Vigyapan Kya hai in Hindi – Advertisement in Hindi

Kya aapne pehle kabhi janne ki koshish ki hai Advertisement kya hai (What is advertisement in Hindi)? Nahi ! Koi bat nahi aaj aapke mann me ye sawal aa hi gaya hai to aap bilkul sahi jagah par aa pahunche hain. Hum yahan aapke dimag me chal rahe sawal ke jawab ko lekar hi is post me aaye hain. Aap ne mobile me aksar browsing karte waqt, youtube me video dekhte waqt aur sabse jyada TV dekhte time ads dekha hoga. TV par film dekhne ke bich me kai baar aap ads dekh kar bore bhi ho chuke honge. Cricket matches ke overs ke bich me aap hamesha ads baar baar dekhte honge. Cricket field ke ground me aur uske charo taraf dher sare advertisement boards aur banners bhi dekhe honge.

Ye sare advertisements ke hi tarike hain jinhe aap regular dekhte hain lekin shayad kabhi kabhi uske upar dhyan dete hain. Kyu ki hum apne kaam ki chiz par hi dhyan de pate hain. Aaj kal har kisi ke paas Android OS ki smartphone hai aur usme internet connection bhi rehta hai. Jisse log apna adhiktar samay online rehte hain. Is me youtube ka use bahut jyada hoti hai. Isi bich bahut sare video ads bhi dikhaye jate hain. Hum ads ke madhyam se bahut sare life me use hone wale products aur services ke bare jaan pate hain aur unki brand value hamare dimag me chhap jata hai. Aur is tarah hum us product ko jakar kharidte hain.

Aapne kya kya ads dekha hai jo apko abhi bhi yaad hai. Kuch ads bahut attractive hote hain jaise “washing powder nirma”, Ramesh aur suresh 5 star chocolate, Asian paints, nerolac paints, etc ye ads shayad apko bhi yaad honge. To Chaliye jante hain vistar se Vigyapan in hindi (Advertisement in Hindi).

Advertisement Kya Hai – What is Advertisement in Hindi

Jab kisi product ya service ko public ke saamne anokhe dhang se present kiya jata hai jo customers ko attract karne me safal ho aur us product aur service ki sell badh jaye ise advertisement bolte hain. Jab advertisement ya vigyapan aise platform se kiya jata hai jahan se ise bahut sare logo tak pahunchaya ja sakta ho to ise mass advertisement bolte hain.

Vigyapan ko ek tarah se selling art (vikray Kala) bhi bola jata hai jo logon tak pahunchne ka bahut bada madhyam hai. Is ke dwara customers ko image, message. video aur audio suchna ka istemal kar ke product ki jankari aur uski quality ko ache se batayi jati hai. Industries vikas ka dusra roop hai. Industry me jab production badh jata hai to ye jaruri ho jata hai ki bane hue product ko sirf pahunchaya na jaye balki us product ki jankari de di jaye. Jise us product ki jarurat hogi wo khud hi product ki talaash kar lega. Jise jarurat nahi hogi wo iske bare me sunkar time kharab nahi karega. Yahan kehne ka matlab ye hai ki kisi bhi product ki popularity badhane ke liye advertisement main role nibhata hai.

Wo kaise?

Chaliye ise main aap se hi ek sawal puchhne ke baad batata hu.

Question

Jab barsaat ka mausam aata hai aur machhar kaatne lagte hain to aap kya karte hain?

Aap shop to jarur jate honge aur bolte honge ki ALL OUT ya Mortein de dijiye. Ab aap mujhe bataye ki ALL OUT aur Mortein ke bare me apko kahan se pata chala. To aapka jawab hoga TV par ad dekh kar. Ji han aap sahi samjhe TV me ad dekh dekh kar hume bahut sare product ki jankari milti hai aur use hum bade brand ke roop me jante hain aur mante bhi hain.

Diwali aane wali hai aur aap diwali ki taiyari karni shuru kar chuke honge. Aap ko diwali se jude ads bhi dekhne ko milne lage honge. Cadbury celebration ka ad to apko yaad hi hoga jo diwali special gift ready kar ke pack ke roop me ad me dikhate hain. Ad dekh kar hi Cadbury ko gift ke roop me log ek dusre ko dete hain.Ye sab advertisement ka hi kamaal hai ki logo tak apni popularity itni badhai jati hai ki logo ke mann me wo brand ke roop me apni chhap bana leta hai. is tarah selling bahut badh jati hai.

Advertisement kya Kam karta hai

• Jab koi nayi product launch ki jati hai to uske bare me public ko kuch bhi malum nahi hota. To aise me vigyapan ke madhyam se iski jankari har ek aadmi tak bahut hi aasani se pahunchaya jata hai.
• Kisi bhi product aur service ki quality ke bare me bata kar logo ko attract kiya jata hai.
• Advertisement me dikhaye jane wale product ki brand value banti hai jisse log us par bharosa karne lagte hain.
• Customers ke memory us product ki chhap ban jati hai. Jaise log toothpaste bolne ki jagah pepsodent ya fir colgate bolte hain.
• product ke upar Discount dekar customer ki sankhaya badhayi jati aur selling bhi badh jati hai.
• Advertisement ke madhyam se log apne se milte julte product ki tulna kar ke bhi batate hain ki kaun best hai.
• Product par log viswas karte hain aur use pure pariwar ke log pasand karte hain aur kahin bhi jaye usi ka istemal karte hain. Ek tarah se us khas product ke liye aadat bana lete hain.
• Market me product ki wajah se hi balance bana rehta hai.

Vigyapan ke prakar – Types of advertisement in Hindi

Hum har din internet ka istemal karte hain. Har insan ab smartphone ka istemal karta hai. Chahe aap google khole ya Youtube apko har jagah ad dekhne ko milte honge. Sath hi TV me bhi ap chahe news, cricket, serial ya movie dekh rahe ho ad wahan bhi dekhne ko milta hoga. Aap ads ko anek roop me dekhte honge. Ye sare alag alag tarah ke advertisements hain. Chaliye ab jaan lete hain ki aakhir advertisement kitne tarah ke hote hain.

Persuasive Advertisement:

Jab kisi naye product ko launch kiya jata hai to parent brand ka ye goal hota hai ki consumers ko product ke trail ke liye attract kar sake. Har ek cpany iske liye alag alag tarike apnati hai.

Persuasive advertisement product ko promote karne ka aisa tarika hai jiska aim consumer ko raji karna hai aise consition me jab us product ki category me pehle se hi bahut sare product market me available ho. Trail ke products ko kharidne ke liye logo ko motivate karna aur us naye product ke brand value badhane aur use banaye rakhne ke liye bhi protsaahit karte hain. Isse customer loyalty bhi badhne ka chance hota hai.

Informative Advertisement:

Is tarah ke vigyapan suchna ya information ke broadcast karne ya fir business preference ko dhyan me rakh kar kaam karte hain.  Iske sath hi in vigyapano ka purpose logo ko educate karna, High living culture ko develop karna, traditional thinking aur spiritual progress ke lakshya ko pane ke liye inspire karna hai. Social development, International harmony, wild animal protection, travelling safety ke bare me information dena bhi iska purpose hota hai.

Institutional Advertisement:

Institutional advertisement commercial institutions ke dwara publish kiye jate hain aur logo tak bhi pahunchaye jate hain.  Is tarah ke ads  customers me viswas aur confidence paida karne ke liye prayog kiye jate hain. Rashtra hit ko lekar badi badi industry groups institution ke roop me nationally popular opinion banati hai. Is me advertising ka maksad social welfare yani jan kalyan hota hai.

Industrial Advertisement:

Is tarah ke advertisement ka aim hota hai raw material yani kacha maal aur equipment ki sell badhana. Is tarah ke vigyapan ka istemal aam logo ko attract karna nahi hota balki ye un industries ya targeted logo ko aim karte hain jo is industry se jude product ko istemal karte ho. Chahe wo production ya manufacturing ke maksad se kare ya fir product ke upyog ke liye kare.

Financial Advertisement:

financial advertisement jo hote hain wo mainly meaning se related hote hain. Is ke jariye companiyan apni category me aane wali dusri companies ko apne shares khaidne ke liye motivate karti hai. Is ke liye company apne income aur expense (kharch) dono dikhati hai.

Classified Ads :

Is tarah ke ads bahut summarized(sanchhipt) aur kam kharch me logo tak pahunchaye jate hain. Aise ads shok vyakt karne wale (condolences), astrological, marriage se jude, badhai sandesh, purchase, sale, requirement, Job vacancy, groom aur bride ki talaash ke lekar newspaper me publish kiye jate hain.

Advertisement (Vigyapan) Karne ke madhyam

Agar aap ek business man hai, kisi product ki manufacturer company ke malik hain, kisi service ko provide karte hain to apke liye aise kaun se medium hain jinka upyog kar ke aap apne product ya service ka advertisement ya vigyapan kar sakte hain. To jaan lijiye ki iske bahut sare amdhyam hain. Aur usi ki charcha ab hum yahan karne ja rahe hain.

Television

Ek taaza research se pata chala hai ki sabhi vigyapano ke bich abhi bhi television best aur popular advertisement medium hai. Television me ads chalana kaafi mehenga hota hai. jab koi special event hota hai us waqt to per second ke hisab se paise liye jate hain. Jaise cricket match ke bich me dikhaye jane wale ads, high TRP wale shows ke sponser ads, soccar yabi world cup football matches ke bich dikhaye jane advertisement kafi high charge kiye jate hain.

Television me dikhaye jane wale ads ka popular events

• Football matches
• Cricket matches
• IPL T20 matches
• High TRP shows jaise KBC, Big Boss
• Latest released movies

Radio Advertisements

Radio vigyapano ko hawa me radio waves ke roop me transmitter se antenna tak prasaarit kiya jata hai aur is tarah radio waves ko receive kar ke jis device se sound ke roop me advertisement sunte hain use Radio advertisement bola jata hai.

Is ke madhyam se advertisements ko prasaaran karne ke liye kisi station ya fir network se airtime ya network kharida jata hai. Radio ke jariye ads ko bas sound ke roop me hi broadcast kiya ja sakta hai. Radio ads ko jo support karte hain wo ise ek profit ke roop me dekhte hain. Ye ek expanding medium hai jo ki air aur online dono jagah maujud hain. Arbitron ke anusar baat ki jaye to Radio me lagbhag 241.6 million listener ya fir 93% American hain.

Online Advertisements

Online ads customers ko attract karne ke liye Internet ka sahara lete hain aur world wide web ka use karte hain. Internet me bahut sare popular serach engines hain jo ads dikhane ka kaam karti hain. Search engines ke alawa bhi websites aur mobile app advertisements companies hain jo website aur applications dono jagah ads show karti hai. Youtube bhi advertisement dikhane ke maamle me ab bahut popular platform hai.

Best online advertisements search engines

Google

Media.net ( Yahoo & Bing Ad network)

Is ke alawa online aur bhi website hain jahan hum apne khud ke chizon ka dvertisement kar sakte hain. yahan tak ki ab aap apne second hand yani used goods ko bhi sell karne ke liye advertise kar sakte hain.

OLX

Quikr

Justdial

Print Advertisement

Is tarah ke vigyapan newspaper, magazine, business magazine me publish kiye jate hain. Aise advertisement ke method ko print advertisement bola jata hai. Impression ad ka jo pehla roop hota hai use classified advertising bolte hain.

Billboard Advertisement

Public place aur road ke kinare jo bade bade banner aur poster ke roop me ads laagaye jate hain unhe billboard advertisement bolte hain. Cities me building aur road ke kinare is tarah ke ads ko sabse jyada lagaya jata hai.

Shop Advertisement

Waise ads jo dukano ke andar me lagaye jate hain use shop advertisement bolte hain. Ise dusre shabdon me In-Store advertisement bhi bolte hain.

Air Advertisements

Aeroplane me lage ads aur air balloon ke jariye kiye jane wale advertisement ko air advertisment bolte hain.

Vigyapan ke Vishehsta – Qualities of Advertisement

Ek acha vigyapan adhik se adhik logo ka dhyan aakarshit karne ka kaam karta hai. Wo kaun si visheshtayen hain jo ek vigyapan ki quality ko behtar banati hain. Chaliye jante hain ki ek ache vigyapan kaun si qualities honi chahiye.

Innovative and original Decoration:

Vigyapan ko jab publish kiya jaye to usse pehle ye jaruri hota hai ki presentation bahut hi attractive ho. Us me decoration aisi ho ki logon ki nazar khud uski taraf khinchi chali jaye.

Concentrate on main feature of Product:

Jo product hai uski sabse best quality ko vigyapan me jarur rakhe taki usse strength badh jaye. Isse logon ko samajh me aa jaye ki product unhe ye kyu kharidni chahiye.

Capable to attract everyone:

Advertise chahe kisi bhi product ka ho uski sabse jaruri visheshta ye hoti hai ki wo logo ka dhyan apni or attract kar sake. Vigyapan ki scene, language aur presentation aisi ho jo logo ke mann ko bhaye.

Easily Understandable:

Vigyapan banane wali company ko is baat ka bhi khayal rakhna hota hai ki wo aisa ad taiyar kare jise har tarah ke log padh sake aur samajh sake. chahe log city ke ho ya village ke well graduate ho ya fir kam padhe likhe sabhi ko ad ki meaning aasani se samajh me aa jaye. Jis ad ko logo ko samajhne me dimaag lagana padta hai usse log jud nahi pate aur fir baad me us par se inerest bhi kahtam ho jata hai.

Attractive Title:

Kehte hain na first impression is the last impression, usi tarah kisi bhi advertisement ke title par bhi logo ki pehli nazar jati hai aur use log padhte hain. Title aisi honi chahiye ki logo ke mann me interest jaag jaye ki iske andar aur kya likha hai.

Importance of Advertisement in Hindi

Aaj aisa waqt aa chuka hai jab logon ke bich dooriyan khatam ho chuki hai. Iska sabse bada reason hi har din tezi se develop hoti technology. Ab dooriyon ka koi matlabn nahi raha har koi kisi se bhi aur kabhi bhi juda hua rah sakta hai.

Har din market badhta ja raha hai aur koi market me apna establishment pakka karna chahta hai. Jo chhote business hote hain wo bhi apne aap ko bada karna chahte hain. Aur iske liye har tarah ke prayas karte hain. Isi kadi me wo advertisement ka sahara lete hain. Aur apne product ko duniya ke har insan tak pahunchana chahte hain.

Purane waqt me sources kam the aur logo tak pahunch pana mushkil tha lekin abhi ghar baithe aap lakhon logon tak apni service ya product ko bahut hi aasani se pahuncha sakte hain. Is ke liye jarurat ke anusar advertisement ke alag alag tariko ka use karte hain. Vigyapan kisi product ke liye bahut jaruri hota hai. Kyu ki ye ek aaina hota hai jo bina logo tak pahunche huye apne bare me sari quality ko bata deta hai. Chaliye jan lete hain ki aakhir vigyapan ke kya mahatw hain

Product ki jankari

Vigyapan ke madhyam se logon ko product se judi har jankari mil jati hai ki ye vastu kis kaam ki hai. Aur iski kya visheshta hai iske sath hi ye bhi malum chal pata hai ki ye auro se kaise alag hai.

Seller ka profit

Advertisement ke jariye sirf consumer ko hi nahi balki ise bechne wale shopkeeper ko bhi profit milta hai.

Market ka nirman

Naye products ke bare me janne ke liye logo ko milta hai. Isse us product ke liye bazar banane me upyogi hota hai.

Economical Development

Vigyapan rashtra seva me bhi yogdan deta hai. Advertisement ke madhyam se logo ko jagruk kiya jata hai. Aur is tarah bazar bhi badhta hai aur logo ki level of living bhi high hoti jata hai. Is tarah desh ki economy strong hoti hai aur deh ke vikash me madad milti hai.

Conclusion

Doston ab aap samajh gaye honge ki vigyapan in hindi (Advertisement in Hindi) kise kehte hain. Iske kitne prakar hote hain. Sath hi aapne ye bhi jana ki vigyapan karne ke kitne madhyam hote hain. Kis tarah ab apne product ko logon tak pahunchana bahut aasan ho chuka hai. Apne services ko logon tak pahunchakar ek tarah se ye kaam rashtrahit ke tahat hi aata hai. Desh ki growth hoti hai. Is post ke jariye aapne ye bhi jana ki Advertisement ka kya importance hai. Doston agar aapko ye post pasand aayi ho to ise social media me jyada se jyada share kare.