Keyword Kya Hai Aur Kyu Jaruri Hai-Keywords in Hindi

Aap sabhi ka swagat hai is naye post me, aaj ki post me hum baat karenge keyword kya hai (Keywords in Hindi). Agar aap ek blogger hain aur SEO ke bare me jankari chahte hain to apko ye word aksar sunne ko milta hoga. To apko bhi iske bare me janne ki ichha ho chuki hai. Keyword kya hota hai aur SEO ke liye keyword kyu jaruri hai ye sari baaten hum yahan detail se janenge.

Keyword kitne type ke hote hain ye bhi baat karenge. Kya aap ko malum hai ki kisi bhi blog ke har post se traffic nahi aati bas 5-10 % post se hi 80-90%  tarffic aati hai. Yani ki un posts me jo keyword hain unhi ki wajah se blog bhi rank kar jati hai.

Blogging career ke sharuati time me har blogger ko keyword ko lekar kaafi confusion rehta hai. Aur aapke mann me bhi bahut sari confusion hai. Lekin is post ke finish hone tak aap is ko badhiya tarike se samajh jayenge. Isse jude har sawal ka jawab bhi apko mil jayega. To chaliye jante hain ki Keyword kya hai (What is keyword in Hindi).

Keyword kya hai (Keywords in Hindi)

Aap is post ko padh rahe hain iska matlab hai aapne keyword ka use kiya hai.

Kaise?

Main batata hun kaise, aap ke is post ko padhne ka matlab hai ki aap keyword ke bare me janna chahte hain. Aur isilie aapne Google me search kiya hai, ” Keyword kya hai” ya  “What are keywords in hindi“.

Ji haan aapne sahi samjha aap search engine Google, Bing ya Yandex me jo sentence ya phrase jankari lene ke lie search karte hain usi ko keyword kaha jata hai. Blogging aur SEO ke language me wo sare words, sentence ya phrase jo hum internet se information lene ke lie google me search karte hain wo keywords hote hain.

Example:

Chaliye is aur ek example se samajhte hain. Suppose aap ko seo ke bare me kuch nahi malum aur aap iske bare me jankari lena chahte hain. To ab aap google open kar ke usme kya type karenge?

“SEO kya hai”

“SEO kya hota hai”

“What is SEO in hindi”

Ji aap bilkul isi tarah ke phrase ko google me search karenge. Ab jo result page aayega to usme 1st page me jitne bhi result rank kar rahe hain un sabhi me ye phrase “keyword” ke roop me istemal kiya gaya hai. Search engine result page me rank kar rahe sare posts ko SEO friendly likhne ke in phrase ko Target kiya gaya hai. Isi targeted sentence ya phrase ko target Keyword kaha jata hai.

Ab aap thoda to samajh hi gae honge ki Keyword kya hota hai. Google me search karte hue automatic aur bhi sentence queries ke roop me aate hain, jo ki regular search kiya jate hain same topic par, ye sari suggested sentence bhi keyword hote hain.

Word ya phrase  ko to search engine me kisi bhi tarah ke information ko search karne ke lie use karte hain. Lekin aapke mann me ye sawal aata hoga ki ye post ya content ke liye kyu jaruri hai? Is sawal ko samajhne ke liye chaliye aage chalte hain aur vistaar se iske bare me bhi charcha karte hain.

Blogging me career banana hai to is ke bare knowledge hona bahut jaruri hai. Kisi bhi article ko likhne ke lie usme keyword ka sahi istemal karna search engine optimization ke lie important hota hai. Blog ya website me tarffic badhane aur post ko rank karane ke lie ye bahut hi important factor hota hai.

SEO Ke Liye Keyword Kyu Jaruri Hai

Jab bhi koi blogger post ya content likh kar publish karta hai to chahta hai ki uska post SERP me kam se kam top 5 me rahe.

Ab aap ye bataiye ki google ko kaise pata lagega ki aapka post kis bare me hai?

Iska jawab hai “Keyword”.

To google ya kisi bhi search ko kaise pata chalta hai ki post ya content ka keyword kya hai? Search engine ko target keyword batane ke liye aapko isko apne post me bahut ache se use karna hota hai.

Keyword search engine ko ye batata hai ki aapne jo post ya article likhi hai wo kis bare me hai. Iske liye search engine apke post ko pura analyse kart hai. Wo ye check karta hai ki aapka post kis subject par hai. Aur search engines ko isi ki wajah se pata chalta hai ki post ki topic kya hai.

Perfectly SEO hone se Google kisi post ki search engine ki ranking fix karta hai. Apne post me perfect SEO karne ke liye ek sentence ya phrase ko target kiya jata hai wahi target Keyword hota hai.

Keyword ka istemal karna search engine optimizaion ka ek part hai. Waise to Search engine optimization bahut vast field hai, lekin is ke bina SEO waisa hi jaisa “Body” without “heart”. Maine apko yahan example diya hai jisse aap SEO ke liye ye kyu jaruri hai is ko aasani se samajh sakte hain.

Importance of Keyword for SEO

Yahan aap bas ye maan le ki insani body me “Heart” ek “Keyword” hai aur “Body” yani pura sharir “SEO” hai. Heart hamare body me har taraf blood ko circulate karta hai, yani heart ka work puri body me flow karta hai. Focus words bhi har jagah use ki jati hai. Agar heart na ho to body function karna band kar degi. Waise hi keyword ka use na ho to post content bhi bina matlab ka hai.

Post ki SERP me position kis number par aati hai keyword ka sahi use kar ke perfectly seo optimized kaise karte hain is par depend karta hai. Ab apko is ka importance bahut ache se samajh me aa gaya hoga. To chaliye ab jante hain ki SEO ke liye use hone wale keywords kitne type ke hote hain.

Keyword Kitne type ke hota hai (Types of Keywords in hindi SEO)

Article ya post ka perfectly Seo karne ke liye usme keyword ka sahi istemal karna bahut jaruri hai. Lekin use pehle ye janana bhi jaruri hai ki kaun se phrase ya words ko kab aur kaise use karna hai.
Iske liye to ye bhi samjhana hoga ki ye kitne tarah ke hote hain. To chaliye Jante hain types of keyword in hindi.

1.  Generic Keyword:

Generally jab hum ek single term ya 1-2 words ko keyword ke roop me use karte hain to ise generic Keyword bola jata hain. Generic type meaning full nahi hota hai. Isse exactly pata nahi chal pata kis ke regarding information hai.
To chaliye ise aur achhe se ek example ke dwara samajhte hain.
Generic words example:
“India”
“Blogging”
“Digital Marketing”
“Clothes”
Is tarah ke words generic hote hain. Ye basically pure group ko represent karte jabki inke andar khud hi bahut sari categories hote hain.
Agar user ko information chahiye “Men’s sports shoes ” ki to wo sirf “shoes” google me search karega to use apne according result nahi mil sakega.
Waise Generic phrase aur terms ki search volume bahut jyada hoti aur competition bhi low hota hai. Lekin fir bhi is tarah ke keyword se rank karna bahut jyada hard hai.

2.  Informative keyword:

Aisa words basically apne aap me ek question hota hai jise hum informative keyword bolte hain. Is ka istemal users apne question ka direct answer pane ke liye karte hain.
Informative type ko example ke jariye samajhte hain.
“Shoes meaning”
“What is blogging”
“Digital marketing means”
Google ne is tarah ke phrase ke search result ko dikhane ke liye hi “Snippet” ko launch kiya hai. Jab bhi koi user google me informative phrase ya sentence ko enter kar ke search karta hai to “Snippet” search result me hi direct answer ko show karta hai.
Kabhi kabhi ye alag type ke informative phrase me bhi kaam karta hai.
Isme title, answer from content, aur webpage ka url bhi show kiya hua rehta hai.

3.  Short tail keyword:

Jab generic word me kuch aur word add kar ke isko thoda extend kar diya jaye yani thoda aur lamba kar diya jaye to ise short tail keyword bola jata hai.
Short tail generic ki tulna me thoda meaningful hota hai. Isse thodi bahut to information mil jati hai ki user kis bare me janna chahta hai.
Isko samajhne ke liye kuch examples dekhte hain.

Types              Keyword
Generic           Shoes
Short tail         Shoes for men
Generic           Digital marketing
Short tail         Digital marketing training
Generic           Blogging
Short tail         Blogging tips, Blogging platform.

Maine upar Generic aur short tail dono ke example de rakhe hain jisse aapko samajhne me aasani hogi in dono me kya fark hai. Aur generic se rank kar pana itna mushkil kyu hota hai ye bhi apko samajh me aa gaya hoga.

4.  Long tail keyword:

Jab 3-4 words ya isse jyada words milkar ek long phrase banaya jata hai to ise “Long tail keyword”bola jata hai. Competetion jyada ho to categorized kar ke targeted audience tak pahuncha ja sakta hai. 

Long tail baki sabhi types ki tulna me sabse jyada effective hote hain. Ye jitna lamba hoga result utna hi acha milega.
Long tail type example
“Green color sports men shoes”
” Blogging se paise kaise kamaye”
“Digital marketing training centre in Ahmedabad.”
Ye sare long tail phrase hain. Ye aur bhi lambe ho sakte hain.

Ab to aap samajh chuke hain ki Keyword kitne type ke hote hain .Ye to hue traditional types lekin ajkal Google long tail words ko bahut pasand karta hai. Iske alawa bhi ek type ka phrase ya word hota hai jo search engine bahut pasand karte hain. WO LSI phrase ya word hota hai.

 LSI kya hai? Chaliye ise bhi main apko ache se batata hu.

LSI Keyword Kya hota hai?

LSI ka full form (Latent Sementic Indexing) hota hai. Google jaise search engine apke likhe hue page ke content ko rank karne se pehle search engine bots ke jariye crawl karte hain. Aur ye find karte hain ki keyword aur content match kar rahe hain ya nahi. Iske alawa is se related aur bhi phrase ya sentence ko content se match kar ke relationship check karta hai.

Keyword se related phrase ya sentence ko jise users normally search engine me use karte hain use LSI keyword bolte hain. LSI content ke title me likhe hue phrase ko content ke andar bhi search karta hai. LSI se ye bhi exact pata chal jata hai ki koi word kitni bar repeat kiya gaya hai.

Agar aap sirf ek hi phrase ko bahut bar use karte hain wo bhi unnatural roop se to ye ek tarah se Search engine ke against hota hai. Wahi search engine LSI se match kara ke check kar leta hai. Agar aap thoda sa dhyan de aur LSI phrase ko content, content title aur heading me bhi use kare to ye best method hai. LSI phrase pure meaningful hote hain aur related to content bhi hote hain. 

LSI Kaise Kam Karta hai

To ab main apko batata hu ki LSI kaise kaam karta hai. Iske liye pehle aap jaan le ki aakhir LSI kahan se mil sakta hai hume.

Jab user koi phrase daal kar search engine me search karta hai to search result page ke sabse niche kuch sentence hume dikhai dete hain usi phrase ke related. Ye LSI hote hain. Aap LSI ke example yahan dekh sakte hain.

LSI Keyword

To friends ab aap LSI ko badhiya se samajh gae honge. Search engine apke content ko best tabhi samajhta hai jab aap apne content me is tarah ke LSI phrase ko add karte hain. Isse apke sare content me density achi rahegi aur sath hi meaningful lagegi aur search engine friendly bhi hogi.

Google search result related words se aap 1-2 badhiya LSI phrase select kar ke jarur use kare. Apki post easily rank karegi. 

Content me Keyword ka use kaise kare

Post ke andar keyword ka sahi istemal karna har kisi ko nahi aata kyu ye ek tarah ka art hai jo sab ke as nahi hota. Jiske pas ye art hota hai uske post google me top 5 me hamesha rank karte hain. Ye aap bhi experience ke aadhar par sikh jayenge lekin uske liye bataye gaye tariko ko follow kare.

  1. Keyword ko Title ke andar likhe.
  2. Permalink ke andar isko rakhe.
  3. Meta description me iska use kare.
  4. Apne first paragraph me density achi rakhe.
  5. Image Alt tag me bhi iska ka istemal kare.
  6. Heading aur Subheading yani H2 aur H3 me me add kare.

Aap upar diye sabhi place me keyword ko badhiya tarike se use kare. Density ko limit aur SEO ke according hi rakhe. Jyada use karne se Keyword stuffing” ki problem ho sakti hai.  Agar aap ko keyword density kya hai ye nahi malum hai to chaliye ise bhi jan lete hain.

Keyword Density kya hota hai

Pure article me keyword kahan kahan aur kitni bar use kiya gaya ise hi Keyword density bolte hain. Har 100 words me dekha jata hai ki keyword kitni bar use hua hai. Agar koi phrase 100 words me 2 bar use kiya gaya hai to ye density 2% kahi jayegi. Agar article 1000 words ka hai to aur density 2% hai iska matlab hai ki usme phrase 20 bar likha gaya hai.

Density ko pure control me rakhna bahut jarui hai. Kyu ki density jyada hone se stuffing ka issue ho jaayega aur aisa hone se post rank karne ki bajay search result me door door tak bhi nahi dikhai dega.

Search engine bots kisi post ko crawl karte hain to wo density check karte hain. Agar density achi hui to post rank kar denge aur desnity bahut low ya fir bahut high hui to bhi rank nahi karegi. 

Note: Density 1.5 – 2.5 % ke bich rakhni chahiye. Focus keyword  ka use bataye hue tarike se kare aur Long tail keyword ka use kare to post jarur rank karega.

Conclusion

Han to doston ye post blogging ke najariye se bahut important hai. Iski knowledge ki jarurat har blogger ko apne blogging career ko aage badhane ke liye padti hi hai. Ab aapko to ye ache samajh me aa gaya hoga ki keyword kya hai (Keywords in Hindi). Sath hi sath aap ye bhi samajh chuke ki Keyword kyu jaruri hai aur ye kitne type ka hota hai. Iska post ke andar kaise use karna hai jisse ki post aasani se rank kar jaye.

Aasha hai ki apko post acha laga hoga. Agar acha laga hai to comment kar ke bataye aur kuch doubt hai wo bhi comment kar aap puch sakte hain. Is blog aage badhane ke liye post ko apne friends ke sath share kare aur is blog se naye post ke notification email me pane ke liye subscribe jarur kar le. Is blog ko aage badhne me support kare aur nayi nayi knowledge ke liye visit karte rahe.

5 (100%) 1 vote

8 Comments

  1. Vishal September 5, 2018
    • wasim akram September 5, 2018
  2. Omprakash September 6, 2018
    • wasim akram September 6, 2018
  3. Tanmoy September 20, 2018
  4. Srn October 10, 2018
    • wasim akram October 10, 2018

Leave a Reply

%d bloggers like this: