DigitalOcean Server Me Putty Se Login Kaise Kare With SSH Key

Hello friends aaj ki is post me main apko SSH Key generate kar ke Putty ka use kar ke DigitalOcean ke vps server se connect karne ka method step by step bataunga. Is process ko follow kare taki aap aasani se apne DigitalOcean ke server me login kar sake. Agar aapne pehle hi DigitalOcean me hosting buy kar liya hai to fir Droplet create karne se pehle is process ko pura kare. DigitalOcean se 2 Month ki Hosting bilkul free me use karne kaise kare is ke bare me pehle hi maine post likha hua hai.

Aap DigitalOcean me Signup kar ke 10$ apne account me credit kara sakte hain aur 2 month tak free me DigitalOcean ke vps me apne blog cloud hosting use kar sakte hain.

DigitalOcean me cloud hosting kharidne ke baad jo process apko step by step follow karna wo main yahan mention kaunga. Aap bataye gae steps ko hi follow kare to aap bahut hi aasani se apne DigitalOcean ke cloud server se connect kar lenge.

DigitalOcean Droplet Server Ko Putty Se Connect Kaise Kare

DigitalOcean me account create karne ke bad hume Droplet Server create karna padta hai. Hum yahan server create karne ke baad usme  Ubuntu 16.04 install kar ke LEMP stack aur fir WordPress install karenge.

Lekin in sare installation ko pura karne ke lie hume DigitalOcean ke server ke andar enter karna padega. DigitalOcean ke Server ke andar jakar in sare installation ko pura karne ke lie hume Putty emulator ka use karna hoga. Ab aap niche die gae steps ko hi follow kare.

  1. Create DigitalOcean Account 
  2. Install Putty Emulator in your Windows
  3. Generate SSH key using Puttygen 
  4. Copy SSH Key and Add this SSH Key in your DigitalOcean Account
  5. Create Droplet Server and use the generated SSH Key
  6. Now Using Server ip address and SSH Key Connect your Server through Putty

1. Create DigitalOcean Account 

DigitaOcean me Account create kar lene ke baad apke paas 2 options hote hain. Jinse aap apne Server ko active kar ke us par apna site run kara sakte hain.

(a) Without Using SSH Key

(b) Using SSH Key

Without Using SSH Key :

Agar aap account create karne ke sidhe Droplets create karenge to us waqt aapke paas koi SSH Key nahi rahega. Aise me DigitalOcean apke mail me password send karega jisse aap directlu Server me enter kar sakte hain Server Console ka use kar ke.

Using SSH Key:

Jab aap SSH key ka use karna chahe to usme Droplet create karne ke pehle hi SSH key generate karna hota hai. Aur use DigitalOcean ke account me security me jakar add karna hota hai. Iske baad jab aap Droplet create karenge to fir aap us SSH Key ko select kar sakenge Droplet me use karne ke lie.

2. Install Putty Emulator in Windows

Jab aap DigitalOcean me account create kar le uske baad agar aapne decide kiya hai ki aap SSH key ka use karenge to aap ko PUTTY apne system me install karna hoga. Aap yahan se Putty ko install kar sakte hain.

Install PUTTY emulator from here

Ab aap yahan se apne system ke configuration ke anusar 32  bit ya 64 bit ka Putty version select kar ke download kar le.

Installation ke baad apko 2 application milenge.

  1. PUTTY
  2. PUTTY Key Generator

Ek Putty emulator aur dusra Puttygen. Sabse pehle apko yahan Puttygen ( Putty Key Generator) use karna hai.

3. Generate SSH Key Using Puttygen

Ab jab aapne successfully Putty install kar liya hai to apko Puttygen Open kar lena hai. Iske lie aap apne desktop me iske shortcut ko click kar ke open kare. Jab aap puttygen open karenge to is tarah ka interface apko milega.

Putty SSH Key generate 1

Yahan apko Simply Generate par click karna hai. Iske baad apko  blank space me jo maine red circle banaya hai usi ke andar me mouse ko move karte rehna hai.

Mouse ki movement aap round ya fir left-right kar sakte hain. Apko tab tak move karna hai jab tak green label fill na ho jaae.

Putty SSH Key generate 2

Ab apko niche screenshot me dikhae option ke anusar select kar lena hai. Sabse pehle apko yahan Parameters me 2 option set karne hai jo pehel se default hi set milenge. Fir bhi agar kabhi kuch galti se change ho jae to aap yahan se follow kar sakte hain.

  1. Type of key to generate me RSA select karna hai.
  2. Number of bits in a generated Key me 2048 rakhe.
  3. Ab Save Private key par click kare.

Putty SSH Key generate 3

 

Save private key me click karne ke baad next dialogue box open hoga usme aap filne name me kuch bhi likh le. Jaise main securekey.ppk raha hai. Iske baad .ppk format me hi save karna hai. 

  1. File name aap jo bhi name se SSH key ko save karna chahte hain wo yahan likh ke.
  2. Iske baad Putty private key files yani *.ppk format select kare.
  3. Ab finally Save par click kar le.

Putty SSH Key generate 4

Ab aapne successully SSH Key generate kar liya hai. Is tarah aap apne server me access karne ke lie aap SSH key generate kar ke use kar sakte hain.

4. Copy SSH Key and Add this SSH Key in your DigitalOcean Account

Putty SSH Key generate 5

Ab aapne apne server ko access karne ke lie SSH key generate kar liya hai. Lekin Droplet create karne se pehle apko ye Secure key ko apne DigitalOcean account open kar ke add kar le.

Secure Socket Shell key hamare account ko secure karta hai. Aur ye hamare account me unauthorized access hone se bachata hai aur secure karta hai.

SSH key add karne ke lie niche die process ko follow kare.

SSH key add in DO 1

Yahan par apko account profile picture me click karna hai uske baad setting me enter kar jana hai.

  1. Click on your profile picture
  2. Next click on Setting

Jab aap setting me click karenge to next page move kar jaaenge.

SSH key add in DO 2

Jaisa ki aap upar ke screenshot me dekh sakte hain Setting me click kar lene ke baad aap setting dashboard me enter ho jaenge.

Yahan aapko 4th number me Security option indicate kiya hua hai uspe click karna hai.

SSH key add in DO 3

Security dashboard open hone ke baad apko Add SSH Key par click kar lena hai.

Yahan par already maine 2 SSH Key add kiya hua hai jo aap dekh sakte hain secure aur Private_Key ke naam se isme pehle maujud hain.

Putty SSH Key generate 5SSH key add in DO 4

 

 

 

 

 

 

 

Upar dikhae gae Screenshot se aap aasani se samajh sakte ho ko humne jo Puttygen se key generate kiya hai use copy kar ke DigitalOcean ke SettingSecurityAdd SSH key ke andar aakar Paste kar dena hai.

  1. Paste the copied key from puttygen
  2. Name the Key as you wish
  3. Click on Add SSH Key

Congratulations aapne successfully SSH Key apne DigitalOcean ke account me add kar liya hai. Ab aap SSH Key se apne server ko secure kar sakte hain.

Ab aap Droplet create karne ke lie bilkul ready hain.

5. Create Droplet Server and use the generated SSH Key

DigitalOcean me Droplet create kaise karte hain ye maine already last post me bataya hai. Aap yahan se DigitalOcean me droplet create kaise kare padh sakte hain.

Jab aap droplet create karte hain to aapko Add SSH Key ka option usi me milta hai. Wahan aapko add kie hue SSH Key ke naam ke aage tick kar lena hai.

SSH key add in DO67

Add SSH Key option Droplet create karne ke bich me hi hota hai.

SSH key add in DO6

Upar dikhae pehle screenshot me Droplet create karte hain uska insterface hai aur second screenshot me usi Interface ke nice ka option hai jahan se SSH Key aap select kar sakte hain.

Yahan par total 3 SSH Keys maine already add kar rakha hai. Aap chaho to New Key yahan se bhi add kar sakte hain. Maine jise tick kar rakha hai us Key ko Droplet ke lie select kiya hai aur baki jinko red color se round kiya hai unko use nahi kar raha hu.

Aap ko bas ye dhyan rakhna hai ki jis SSH Key ko aap yahan par select karte hain, Putty me bhi usi ko load karke Droplet server me login karke connect karenge.

Is tarah ab aapne Droplet with SSH Key bhi create kar liya hai. Ab aapko Putty ka use kar ke Server me login karna hai. 

6. Now Using Server ip address and SSH Key Connect your Server through Putty

Abhi tak aapne sare kaam step by step kar liya hai to aap Putty ka use kar ke Server me login kar sakte hain. Droplet server me enter karne ke lie hum yahan Putty ko configure karenge jo ki bahut hi easy hai.

Configuration of Putty :

  • Droplet Server ka IP address add kare

login to server by putty2

Jab aap Putty Open karenge to first box yahi open rahega. Isme session ke andar me aap ko Host name or IP address naam ka box dikhega. Usme apko Droplet server ka IP address add kar lena hai.

  • Data par click kar ke login me username add kare ( Default user : root

login to server by putty

IP address add kar lene ke baad Data me jakar username add kare. Waise aap agar ye na bhi add kare to console open hoga aur wahan fir apko dalna padega,

Default username root

Yahan aap root likh kar login kar sakte hain.

  • SSH open kare
  • Auth par click kare
  • Apne SSH Key *.ppk ko browse kar ke select kare 

login to server by putty1

Sabse pehle aap SSH par jaye uske baad Auth par click karenge to aapko apna SSH Key ka *.ppk file select karne ka Browse ka option mil jaaega. Browse me click karenge to apke system ka drive open hoga. 

Aapne jo SSH key Puttygen se generete kiya tha aur fir save kar liya tha use select kare yahan.

Ab finally Open par click kare.

login to server by putty8

Successfully aap apne Server me login kar chuke hain. Aapka DigitalOcean Droplet Putty ke sath connect ho chuka hai.

Ab aap yahan se softwares install kar sakte hain. Server ka sara control aur manage power apke hathon me hain. Aap jaise chahe waise ise apni marji se manage kar sakte hain.

Is process ko follow kar ke aap apne server ko putty se connect kar sakte hain. Aur uske baad server ko easily manage kar sakte hain. Ab aap jo bhi operating system use karna chahte hai aur jin softwares se apne site ko run karana chahte hain wo kar skate hain.

Server me Putty se login karne ke baad LEMP kaise install kar sakte hain aap yahan se jaan sakte hain.

LEMP install karne ke baad DigitalOcean Server pe WordPress install kaise kare ye bhi read kar sakte hain.

To friends agar apko ye post achhi lagi ho to ise facebook, twitter, instagram par share kare. Agar kisi tarah ki problem ho rahi ho ise samajhne me to aap comment kar ke puchh sakte hain.

Rate this post

Leave a Reply

%d bloggers like this: