Blog Post Ke Liye Meta Description Likhne Ke 8 Effective Tips

Kya aapko malum hai ki Meta description kya hai (What is meta description in Hindi). Har blogger ko ye samajhna jaruri hai ki meta tag ka istemal kis tarah se karna hai. Meta tag search engine optimization ke liye bahut important hote hain. Meta tag ke 2 bahut important parts hain Meta Title aur Meta description tags. In ke bina SERP ke first page me jagah milna bahut mushkil task hai. Aur agar kisi tarah aapne jagah le bhi liya to jyada din tak nahi rah sakte.

Is blog post me aap janenge ki meta description kya hota hai. Meta tag ke roop me seo me iska kya role hai. Meta description likhne ka sahi tarika kya hai. Sath hi main aapko meta description likhne ke 8 effective tips bhi bataunga. In tips ka use kar ke aap shaandar meta description likh sakenge aur SERP me aane ke baad visitors ko attract kar jyada traffic apne blog me bhej sakenge.

Isse pehle ki hum meta description ki baat kare main apko pehle meta tag ke bare me concept clear karna chahta hu. Agar aap meta tag ki meaning samjhenge tabhi aapko meta description ka importance samajh sakenge.

Meta tags kya hai (What is Meta tag in Hindi)

Meta tags page ke content ke bare me search engines ko puri information dete hain. Jab aap kisi page ko read karenge to ye bilkul bhi nahi dikhai dega lekin ye search engines ke lie visible hote hain.

Meta tag html codes hote hain jo page ke “Head” section me add kiye jate hain. Search engine ko kisi bhi page ki har jankari in meta tag se hi milti hai.

Main apko iska ek examle show karta hu. Agar aap kisi bhi page ko browse karte hain to uske sare meta tag ko dekh sakenge. Bas apko us webpage me apne mouse ka right karna hai aur view page source par click kare.

Apko iska look kuch is ka tarah ka dikhai dega.

page source

Yahan agar aap dhyan de to aapko har meta tag nazar aa jaaenge.

SEO ke lie main abhi 3 tarah ke meta tag use kiye jate hain.

  1. Meta title tag
  2. Robots tag
  3. Meta description tag

In sabhi ke bare short me apko main thoda bata deta hu uske baad fir meta description ke bare me detail me aap ko bataunga.

 Meta Title Tag

Blog title kaise likhe iske lie maine pehle hi ek article likha hai jisse aap apne blog post ke lie perfect title likh kar use properly SEO optimize kar sakte hain. SERP me jo pehla attraction hota hai jo dono factors ke lie important hai search engine ke lie aur visitors ke lie. Isse search engine bhi hamare page ko SERP me top par le jata hai aur visitors se jyada traffic mil jati hai.

Meta Robots Tags

Meta robots tag ki help se aap search engine ko bata sakte hain ki use kis page ko index karna hai aur kis page ko index nahi karna hai. Sath hi ye bhi bata sakte hain hain ki kaun se link ko follow karna aur link juice bhi pass karna hai.

To chaliye ab apne aaj ke topic par aate hain ki meta decription kya hai, meta description kyu jaruri hai aur ise kasie likhe.

Meta Description Tag

Meta description bhi meta tag ka ek part hai jo bahut important hai. Is meta tag ki madad se aap search engine ko short me apne post ya article me kya likha hai uske bare me batate hain.

SEO ke najarie se dekhe to Meta description likhna bahur jaruri hai.

Meta description apne har post or article me likhna jaruri hai. Iske bina SERP me post ki value nahi hogi kyu ki ek tarah se ye incomplete appearance hoga.

Meta Description Kya hai (What is meta description in Hindi)

Agar hum apni language hindi me baat kare to ye ek muhawre me bilkul fit baith ta hai.

“Gagar me sagar bharna”

Apke content ka nichod kya hai wo apko apne description me likhna hai. Bilkul perfect content describing words se milkar sentence hona chahiye.

Jab apke paas pura content SEO friendly or perfectly likha hua hai aur aapke lie competition high hai to sabse pehla target hai google ke first page par aana. Apne On-Page Seo perfect kar liya hai to aap first page par rank kar lenge.  Lekin ab baat hai ki us first page me se baki post ko kaise compete kare ki traffic sirf aapke page par hi jaye.

Blog post ke lie sirf “Meta title” ka perfect hona hi kaafi nahi hai. First page par rank hone ke bawajood apke post me traffic nahi ja rahi hai iska matlab hai ki SERP me aap visitors ko attract nahi kar pa rahe hain.

To fir attract karne ke lie ab kya baaki rah gaya?

Meta description……..?

Yes meta description ke bare me maine abhi bataya hai ki agar aap gagar me saagar bharne me maahir hain to fir aap easily heavy traffic gain kar sakte hain. Apne blog post content se related meta description ko itna eye catchy aur charming likhe ki us par log jaye bina na reh paaye.

Blog Ke liye Meta description kyu important hai

Bahut se blogger aise bhi hain jo meta description ki importance nahi jante aur use likhte hi nahi. ye bahut badi kami hai ki aap meta description nahi likhte. Iska matlab aap SERP ke competetion se hi bahar hain. Aap meta description ke bina race me hain hi nahi .

Dekhie first page me pahunch ke bhi agar aap ke post me traffic nahi ja rahi hai to iske lie apko meta description thoda aur kaam karna hoga. Koi jaruri nahi hai ki apka post 1 no. me rahega tabhi jyada clicks milenge.

Koi jaruri nahi hai 100cr. me bani movie hi superhit hoti hai. Kam budget ki achhi film bhi apne budget se kai guna paise kama leti hai. Bas uska content aur appearance acha hona chahiye. Yahan hamara content to acha hai hi lekin hum baat kar rahe hain ache presentation yani appearance ki.

Aapne meta description jo bhi likha agar wo perfect hai to Google usi ko Search result me show karega. Agar use thik nahi laga to Google khud decide kar leta hai ki meta description me dikhana kya hai.

Meta description tag html form me is tarah se likh sakte hain.

Meta description tag html form
<meta name="description" content="your own description here"/>

Aap apne aap ko ek baar visitor ke jaisa feel kare aur Google me ye keyword search kare “facebook”. Iska matlab hai aap facebook ke bare me janna chahte hain .


meta description tag

Ab aap search results dekhenge.

SERP me apko meta title me

Facebook – Log In or Sign Up

show ho raha hai aur Meta description me

“Create an account or log into Facebook. Connect with friends, family and other people you know. Share photos and videos, send messages and get updates.”.

Ab aap bataye is example se aapko kya pata chala?

Iska meta description aap dhyan se dekhe kitni perfectly likhi gai gai.

Isme keywords hain, aur content ke according words framed hain. Aur iski length bhi 155 -160 characters ke labhag hi hain including spaces. Search engine ke lie jo required length hai wo 155 -160 characters yani letters honi chahiye.

Blog post ke lie meta description likhne ke Effective 7 tips

Meta description ki importance to aap samajh hi gae honge. Ab aap ko ye janna hai ki ise kaise likhe. Ise likhte waqt niche batae gae tips ko follow kare aur aap apne post ko search engine me rank kara ke jyada traffic drive kar sakte hain apni blog par.

#1. Write Meta Description For Every Single Post

Meta description har blog post ke lie utna hi jaruri hai jitna ki blog ke lie blog title important hai. Jab aap koi content likhte hain to khub mehnat kar ke achi length ki 1000 words ke sath use publish karte hain. Iske sath hi content se related meta tag ke roop me meta description bhi jarur add kar sakte hain.

Agar aap bina meta description ke apni post or article ko publish karte hain to google search result page me rank karana mushkil ho jata hai. To kya aap jab itni achhi content likh sakte hain to 155 – 160 letters ki charming aur catchy meta description nahi likh sakte jo visitors ko compell ka de apke post me click karne ke lie.

#2. Meta Description Should be of Perfect Length

Beginners aksar samajh nahi paate ki meta description likhe to kaise likhe. Usme kya hona chahiye aur kya nahi hona chahiye. Kitni lambi honi chahiye. Sahi length nahi hone se ho sakta hai search engine apki meta description ka kuch part hi show kare. Aise me aap apne visitors ko jo batana chahte hain ki aapne apne content me kya likha hai wo nahi dikhega. 

Ye ek negative sign hai apke post ke lie SERP me. Isse visitor ko exact information nahi mil sakegi ki aapne apne content me kya describe kiya hai.

Maximum time ye hota hai ki  post ki title aur meta description ki length kam hone par rank me upar hoti hai. Aur jin posts ki meta description aur title tag ki length jyada hoti hai unko SERP me low rank milta hai.

#3. Include Keyword in Meta description

Kisi bhi post or article ko likhne se pehle hum keyword research karte hain.  Post ko logon tak pahunchane ke lie search engine ka use karte hain.  Iske lie targeted keyword ko apne content me use kar ke post ko optimize karte hain.

On-page SEO yani ki article likhte waqt Keywords ke sahi prayog se aap apni post ko google search result me first page me achhi rank par show kara sakte hain.

Keyword research kar ke best keywords select karna aur use post title, content aur meta description me istemal karna bahut jaruri hai. Bahut sare bloggers content aur title me keyword to use karte hain lekin description me keyword include nahi karte hain.

Is galti ki wajah se google us post ko jyada importance nahi deta. Aur to aur description bhi change kar deta hai aur content ke andar se google apne choice ka sentence choose kar leta hai aur use show kar deta hai.  

#4. Content related Meta description tag

Jab bhi aap koi article ya post likhte hain to uske lie kaafi research work karte hain uske baad 100% quality wala content taiyar karte hain. Agar aapne achhi quality ki content likh rakhi hai to fir meta description bhi usse related hi add kare. Kabhi bhi aap apne main topic se divert na kare meta description tag ko kyu ki isse aap hi ko nuksan hoga.

Bollywood me har week movies release kiya jata hai. Lekin movies ko promote karne ke lie movie release hone ke pehle hi trailer release kiya jata hai . Aajkal to boring movies ke bhi trailer kaafi achhe banae jate hain. Baad me pata chalta hai ki movie bekar hai. Yahi kaam apko nahi karna hai.

Aapne content me agar quality di hai to fir apki meta description us content ko behtar tarike se present karne laayak banaye.  Aisa kabhi na kare ki looking london and talking tokyo. Iska matlab hai ki aapne content likha hai kuch aur description kuch aur.

Aisa karne par apke blog ki image kharab ho jaaegi. Aur jo visitor us  tarah ke post ko open karega aur use cheat kiya hua feel hoga wo dubara apke blog me aayega bhi nahi. Aap apne readers ke lie post or article likhte hain to unki jarurat ke anusar hi content ko badhiya quality ka banaye aur sath hi meta description tag bhi content ke related rakhe.

#5. Write like Gagar me Sagar Bharna

Maine apko already bataya hai ki apka meta description ” Gaagar me Saagar bharna” ke rule ko follow karna chahiye.

Ab yahan ye apko samajhna hai ki Gaagar aur Saagar me common chiz kya hai? wo hai paani, matlab ki content related description ka hona bhi jaruri hai.  Apke post ke pure content ko represent karta hai. Apko meta description me ye apko meta tag ke roop me meta description aise hota hai jo content ko summerize karta hai. Ye movie ke ek trailor ki tarah hi kam karta hai. Log movie kab dekhne jate hain jab trailor shaandar ho. Agar trailor hi slow aur boring ho to logo andaza lag jata hai ki movie bhi boring hogi.

#6. Visitors attractive and charming words

Apko meta description me aise words ka use kare jo bilkul magnet ki tarah kaam kare aur aapke lie visitors ko attract kare. Aap jo attractive words apne Post Title me use karte hain usi word ko meta description me bhi daale. Isse hoga ye ki google ko ye confirm ho jaaega ki aapka content kis topic par hai.

Aap search engine ke sath sath apne visitors ka bhi khayal rakhe. Kyu ki logon ko attractive aur eye catching content ki jarurat hoti hai islie meta description bhi eye catching likhe. Aap content se hi related magnetic words ka use kare jo content ko describe kare aur readers ko attract bhi kar sake.

#7. Don’t take meta description from content

Aksar bloggers ek galti hamesha karte hain ki wo meta description ke lie content se hi kuch lines copy karte hain aur meta description ke box me paste kar dete hain. Ya to unhe malum nahi hai ki meta description likhne ke lie kya karna hai ya fir jaanbujh kar wo alag se iske lie time nahi dena chahte.

Jis tarah aap content likhne ke lie itna time dete hain to kuch time meta description me de hi sakte hain. Agar aap iska importance nahi jante the to aaj to samajh hi gae honge ki meta description tag k importance kitni hai.

Ab se aap iska dhyan rakhe ki meta description likhne me bhi kuch time de. Aur yahan mention kiye gae tips ko follow kar ke acha se acha meta tag likhe. 

#8. Write the separate description for Social Media sites

Aapne apne blog ke lie social media sites par page to create kar hi rakha hoga. Aur usme rapne post publish karne ke sath hi social media par share bhi karte hi honge. Lekin jab share kare to uske sath alag se description jarur add kare.

Agar aapne facebook,twitter me page banaya hai to wo google me jarur index kar raha hoga. Aap apne har post ko bhi index kara sakte hain. Iske lie aapko apne har post ko share karne ke sath hi uska description bhi ready kar le wo bhi thoda attractive likhe.

Aage se aap jab bhi apne post ko publish kare to usko facebook, twitter, instagram me share karne se pehle uske lie best aur attractive description jarur likh le. Isse aapke post ko index hone me jyada time nahi lagega.

Meta Description Ko Optimize Kaise Kare

Agar aap blogging ke lie WordPress ka use karte hain to fir apke lie meta description tag ko likhna kaafi aasan ho jaaega. Yoast SEO plugin On-Page SEO ke lie kaafi helpful plugin hai. Isme Snippet ke andar me apko meta description box bhi milta hai. Jisme kam ya jyada length hone par bhi ye plugin aapko show karega. Aur perfect meta description tag likhne me kaafi helpful hoga.

meta description

Ye plugin aapko search ranking boost karne me bahut faayda pahunchata hai. Iske sahi use se aap apne lie har post ko perfectly optimize kar sakte hain.

Yoast SEO plugin bahut sare features free me provide karte hain. Iske sahi implemeation se aap apne blog ke article ko SERP me hamesha first page par rank kara sakte hain.

Conclusion

Doston apko ye post meta description kya hai (What is meta description in Hindi) aur ise likhne ke 8 tips kaisi lagi. Mujhe ummid hai ki aapko on-page seo ki ek important jankari achi se samajh me aa gai hogi

Agar aap bataye gae meta description ke 8 effective tips ko follow karte hain to apne post ke liye best and attractive meta description likh sakte hain. Post helpful lagi ho to ise apne facebook, twitter, instagram par share kare.

Blog Post Ke Liye Meta Description Likhne Ke 8 Effective Tips
5 (100%) 1 vote

3 Comments

  1. wasim akram August 29, 2018
  2. Tanmoy Bhunia September 5, 2018
  3. Banibrata Das September 5, 2018

Leave a Reply

%d bloggers like this: