Bitcoin Kya hai Aur Kaise Kamaye – Bitcoin in Hindi

Kya apko malum hai ki Bitcoin kya hai (What is Bitcoin in Hindi). Ye kaise kaam karta hai (How bitcoin works in Hindi) aur ise kahan rakha jata hai? Agar is tarah ke sawalon ka jawab janana chahte hain to aap bilkul sahi jagah par hain. Kyu ki aaj ki post me main in sabhi sawalon ka jawab dunga. Bitcoin kaise kamaye isse judi jankari bhi main apko yahan par dunga. Doston internet aisi jagah jahan se hum apne anginat kaam badi hi aasani se pura kar lete hain. Chahe wo kaam banking se related ho ya fir shopping se.

Hum apne paise bhi internet banking ka istemaal kar ke handle kar lete hain. Aur paise ko kahin bhi transfer kar lete hain ghar baithe baithe. Ajkal internet se paise kamane ke bahut se tarike bhi hain jinme se ek hai Bitcoin me investment karna. Ho sakta hai aapne Bitcoin ka naam suna hoga aur agar nahi bhi suna hai to yahan main apke sath Bitcoin se judi har jankari share karunga. To bina der kiye hue chaliye jante hain ki Bitcoin kya hai (What is bitcoin in Hindi).

Bitcoin kya hai? (What is Bitcoin in Hindi)

Bitcoin ek cryptocurrency hai jise electronic cash bhi bolte hain. Ye ek tarah ki virual aur digital currency hoti hai. Is currency ko hum na dekh sakte hain aur na hi touch kar sakte hain kyu ki ye physical roop (Note ya coin) me nahi hoti. Hum jo currency use karte hain jaise Rupees, dollar, yen ye sari currency physical form me bhi hote hain. Ye digital currency in regular currency ke just opposite hota hai. Is ko hum apne ghar ya wallet me store kar ke nahi rakh sakte. Ise store karne ke liye online digital wallet hote hain.

Bitcoin ek decentralized currency hota hai jiska matlab hai ki iska koi malik nahi hai. Na to ise koi government ya fir koi authority control karti hai. Iska koi administrator nahi hota. Ye open source hota hai ise koi bhi use kar sakta hai. Is currency ko aap apne country ki currency me convert kar sakte hain.

Bitcoin ka avishkar Satoshi Nakamoto ne 2009 me kiya tha. Ye kaafi kam samay me puri duniya me apni pakad majbut kar chuka hai. Iski popularity din pratidin badhti hi ja rahi hai. Duniya ke har hisse me companiyan jaise Dell, expedia Paypal aur Microsoft bhi is currency accept karte hain.

Bitcoin kya hai bitcoin in hindi

Bitcoin kaise Kaam Karta hai (How Bitcoin works in Hindi)

Bitcoin ka use kar ke hum online kisi bhi tarah ki service ke liye online payment kar sakte hain. Jaisa ki maine pehle hi bataya hai ki ye ab duniya ke har hisse me badi badi companiyon ke dwara bhi use kiya jata hai. To ab samajhte hain ki ye akhir kaam kaise karta hai.

Bitcoin peer to peer network par aadharit hota hai, aur isi base par ye kaam karta hai. Iska matlab hai ki Bitcoin ko directly ek user dusre user ko send kar sakta hai. Bich me kisi bhi madhyam ki jarurat nahi padti. Agar abhi bhi aap nahi samjhe to iske liye main apko ek aasan sa example deta hu.

Aap aksar mobile recharge aur online transaction karte honge. To isme ya to kisi bank account ka use karte honge ya fir mobile payment gateway use karte honge. Lekin Bitcoin me aap sidhe sidhe bina kisi ke mediator ka use kiye apne friend ko send kar sakte hain.

Bitcoin puri duniya me global payment ke roop me istemal kiya ja raha hai. Ye din pratidin logo ke bich popular hota ja raha hai. Online kisi bhi service ko purchase karne ke liye ab har jagah Bitcoin payment option bhi enable kiya ja chuka hai. Yani ki jab aap online payment karne jate hain to payment option me Credit Card,Debit Card, Wallet, Paytm dekhte hi honge thik usi tarah kai jagah BTC ka bhi option hota hai.

Ye open source hota hai fir iska transaction history kaise pata chalta hai?

Iske liye ye “Blockchain technology” ka istemal karta hai. Blockchain har data exchange ka record store kar ke rakhta hai. Har record ko “ledger” ke roop me store kiya jata hai aur har transaction ko ledger ke andar blocks ke roop me store karta hai.

Bitcoin wallet kya hai? (What is Bitcoin wallet in Hindi)

Bitcoin ke bare me to aap jaan chuke hain ki ye ek digital currency hai. Jise sirf hum online hi store kar ke rakh sakte hain. Bitcoin store karne ke liye jis online location ka use karte hain use Bitcoin wallet kehte hain. Bitcoin wallet ek tarah ka software program hota hai. Kisi bhi insan ke wallet me store kiye gaye har Bitcoin address ka ek private key (Secret number) hota hai.

Bitcoin wallet ka use karne ke liye ek account create karna padta hai. Account create karne par ek Unique id di jati hai jo wallet ke address ko define karti hai. Jahan par hum apne ise send aur receive kar sakte hain. Ab is wallet ka istemal kar ke aap BTC ke roop me payment kar ke goods aur services kharid sakte hain. Iske sath hi aap Bitcoins ko sell kar ke apne paise ko apne bank account me bhi transfer kar sakte hain. Wallet mainly 4 types ke hote hain desktop, mobile, web aur hardware.

Satoshi kya hai (What is Satoshi in Hindi)

Bitcoin ke sabse chhote bhaag ko Satoshi bolte hain. Iska naam Satoshi Nakamoto ke naam par rakhi gai hai kyu unhone is currency ka invention kiya tha. 10 Crore Satoshi = 1 BTC hota hai. Bitcoin ko hi hum short form me BTC bolte hain. Is tarah aap samajh gaye honge ki 1 BTC me kitne Satoshi hote hain. Sath hi ye bhi samajh chuke hain ki Satoshi is currency ka hi smallest unit hota hai.

Bitcoin Kaise Kamaye (How to earn Bitcoin in Hindi)

Bitcoin kamane ke to bahut se methods hain lekin aap apni sahuliyat ke hisab se jo pasand aaye use use kar sakte hain. Main yahan apko 4 methods bata raha hu jisse aap is currency ko kama sakte hain.

Payment ke roop me accept kar ke

Mere point of view se Bitcoins earn karne ka best aur sabse aasan tarika ye hai ki ise payment ke roop me accept kare. Agar aap kisi ko kuch sell karte hai ya service dete hain aur uske paas BTC hai to use bole ki wo apko BTC hi pay kare. Is tarah apke wallet me coin store hota rahega aur uski value bhi badhti rahegi. Sath hi aap bhi usko payment karne me use kar sakte hain ya fir sell kar ke paise kama sakte hain.

Websites ke online tasks complete Karke

Online bahut sari aisi websites hain jo task complete karne par apko free BTC pay karti hain. Aksar is tarah ke websites apko bas visit karne ke liye small amount me BTC dete hain.

Mining Se Bitcoin Earn Kar sakte hain

Bitcoin mining ek aisa process hai jisme new Bitcoins generate kiye jate hain. Mining ke liye high permforming computers ka use karte hain. Ye Bitcoin transaction ko blockchain me add karta hai. Blockchain yani ki public ledger jahan par sareBitcoin transaction store kiye jate hain. Iske sath hi ye naye blocks ko bhi search karta hai. Block ek aisa file hota hai jisme sabse naye transaction recorded hote hain. Jab apka computer koi naya block discover kar leta hai to apko kuch BTC diye jate hain.

Abhi dekha jaye to ek block 25 BTC hote hain.

BTC kharide Aur Beche

Agar main kahun ki Bitcoin se paise kamane ka sabse aasan tarika ye hai ki aap khud paise laga ke ise kharide. uske baad ise kuch waqt ke liye chhod de. Iska value market me badhta rehta hai. Jab apko profitable lage to us price me bech de. ye bilkul zameen ki buy sell jaisa hi taria hai.

Aap chahe to is ko small amount unit yani Satoshi me kharide. 1 BTC me 10 Crore Satoshi hote hain. kyu ki abhi is ki price kafi jyada ho chuki hai isiliye behtar hai ki aap Satoshi hi kharid kar uske price badhne ka intezar kare.

BTC ki current value

Waise is currency ki value to fix nahi hoti hai. Lekin abhi ki current value 516864.89 Rs. hai.  Ise aap Google me jakar niche bataye gae tarike current value jaan sakte hain.

Note: Current price janne ke liye Google me type kare 1 BTC=inr

Bitcoin kaise Kharid Sakte hain (How to buy bitcoin in India)

Bitcoin kharidna bechna koi mushkil kaam nahi hai. Agar aapne kabhi koi online transaction ya fir online payment kiya hai to aap easil ise kharid sakte hain. India me is currency ko kharidne aur bechne ke liye website aur mobile app ka istemal kar sakte hain.

India me is currency ko kharidne aur bechne ke liye 2 bahut hi popular companiyan hain.

  1. Zebpay.com
  2. Unocoin.com

In dono companies se BTC aasani se kharid aur bech sakte hain. Yahan main apko bataunga ki Bitcoin kaise kharide. Iske liye apko account banana hoga aur fir steps ko follow kar ke aap ise kharid sakte hain.

Create new account

Aap upar bataye gae dono me se kisi ek me jakar ek naya account create kare. Ye registration process bhi regular registration process jaisa hi hai. Apne mobile number ko enter kar ke account signup complete kar le.

Upload document for KYC

Iske baad KYC ke liye apko apne documents ko upload karna hoga. Iske liye apko select karna hai ki aap kaun sa document KYC ke liye upload karna chahte hain. Aadhar card, PAN card ya koi aur document upload karne ke baad aap submit kare. Apko ek verification mail milega ki apka account active ho chuka hai.

Add bank details

Account active ho jane ke baad payment karne ke liye ap apna bank account details add kar sakte hain. Jisse ki kabhi aap ise kharid sakte hain. Iske liye apko apne bank se paisa is account me deposit karna hoga uske bad hi BTC ko kharid sakenge.

Buy and sell Bitcoins

Jaise aap apne paise bank account is account me deposit karenge to aap kabhi bhi BTC kharid sakte hain. Paise load karne ke baad aap ise BTC me convert kar sakte hain. Aur fir Buy Bitcoin se ise kharid sakte hain.

Bitcoin Kaise aur Kahan Beche (How to sell Bitcoins in India)

Agar aap apna Bitcoin bechna chahte hain jo ki aapne pehle kharida hai to iske liye apko kahin aur jane ki jarurat nahi hai. Aapne jis website se ise kharida hai wahin se aap ise badi hi aasani se bech sakte hain. Wahan apko Sell Bitcoin ka option milega jisse aap use bech sakte hain. bechne ke baad Withraw kar ke aap use apne bank account me deposit kar sakte hain. Aapke paise 2-3 dino ke andar apke account me send ho jayega.

To is tarah se aap apne kharide gaye BTC ko aasani se kabhi bhi bech sakte hain.

Bitcoin use karne ke fayde

  1. Credit aut Debit card ki tulna me transaction fee bahut kam hoti hai.
  2. Iska use aap worldwide kahin bhi aur kabhi bhi kar sakte hain.
  3. Ye ek long term investment hota hai.
  4. Is par kisi government ka authorization nahi hai isiliye bahut sare log iska advantage bhi utha lete hain.
  5. Ye trackable currency nahi hai.

Bitcoin use karne ke nuksan

  1. Jab aap transaction karte hain to ye ek irreversible process hai jo ki koi bhi reverse nahi kar sakta.
  2. Is currency par kisi sarkar ka control nahi hai. Iske price ghat ta badhta rehta hai isiliye ek tarah se ye risky bhi hai.
  3. Bure log chahte hai kisi tarah wo kisi BTC account ko access kar le aise me sari currency chori hone ka bhi khatra hota hai. Ek bar chori ho gaya to fir iski responsibilty lene wala koi nahi hota hai.

Conclusion

Doston ab aap samajh gaye honge ki Bitcoin kya hai (What is bitcoin in Hindi).  Iske sath hi aapne ye bhi jana ki Bitcoin kaise kamaye aur ise kaise kharid sakte hain. Iske fayde aur kya nuksan ho sakte hain iski jankari bhi apko ho chuki hai. Mujhe ummid hai ki apko ye post achi lagi hogi. Agar apko ye post achhi lagi ho to apne friends ke sath jarur share kare. Apne facebook, twitter, instagram me is post ko apne doston ko share kar ke is blog ko aage badhne me madad kare.

Bitcoin Kya hai Aur Kaise Kamaye – Bitcoin in Hindi
4.8 (96.67%) 6 votes

4 Comments

  1. Tanmoy Bhunia September 5, 2018
    • wasim akram September 5, 2018
  2. Deepanshu September 5, 2018
    • wasim akram September 5, 2018

Leave a Reply

%d bloggers like this: