ko band kya jata hai.

Processor Management

Multiprogramming envronment me operating system ye decide karta hai ki kis process ko processor use karne ke liye dena hai kab dena aur kitne der ke lye dena hai. Is functon ko process scheduling bhi bolte hain.  Operating system process management karne ke liye niche di gai activities ko perform karta hai.

  • OS processor ke sare kaam ko track karta rehta hai aur har process ke status ko record karta rehta hai. Is task ko jo chalata hai use traffic controller kaha jata hai.
  • Operating System kisi process ke liye Processor ko distribute karta hai.
  • Jab koi process hona band hota hai to use wapas le leta hai.

Device Management

Apko ye to malum hoga ki har input aur output device install karne ke liye sath me driver milta hai. In sabhi input ya external device use karne ke pehle hume driver install karna padta hai. Agar aap driver install nahi karte hain to computer us device ko pehchan nahi pata hai. Aur iski wajah se device kaam bhi nahi karta.

Waise lagbhag Windows 7 tak ke operating system me driver sabhi devices ke liye install karna hota tha lekin abhi ke latest Windows me bahut kam devices ke liye driver install karne padte hain.

Operating System device communication ko uske driver ke jariye manage karta hai. Chaliye dekh lete hain ki aakhir perating system device management kaise karta hai.

  • Ye sabhi devices ko track karta hai. Devices ko manage karne ke liye jis program ko use karta hai use I/O controller kaha jata hai.
  • OS iska bhi decision leti hai ki kaun se process ko device kab aur kitne samay ke liye dena hai. Example ke liye hum photoshop program ko lete hain. Usme photo print karne ke liye jaise hi print par click karte hain to OS printer jo ki ek output device hai use us process karne ke liye thodi der ke liye execute karta hai. Jab photo print ho jata hai to fir wo device ko wapas le leta hai.
  • Jitna ho sake utni hi der device ko use karta hai jaisa ki maine upar ke example me bataya hai.
  • Device jab kaam pura kar leta hai to fir use deactive kar ke rakhta hai.

File Management

File ko aasani se use karne ke liye hum Folder banakar uske andar rakhte hain. Isse hume kisi bhi file ko category waise folder banakr rakh ke kabhi bhi use karne me aasani hoti hai.  Diirectory ko hi hum folder bhi bolte hain.

Folder ke andar aur bhi folder aur file banakar rakhte hain. Is tarah se aur bhi kaam kaun kaun se kaam OS karta hai ye hum jante hain.

  • Operating system har information ko track karta hai. Iske sath hi file ka location kya hai, file kab bana kitne size ka hai , kis user ne banaya tha ye sari jankari bhi ye rakhta hai. Is sare process ko jo program perform karta hai use hum File system bolte hain.
  • OS ye decide karta hai ki kisko resource milega.
  • Resource ko aapas me bant deta hai.
  • Jab use me na ho to resources ko wapas le leta hai.

Security

Jab hum aur computer use karte hain to chahte hain ki sirf hum hi use kar sake. To iske liye Operating system hume security bhi deti hai. Hum apne liye users create kar sakte hain aur use password daal kar safe bhi rakh sakte hain. Aur agar ek se jyada user hain to bhi hum apne liye ek personal user alag se banakar use kar sakte hain.

Isse ye fayda hota hai ki system to wahi hota hai lekin humare personal data ko hum hide, save aur lock kar ke aasani se rakh sakte hain. Ye operating system hume sari facilities deta hai.

Control over system performance

Kabhi kabhi aapke sath bhi aisa hua hoga ki aapne kisi prograam ko shuru karna chaha hoga aur wo thodi der baad shuru hua ho. Ya fir apne kisi file ko save karne ki koshis ki hogi aurwo bahut der tak process kar rahi hogi. In sabhi performance me hone wale delays ya deri ko OS record karta hai. Aur ye bhi record karta hai ki kisi process ko pura karne ke liye system ne kitne der baad responce kiya.

Job Accounting

OS bahut sare kaam to karta hai sath hi ye bhi kaam karta hai ki kisi user ne computer shuru hone ke baad band karne tak kaun kaun se kaam kiye. Aur ye bhi track karta hai ki kis file me kaam kiya hai.

Error Detecting Aids

Kaam karte karte bahut bar aisa hota hai ki software aur program hang ho jate hain. Aur ye bhi hota hai ki kuchh error hone ki wajah se bich me hi software band ho jata hai. In sari error ko bhi OS track kar ke rakhta hai.

Coordination Between other Softwares and Users

Computer ke andar jo programming languages kaam karte hain unke aur users ke diye hue commands aur input ke bich me OS hi coordination banata hai. Jaise jum hum “A” type karte hain to use system (0,1) code ke according samajhta hai ki humne kya likha hai. Fir use process kar ke programming language samajhta hai fir use samajh ke output device ke jariye hume show kara deta hai. ye sare performance ke liye bich me jo kaam karne ka platform deta hai wo OS hi hota hai.

Types of (OS) Operating System in Hindi (Operating system ke prakar)

Duniya me har roz kuch na kuch change hota rehta hai. Thik usi tarah computer ke operating system bhi badalte rehte hain. Technology aur advance hoti ja rahi hai. Ab to aisa daur aa chuka hai ki abhi artificial intelligence par bhi scientist ne kafi succes pa li hai.

Ab agar OS change na ho to ye mumkin nahi hai. NASA to ab Mangal tak pahunch chuka hai. To aap iska andaza isi se laga sakte hain ki kya aap ghar me jo operating system use karte hain uska istemal rocket science me hota hoga? Ji nahi iske liye bahut hi advance operating system jo ultimate features wale hote hain unka istemal kiya jata hai. Isi baat se aap samajh gaye honge ki Operating system sirf ek type ka nahi hota.

Iski use aur need ke anusar bahut sare types hote hain. Jaisi jarurat waise Operating system ka use kiya jata hai. to chaliye jante hain ki Operating system ke prakar kitne hain ( types of os operating system in Hindi).

  1. Batch operating System
  2. Network Operating System
  3. Time-Sharing Operating System
  4. Distributed Operating System
  5. Real-Time Operating System

Batch operating System

Batch operating system me users computer ke sath directly interact nahi karte hain. Isme ek operator hota hai jo ek tarah ke jobs ko group kar ke requirements ke anusar batches bana deti hai. Ek tarah ke requirement wale jobs ko chhant kar ke alag alag batch me banana operator ki jimmedari hoti hai.

Batch Operating System ke Advantages

  • Ye janna bahut mushkil hota hai kisi job ko complete hone me kitna time lagega. Batch systems ke processor hi jante hain ki line me lage hue job ko complete hone me kitna time lagega.
  • Is system ko bahut sare users share kar sakte hain.
  • Batch system idle time bahut kam hota hai.
  • Is system me bar bar bade kamo ko aasani se manage karne ki capability hoti hai.

Disadvantages of Batch System

  • Computer aur user ke bich direct interaction nahi hota.
  • Computer operators ko batch system ke bare me bahut achi knowledge hona jaruri hai.
  • Batch systems ko debug karna bahut badi problem hoti hai.
  • Ye costly hota hai.
  • Jab koi job ek bar fail ho jata hai to use next time complete karne ke liye line me lagna padta hai. Uske complete hone me kafi time lag sakta hai.

Network Operating System

Ye system server par kaam karte hain. Jin me data, user, groups, application, security, aur baki sabhi netwroking system ko manage karne ki capability hoti hai. Kisi bhi comapny me agar aap jayenge to apko wahan bahut sare computers dikhenge jo ek private network ke roop me kam karte hain. Ye sare computers ek dusre se connected hote hain. Aur is tarah ye ek server ke upar kaam karte hain. Isme aap files, printer, login kisi bhi system se access kar sakte hain.

Example: main ek automobile company me job karta hu. Yahan bahut sare pc hain aur sabhi ek server se jude hain. Aur is server par store kiye files hum kahin se bhi use kar lete hain. yahan tak ki print nikalne ke liye bhi kisi bhi system se jakar hum common printers se print nikal lete hain. Iske alawa ek hi login id ko kisi bhi system login ke liye use kar lete hain.

Advantages

  • Iske centralized server bahut stable hote hain.
  • Sare security issue ko server se hi manage kiya ja sakta hai.
  • Naye updates ko ek sath sabhi computers me implement aasani se kar liya jata hai.
  • Aap kisi bhi system se dusre system me remotely access kar ke kaam kar sakte hain.

Disadvantages

  • Isme use hone wale Servers costly hote hain.
  • Har tarah ke opeartion ke liye centralized system par depend rehna padta hai.
  • Iski Maintenance aur updates regularly hona jaruri hai.

Time Sharing Operating System

Is tarah ke OS me har task ko pura karne ke liye kuch time diya jata hai taki har task smoothly kaam kar sakte.Isme har user single system use karta hai to isse CPU ko time diya jata hai. Is system ko multitsking system bji bola jata hai. Isme jo task hota hai wo single user se bhi ho sakta ya fir multi user se bhi ho sakta hai.

Is me har task ko execute karne ke liye jitna time lagta hai use quantum bolte hai. Har task ko complete karne ke baad OS fir next task ko shuru kar deta hai.

Advantages

  • Har task ko pura karne ke liye barabar mauka diya jata hai.
  • Software ke duplication hone ka bahut kam chance hota hai.
  • CPU idle time ko isme kam kiya ja sakta hai.

Disadvantages

  • Isme reliablity ka problem hota hai.
  • Har ek ko isme security aur integrity ka khayal rakhna padta hai.
  • Isme data communication ki problem common hai.

Time sharing operating system ke example hain:-Multix, unix etc.

Distributed Operating System

Computer technology ki duniya me is tarah ka system ek advance technology hai. Jo haal hi me shuru kiya gaya hai. Ise puri duniya me apnaya gaya hai aur har kone me use kiya jane laga hai.

Jab bahut sare autonomous yani independent computers ko jodkar ek single system ki tarah use kiya jata hai to ise Distributed Operating system bola jata hai. Aisa bilkul bhi jaruri nahi ki sare computers ek hi jagah par ho. Ye alag alag jagah reh kar bhi connected ho sakte hain.

Aapne LAN aur WAN to jarur suna hoga. Agar nahi jante to main bata deta hu. Jab bahut sare computers ek hi jagah par hote hain aur aapas me connected hote hain to ise LAN Distributes System kahenge. Aur jab bahut sare computers alag alag jagaho se ek sath connected hote hain use WAN Distributed system bolte hain.

Advtantages

  • Agar ek system fail ho jata hai to pure network me koi fark nahi padta hai. Sabhi system ek dusre se free hote hain dependent nahi hote.
  • Email se data exchange ki speed badh jati hai.
  • Resources shared hote hain isilie work bahut fast aur best hota hai.
  • Data load hone me bahut kam smay lagta hai.
  • Data processing delay kam karta hai.

Real-Time Operating System

Real Time operating system aisa data processing system hota hai jisme kisi input ke liye process aur uska response time bahut hi kam hota hai. Ya yun kahe to is tarah ke system ka use karke hum kisi data ko internet se live dekhte hain. Is system ka use kar ke London me baitha ek specialist doctor America me kisi mariz ka operation kar leta hai. Iske liye wo Robotic hathon ka istemal kate hain. Ye isi system ki wajah se possible ho saka hai.

Isme input karne ke baad output hone hone tak ke time ko Response time kaha jata hai.  Is tarah ke system ka istemal karne ke kuch examples ye hain. Scientific experiments, Medical Imaging system, Industrial control system,Weapons system,Robot, Air traffic control system etc.

Real-Time Operating Systems 2 types ke hote hain

1. Hard Real-Time Systems

Ye aisa system hai jisme time boundation hota hai. Jitna target time diya hota hai wo usi time me apna task pura kar leta hai. Isme galti hone ki koi gunjaish nahi hoti hai.Is tarah ke system ka use life save karne ke liye use kiya jata hai. jaise parachutes, air bags, medical operation. To ab aap samajh sakte hain ki is tarah ke system kitne strong hote hain.

2. Soft Real-Time Systems

Is tarah ke system me kisi tarah ka time boundation nahi hota hai. Agar koi task chal raha hai to wo jyada time bhi le raha hai to isme koi problem nahi hota hai. To doston ab aap bahut ache tarike se jan chuke hain ki Operating system kitne tarah ke hote hain. Aur bataye gaye sabhi types of os in hindi kafi important hain ye samjhne ke liye ki Operating system kaise kaam karta hai. Chaliye ab aage jante hain Operating system ke kuch characteristics.

Characteristics of Operating system

  • Operating System bahut sare software program ka ek group hota hai. Jo base banata hai jisme dusre program run kar sakte hain.
  • Jitne bhi software hote hain unhe install karne ke liye Operating system ka hona bahut jaruri hai.
  • Computer se connected sabhi Input aur Output device ko operating system hi control karta hai.
  • Ye user aur hardware ke bich interface ke roop me kaam karta hai. Yani hamare kiye jane wale kamon ko jab keyboard aur mouse se hum input karte hain to Operating system ise control karta hai aur fir ise output device ke jariye hume show kar deta hai.
  • Agar hum apne data ko safety ke sath rakhna chahte hain to ye hume security bhi deta hai. Iske liye ye hume bahut sare features bhi deta hai.

Friends ab aap bahut ache se samajh gaye honge (function of operating system in Hindi) operating system kya kaam karta hai.

Conclusion

Doston aaj ki jankari kaafi important hai. Agar aap computer related course aur operating system ke bare me study kar rahe hain to ye apke liye janna bahut jaruri hai ki Operating system kya hai (What is Operating System in Hindi). Sath hi iski bhi jankari leni jaruri hai ki Operating System kitne prakar ke hote hain (Types of OS Operating System in Hindi). Mujhe ummid hai ki aap ye sari jankari le chuke hain. Har din technology me hone wale badlaw ke sath Operating system bhi roz improve hota ja raha hai. Iske lagatar update karne se har roz hume bahut sare naye features milte hain. To doston aaj ki ye post apko kaisi lagi. ummid karta hu ki apko ye jankari achhi lagi hogi. Achi lagi ho to post ko apne friends ke sath bhi jarur share kare.

Operating System Kya Hai? What is Operating System in Hindi
5 (100%) 2 votes

8 Comments

  1. Bhupendra Singh Lodhi September 17, 2018
    • wasim akram September 17, 2018
  2. Meenakshi September 18, 2018
    • wasim akram September 18, 2018
  3. kuldeep singh September 19, 2018
    • wasim akram September 19, 2018
  4. bhaskar papnai September 29, 2018
    • wasim akram September 29, 2018

Leave a Reply

%d bloggers like this: