On Page SEO Kya Hai Post Ko 1st Rank Karane Ke 11 Effective Tips

Kya aap jante hain ki On Page SEO kya hai (What is On-Page SEO in Hindi). Kya aapke bahut sare post publish karne ke baad bhi blog par traffic bilkul nahi aa rahi hai ya bahut kam hai. Iska matlab hai ki aapko On Page Optimization se page ko perfectly optimize kar ke SEO friendly banane ki jarurat hai. Agar apki On-Page SEO strong hai to fir aap isi ke jariye hi post ko First page par easily rank kara sakte hain. Aaj hum janenge ki On-Page SEO kya hota hai aur blog ke liyeOn Page SEO kaise karte hain.

Iske pehle humne jana tha ki SEO kya hai aur ye Blog ke liye jaruri kyu hota hai. Sath hi ye bhi jana tha ki SEO karne ke 2 methods hote hain. Pehla On-Page SEO aur dusra hota hai Off-Page SEO.

Is post me main apko On-Page SEO kaise kare aur ye blog ke liye kyu jaruri hai is ke bare puri jankari dunga. On-Page SEO se Post ko perfectly Optimize kar ke kaise post ko SEO friendly banate hai sath hi ye bhi janenge ki kaise aasani se post ko search engine me rank kara sakte hain. Optimization methods to hum baad me janenge lekin isse pehle to hume ye samajhna hoga ki On-Page SEO hai kya (What is on page seo in hindi)?

On-Page SEO kya hai? (On Page SEO in Hindi)

On-Page SEO, Search Engine Optimization ka hi ek part hai. Post publish karne se pehle use likhte ya fir update karte waqt jis SEO se post ko optimize karte hain use On-Page SEO bola jata hai. On-Page SEO me perfection hone se Post ko easily Search engine ke first page par rank kara sakte hain.

Agar hum saral bhasha me baat karen to wo sare tarike jisse hum apne blog ko search engine ke first page ke pehle number pe rank karane ke lie use karte hain use hum Search Engine Optimization ya SEO kehte hain . Aur post ya article likhte hue hum jin SEO techniques ko follow karte hain use On-Page SEO kehte hain. On-Page SEO me agar hum master ban gae to fir hum apne har post ko Search engine ke first page par easily rank kara sakte hain.

On-Page SEO me hum Keyword research, Post Title, permalink, Meta description, quality content, keyword ka sahi jagah me use, image optimization, Headings ka sahi use, internal aur external links iske alawa aur bhi kai techniques ka use karte hain.

To agar aap SEO me apne aap ko master banana chahte hain to On-Page SEO ko sikh kar pehle apko strong banna hoga. Jis din aap On-Page SEO me maahir ban jaenge aap ki blog bhi Search engines ke pehle rank par aane lagegi.

On-Page SEO Karna Itna Jaruri Kyu Hota Hai

Hum apne blog ko directly rank nahi karate balki blog me jo post likh kar publish karte  hain unko rank karate hain. Jab hamara koi Post search engine ke first page par pehle number par rank kar jata hai to isse pure blog ko faayda hota hai. Isse sirf blog me traffic hi nahi badhta balki Domain authority aur page authority bhi increase hoti hai. Ye hamare blog se jude har area ko improve karta hai.

On-Page SEO Optimized post yani ki high-quality content post me reader jyada samay dete hai. Kyu ki perfectly On-Page SEO optimized post search engine friendly hone se user friendly bhi ban jata hai. Readers ke lie ye achha experience rehta hai jab wo perfectly optimized blog post ko read karte hain. Isse blog ki reputation increase hoti hai.

Jab hum apne kisi post ko first page me rank karane me safal ho jate hain to us post se dusre post ko jod kar bhi hum dusre post me tarffic le sakte hain. Aur is tarah se Bounce rate ko kam karte hain. Bounce rate kya hota hai ?

Jab koi visitor blog me aate hi bina ek second bhi ruke page ko turant close kar de to ise hum Bounce rate bolte hain. Har blogger chahta hai ki jo bhi visitor aaye wo zyada se zyada waqt blog me post ko read kare. Isse Blog ki SEO bhi better improve hoti hai.

Agar hum On-Page SEO perfectly optimize kar lete hain to fir Off-Page SEO me zyada mehnat karni nahi padti. Kyu ki sirf On-Page SEO strong rehne se hi hum post ko pehle number par rank kara lete hain.

To chaliye ab hum On-Page SEO ke roop me hone wale techniques aur tariko bare me jante hain.

On-Page SEO Kyu Karte Hain?

Jab hum khub padhai karte hain exam ke pehle aur din raat mehnat kar ke exam likhne jate hain. To jo exam ache se likhta hai usi ka result zyada acha hota hai. Results hi output hota hai aur hume pata chal jata hai ki kisne ache se padhai ki hai.

Thik usi tarah hume bhale hi SEO ke bare sab kuch malum ho lekin practically SEO apply karne me agar hum weak hain to fir hamara SEO ki knowledge ka koi fayda nahi hai.

Title,Permalink aur Meta description ka output kuchh is tarike se hum samajh sakte hain. Aur ye hamare On-Page SEO ki perfection ko batata hai.

Post likhna shuru karne se pehle Keyword research jarur kare. Keyword research ek bahut hi important factor hai jiske around hi hamara pura article based hota hai.

Keyword research karne lie mostly in tools ka use kiya jata hai.

ubersuggest

Google Keyword Planner

Keywordtool.io

Blog Ko Search Engine Me Rank Karane Ke On-Page SEO Techniques.

 1.   Post Title

On-Page SEO me Post Title ka sabse important role hota hai. Post title me keyword ka sahi istemal kar ke hum apne post ko search engine ke lie perfectly optimize karte hain. On-page SEO ke antargat Post Title bahut hi important factor hai.

 

On-Page SEO Wtechni

 

Is screenshot me aap aasani se samajh sakte hain ki hamara output kis tarah dikhai dega jab hum Post title,Permalink aur Meta description ko perfectly SEO optimized kar lenge.

Post Title kaise likhen aur isme keywords ka use kis tarah karen ki hamara Post title Search engine optimized ho jaye. Iske lie main apko kuch tips de raha hu jisse aap keyword ko apne title me perfectly likh sakte ho.

(a) Keyword Placement : Targeting Keyword ( yani Post se related keyword, Jis keyword se aap apne post ko rank karana chahte hain) ko apne Post title ke shuru me rakhen. “Post Title” ki shuruat keyword se hi karne ki koshish kare.

Main manta hu ki har post ka title hum keyword se shuru nahi kar sakte hain, kabhi kabhi fit bhi nahi hota. Lekin try kare ki targeted keyword post title ke last me na ho.

On-Page SEO Kya Hai Blog Ko First Page Par Kaise Rank Karaye  Perfectly Optimized

Kaise Blog Ko On-Page SEO Kar Ke se First Page Par Rank karaye   50% Good

Kaise Blog Ko First Page Par Rank Karaye On-Page SEO Se            Bad Placement

(b) Use Effective Words : Post title ko aur bhi SEO friendly banane ke lie in words ka use kare. Jaise Effective, Most, Important, Best, Top, Strategies, Surprising, Essential, Ultimte guide, Beginners guide, Complete guide in words ke istemal se Title aur attractive bana sakte hain.

(c) Use Of Numerics :  Title me numbers add kare isse logon ko attract karna asan hota hai. Wo jaldi aise post ko read karte hain.

example:

10 effective methods

5 Best Plugins

10 Mistakes We should avoid etc.

(d) Avoid Repetition of keyword: Post ke title me keyword sirf ek hi baar use kare. Ise ek se zyada baar bilkul na daale. Keyword repeatation negative SEO ke represent karta hai.

example: Suppose Is Post me hamara keyword “On-page SEO” hai. To chaliye dekhte hain iska Title hum kaise likh sakte hain.

“On-Page SEO kya hai Aur On-Page SEO Kaise karte hain” Ye Wrong Method hai Title me keyword use karne ka. ( Isme Keyword hai “On-Page SEO” jo 2 baar use kiya gaya hai).

“On-Page SEO Kya hai Aur Isse Blog Ko Optimize Kaise Karte Hain” Correct Method.

(e) Optimal Title Length : Title ki length is tarah likhe ki wo search result me pura aaye aur agar jyada long title hogi to wo puri dikhai nahi degi. Bahut Chhota Title bhi SEO ke acceptable nahi hoti.

 2.  Perfect SEO Permalink

Title ki hi tarah post ke liye permalink bhi On-Page SEO ke lie important hota hai. Permalink me bhi hume focus keyword add karna jaruri hota hai. Iske alawa main apko kuch tips bata raha hu use jarur follow kare.

(a) Short URL : Permalink ko hume chhota rakhna chahiye. Aur iske sath hi isme apna focus keyword ya main keyword zarur daalna chahiye.

wtechni.com/on-page-seo-kya-hota-hai-aur-isse-blog-ko…..Negative SEO

wtechni.com/on-page-seo-kya-hai   Positive SEO 

(b) Delete Useless Permalink

Useless URL ko delete kar ke manually SEO friendly URL ko enter kare.

wtechni.com/?p=101   Negative SEO

wtechni.com/on-page-seo-kya-hai   Positive SEO 

Actually Jab hum Title extra length ki likhte hain to permalink automatically “wtechni.com/?p=101” is tarah ka ban jata hai. So kabhi bhi permalink is tarah ka na use kare. Ise khud hi change kar le, jaisa yahan main apko bata raha hu usi tarike se process ko follow kare.

(c) Never Use Stop Words

“a”, “the”, “on”, “and” is tarah ke words ko stop word bola jata hai. Permalink me in words ko kabhi bhi use na kare to ye SEO ke lie better hai.

 3.  Meta Description

Kehte hain na first impression is the last impression. Yahi kaam hamara Meta Description bhi karta hai. Search engine ki nazar me Title aur Permalink ke baad jo important factor hai wo meta description hai.

Meta description ache se use karna zaruri hai kyu ki isse bhi hum apne page ko easily rank kara sakte hain. Hume SEO optimized meta description likhna chahiye jo hamare readers ko convince kar le ki jo information wo serach kar rahe hain is post me wo available hai.

According to Google kuch months back tak 320 words long description allowed tha. Lekin abhi description ki length 150-170 words ke bich hi hona chahiye. Apni post ki description me keyword ka istemal jarur kare.

 4.  Keywords Density Inside Content

Hume apne content ke pehle paragraph me jyada density me keywords use karne chahiye. Content ke starting ke 100-150 words ke andar me keywords ko achi density me jarur include kare.

Keyword Research isilie kiya jata hai ki hume Search engine se achi organic traffic mil sake. Iske sath hi Keywords ka selection CPC ko dhyan me rakh kar hi kiya jata hai. Keyword ko Content ke andar properly use karne se search engine ko pata chalta hai ki content kis bare me likha gaya hai. Aur is tarike se search engine me hamari post well SEO optimized ho jati hai.

On-Page SEO Wtechni

Post ke andar keyword ki density maximum 2.5% honi chahiye.

 5.  Proper Use of Heading and Sub-heading With Keywords.

On-Page Seo me better result pane ke lie hum Headings ka use karte hain. H2,H3,H4 heading ke proper use kar ke hum apni SEO ko strong karte hain. Headings ka repeatation baar baar na kare.

Kabhi bhi H1 heading ka use apne post ke andar na kare. Kyu ki already hamare Post ka title H1 heading me hi hota hai.

Heading me apna focus keyword bhi add kare ye hamare On-Page SEO ke lie bahut effective hota hai. Lekin ye dhyan rakhe ki 50% se kam headings me hi focus keyword ka use kare.

Note : Apko ye bhi dhyan me rakhna hai ki limit se zyada keywords ko Heading me use na karen.

 6.  Image Optimization

Images ko hum apne visitors ko attract karne ke liye use karte hain. Images me hum apne post ke topic bina likhe hi describe kar sakte hain. Visitors perfectly optimized image se samajh jate hain ki unhe jo information chahiye wo yahan unhe mil jaegi.

Dhyan rakhne wali baat ye hai ki hume image ko design karte waqt kuch factors ko bhi follow karna jaruri hota hai. In factors ke use se hum hamara image 100% SEO optimized aur aur user friendly bana sakte hain. SEO friendly image hamare On-page SEO ko bahut strong banati hai.

(a) Image Title : Post ke andar use hone wale image ka title me  Keyword ka use kare. Isse ye fayda hai ki search engine hamare image ke title se keyword ko pehchan leta hai aur hamare post ko rank karne me madad milti hai.

Image ke title me unknown titles ko na use kare balki unhe remove kar de.

124569.jpg           Negative SEO

on-page-seo kya-hai.jpg    Positive SEO

(b) ALT Tag : Image title ke sath sath alt tag likhna bhi hamare post ko SEO friendly banata hai. Most important isme apna focus keyword  jarur add kare.

(c) Image Size : Image size hamare On-Page SEO ke lie important factor sabit hota hai. Hum apne post me hamesha images ka use karte hi hain. Images ki size kam se kam honi chahiye. Isse Blog ke page ko load hone me zyada time nahi lagega.

Zarurat se jyada image ka use bhi nahi karna chahiye. Ye negative SEO ki pehchan hai.

(d) Featured Image : Apne readers ko user friendly experience dene ke lie apne post me featured image add kare. Thumbnail ke roop me jis image ko hum use karte hain use hi featured image kehte hain.

 7.  Use Outbound and Internal Links

Apne post ko aur SEO friendly optimize karne ke liye external aur internal links ka jarurat ke anusar use kare . Jab hum apne post me kisi dusre website ka link add karte hain to wo external link aur khud ke blog post ka link add karte hain use internal links bolte hain.

Jab hum kisi dusre blo ya website ka link apni post me add karte hain to is tarah se hum unhe ek backlink dete hain. Jo unke SEO ke lie bahut helpful sabit hoti hai. Sath hi hamari khud ki bhi SEO strong hoti hai.

(a) Internal Links :  User engagement badhane ke lie hum Internal links ka use karte hain. Internal links se hum user ko ye show kara dete hain ki aap agar ek fruit aam ki talaash me yaha aaye ho to aapko sare fruits apple,banana, orange, etc. yahin par mil jaenge. Isse hum apni content ki quality ka pura istemal kar ke landing page se user ko baki other pages me bhi engage kar sakte hain.

Maan lijie mere ek post me tarffic bahut jyada hai baki post ki tulna me to us post se hum dusre post ka link add kar ke traffic gain kar sakte hain.

Lekin yaad rahe related post ko internal links ke roop me add kare.

(b) External Links: Jab hum apni post me kisi dusri website ko jodte hain to ise external links bolte hain. Suppose kijie hamari post me hum Youtube ki kisi feature ke bare me likh rahe hain aur uski kuch information ke lie youtube help forum me information di hui hai to uska link hum apne post me add kar sakte hain. Aur ye SEO friendly hai isse koi problem nahi hai. Balki isse hamari search engine ki ranking increase hoti hai.

 8.  Long Content Post

Agar aap beginner hain aur chahte hain ki aap bade blogs se compete kar ke achhi search rank pana to apko content ki length badhani padegi. Research ke anusar search engines me long content wale post ka rank hone ka chance jyada hota hai.

Google search result me first page me rank karne ke lie minimum 2000 words ka content hona chahiye. Isse jyada words hai to ye sone pe suhaga hai.Chances aur jyada badh jaenge rank karne ke.

Lekin agar aap utna nahi likh sakte to try kare ki kam se kam 1000 words zarur ho. isse kam hone se first page me aane ke chance bilkul kam honge.

Content ki length jitni jyada hogi keywords ki density utni jyada rahegi. Google ko topic samajhne me utni hi aasani hogi ye kis bare me hai. Is tarah search result me ranking bhi higher milegi.

Google chahta hai ki jo bhi reader aaye usko us blog se jankari mile jisne us topic ke bare me sabse badhiya likha hai. Aur sabse badhiya tarike se complete information di hai apne post me.

 9.  Page Loading Speed

Google kisi blog post ko apne search result me rank dene se pehle har tarah se check karta hai. Page ki speed bhi bahut important factor hai SEO friendly blog ke lie. Sath hi On-Page SEO ke under ye bahut important factor hai.

Page ki loading speed achi hoti hai to google bots post ko jaldi index karte hain. Achi loading speed better user experience ke lie important hota hai. Slow loading hone blog post ko Google search results me achi rank nahi deta.

Apni Blog ya website ki speed badhane ke lie How To Increase WordPress Website Speed in Hindi article pura padhe. Aap speed increase karne wale plugins ka use kar sakte hain.

Homepage par kam se kam content ka use kare, jaise widgets,posts aur images. Images ki size optimized kar ke rakhe jisse image size kam ho aur fast loading ho.

Blog ki template or theme achi use kare jo responsive ho aur fast loading hoti ho.Research me paya gaya hai ki jis blog ya website ki loading time 3-4 second se adhi hoti hai use visitors turant close kar dete hain aur dusri site par chale jate hain.

To agar aapki blog ki speed kam hai to ye ek serious matter hai. Ise jaldi solve kare.

 10.  Use Social Sharing Buttons

Agar hamari content quality achhi hai to fir ise sharing buttons ke zariye bhi hamare readers har jagah share karenge. Sharing ka option na rehne se chahte hue bhi use koi share nahi karega.

Social sharing se hum apne post ke views badha sakte hain. Social sites me apne post ko share kar ke hum ache page views gain kar sakte hain.

WordPress users easily sharing plugins ko install kar ke social sharing buttons enable kar skate hain.

 11.  Use of related informative Video

Aajkal log text contents ke sath sath media contents se zyada attract hote hain. To hume chahiye ki contents me SEO Optimized images aur videos bhi add kare. Agar aapn Google Analytics use karte hain to aapko malum hoga Bounce rate aur Time on Page ke bare me.

(a) Bounce rate : Jab koi visitor hamare blog ke landing page par aakar bina kisi dusre page par gae wapas chala jata hai to ise bounce rate bolte hain.

(b) Time On Page : Koi visitor hamari blog par jitna der rukta hai use time on page bolte hain.

Video content add karne se hum readers ko kuch der apne page par rok sakte hain isse bounce rate ghat jata hai aur sath hi time on page badhta hai. Jo ki hamari search ranking ko increase karta hai.

Jo bhi video apne post me add kare wo usi topic ka video conversion hona chahiye. Jisse user ko better experience ho aur wo post me time jyada spend kare.

Google har chhoti se chhoti baat ko notice karta hai. isilie SEO friendly post likhna bahut zaruri hai sath hi visitors jitni der page par rukenge ranking utni achhi milegi.

Conclusion

To friends aap logon ko ye post On-Page SEO kya hai (What is On Page SEO in Hindi) kaisi lagi. Ab aap samajh hi gaye honge  ki on page seo blog ke liye kyu jaruri hai. On page seo kaise kare isse related koi bhi problem ho to comment box me puchh sakte hain. Is method ko follow kar ke aap apne har post ko achi rank par la sakte hain.  Jitni jyada post rank hogi traffic utni jyada hogi. Blog ki kamyabi, traffic par hi depend karti hai. Post achi lage to ise apne friends ke sath jarur share kare sath hi social sites me bhi ise apne doston ko share kare.

On Page SEO Kya Hai Post Ko 1st Rank Karane Ke 11 Effective Tips
5 (100%) 1 vote

19 Comments

  1. Maynk July 12, 2018
  2. Maynk July 12, 2018
  3. rovin singh chauhan July 15, 2018
  4. Mohd Faizan July 25, 2018
  5. Mahesh July 25, 2018
  6. Raju Kumar July 26, 2018
  7. ANAND July 27, 2018
    • wasim akram July 27, 2018
  8. Rahul August 8, 2018
  9. Gaurav Saini October 12, 2018
    • wasim akram October 12, 2018
  10. Gaurav Saini November 1, 2018

Leave a Reply

%d bloggers like this: